[ابوعالي الرشيدي]

انتشر حبك بجسمي لا وحتى بالعضام
................واختلط حبك بدمي في المعاليق يعدي
ياهيام في هيام في هيام في هيام
.............ياضياعي يااتجاهي يادروب المهتدي
لو تذوق النوم جفني ماتهنى بالمنام
............طاوله فيك الغرام وطاوله فيك سهدي
لك ياحبيبي في ثنايا جوف هاالقلب احترام
...........لك حبيبي قولتي لبيه امر يابعدي
كيف اصبحك بسلام وكيف امسيك بسلام
...........وانت في مجرى وريدي مع سواقيه تغدي
لك عيوني لك حياتي لك سنيني لك مقام
...........لك حلالي لك فؤادي لك ورودي وشهدي
فوق كفك دق حنا والبلاء فعل الزمام
............والحلا ليل تسلل فوق الامتان اجعدي
لا طويل ولاقصيروياحلو زين القوام
.............جل من صور جمالك في غرامك مولدي
مالقينالك شبيهأ في غنادير الشوام
.............ولالقينالك شبيه في بنات الاحمدي
انت دانه وانت ايه وانت عشق المستهام
..............وانت نادر في عيوني ياعيوني وسعدي
وانت والله ياصغير الحب من قبل الفطام
..............ماقصرت الفكر دونك لا ولاضاع جهدي
وانت امسي وانت انسي وانت جرحي والختام
................وانت والله ياحبيبي شمعة اليوم لغدي
وانت غاية مقصدي ياروح روحي والغرام
.................وانت شف البال والله وانت غاية مقصدي
ترتدي ثوب شرف والعزمن فوقه وسام
..................كيف مايصبح وسامك وانت عزه مرتدي
بنت شيخ ماتوانى مايفك الاالزحام
...............فزعت الي ينتخي ويصيح تكفى ياسندي
والحضيض الي قرب حضه من حضوض الكرام
................ماخشىشر الزمان ولاخشى الحض الردي
اترك الواقع واعيشك في خيالي بنسجام
.................واربط الواقع بااحلام الخيال السرمدي
مابغيتك فالضلام ولابغيتك بالحرام
.................مابغيتك غير بالعزالشريف المقتدي
مابغيتك بالتلاعب مابغيتك بالكلام
.................مابغيت الااخوك يصير خال لولدي
لك جنوني لك ضنوني ياحبيبي والسلام
.................وانت غالي ثم غالي ثم غالي يابعدي

الموضوع الأصلي: انتشر حبك بجسمي | | الكاتب: ابوعالي الرشيدي | | المصدر: شبكة بني عبس