[عيسى العرعري]

السلآم عليكم ورحمة الله وبركاته ..

من منطلق خيانة الرجل للعشرة بينه وبين المرأة ومن منطلق خوف الزوجة من الطلاق والعنوسة ..
يرى بعض الزواجات انه المفترض انها تخلف بأسرع وقت ممكن حتى تبلش نفسها بالرجال ومايطلقها ..

لكن لو تلاحضون ان طريقة زواجنا لسا مايبان للزوج والزوجة طبيعه الطرف الاخر الا بعد فترة من الزمن يعني كلام الاهل عن الزوج او الزوجة وكلام الناس وفترة الخطوبة وفترة الزواج وفترة شهر العسل لسا مايبان فيها طبيعة الشخصين وتوافقهم مع بعض ( هذا على افتراض ان الاثنين عيال حلال ومافيهم شي ينعاب ) الفترة اللي ذكرتها غالباً ماتبين توافق الطرفين يعني كل واحد فيهم يتعامل بمثالية وكل واحد يتعامل على مبدأ ( مشيها وبعدين بيتغير أو باغيره انا مع الايام ) الين مايكتشفون انهم ماهم متوافقين طيب اكتشفوا انهم ماهم متوافقين او اكتشفت الزوجة ان الزوج شراني ومتوحش وغير قابل للعشرة وش تسوي وش ذنب الاطفال تبلشهم بين امهم وابوهم .. ترجع الزوجة تقول خليني اتحمل عشان العيال .. يعني في الاخير الزوجة هي اللي بتقعد بها ..

الخلفة يبي لها اول شي الواحد يستمتع بزواجه ويوسع صدره مع نصفه الاخر ويعيشون حياتهم بدون ازعاج وقت مايملون من خشش بعض ويتهيأون نفسياً لاستقبال ظيف جديد في الاسرة وقتها يفكرون في الانجاب وقتها بتكون النفسية لتربية الطفل افظل ويكون الواحد مروق في التربية لكن لو خلفوهم في بداية حياتهم وهم لسا ماشبعوا من بعض لحالهم بيحرمون نفسهم من الروقان في بداية حياتهم وبيربون عيالهم بنفسية خياسة ( هذا اذا ربوهم ) اما انهم يقررون انهم ينجبون اطفال على مباديء سخيفة .. فهذا قمة الغلط ..

التربية محتاجة روقان ومحتاجة الاخذ بيد الطفل وتعليمه الحياة وحدة وحدة وهالامور ماتجي بالعفاشة وبسرعه يبي لها مخمخة فاحسنوا اوقات انجابكم ..

الموضوع الأصلي: الانجاب | | الكاتب: عيسى العرعري | | المصدر: شبكة بني عبس

[يوسف العجرمي]

عيسى العرعري

طرح جيد واختيار موفق وموضوع يطول الحديث فيه ..

لي عوده اخرى باذن الله ولكن هناك ملاحظة بسيطة جدا وهي نوعية الخط الذي استخدمته ولون الخط كذلك غير جيدة اتمنى اختيار خط واضح ولون واضح كذلك لأن هناك من الطلعين من يعانون من مشاكل النظر وانا واحد منهم .. فضلا ً وليس أمرا ً ؛؛؛

تقبل مروري المتواضع . . . ودمت متألقا ً ؛ ؛ ؛

[المجدوري الزبني]

موضوع مهم وجميل وتقبل مروري

[المشعل]

عيسى

يعطيك العاافيه

موضوع رااائع وطرح رااقي تشكر عليه
كلااااام سليم وواقعي قد يحصل بين الزوجين ولكن لابد ان الزوجه تصبر وتتحسب الاجر وتدعي الله بأن يهدي زوجها يمكن بعد فتره يتغير زوجها ويتغير وضعه للافضل , مطلوب التنازل عن بعض الامور للاستمرار الحياه الزوجيه بينهم
ويمكن يحس الزوج بتقصيره مع زوجته وبعرف انها متحملته وصابره عليه وهذا اكيد انها تكبر بعينه ويحبها فيما بعد ..

تحيااااتي لك

[منصور غنيمان]

يعطيك الله العافيه

[عيسى العرعري]

منصور غنيمان

يعـأفيك ربي

المشعل

أشكرك

المجدوري الزبني

بوركت

يوسف العجرمي

وجودك أسعــدني




تقبلوو تحيـأتي

[شـــوق]

كلام سليم لا غبار عليه ..
المفروض من الزوجين ما يستعجلون بالانجاب .. لانه اول سنه زواج معروفه تكون غير مستقره ..
فحرام يضيع هالطفل بينهم ..
بس هالشي لازم له توعيه .. لانه بعض الازواج لو يكلم مرته ويقولها ناخر هالموضوع بتقووول ايييييييييه ناوي يطلقني او لو هي تكلمه بيفهم قصدها غلط .. هالامر بالذات ما يصير الا باقتناع الطرفين

[يوسف العجرمي]

بسم الله الرحمن الرحيم

اعتقد تاجيل مسائل الاتفقاق الى مابعد الزواج من الامور الخاطئة التي قد نقع فيها لان الاتقفاق ياتي قبل الزواج بطرق اقرها الشرع ، اما مسألة الانجاب وتاخيره فاعتقد بان هذا الامر يرجع للزوجين ولكن ليس على حساب الثقة والترابط بين الزوجين وبشرط ان لايفتح هذا الموضوع باب للشك او عدم الثقة بينهما ، واعتقد بان تعميم هذا الامر وجعله روتنيا للزواج وانه من الخطأ الانجاب مبكرا فهذا امر غير صحيح لان الانجاب احيانا يكون حلا ً لبعض اختلافات وجهات النظر بين الزوجين ويزيد من ترابطهما وليس العكس .

كل الشكر والتقدير على طرحك المميز عزيزي عيسى .. ودمت متألقا ً ؛؛؛