[خليف الوهيداني]

هلا مرحبا باللي سرى الشعر مع طاريه=غد للمعاني من ورا رسالته حنه
مثل من سرى والخوف من سريته قافيه=مهرب سلاحآ قشر الايام حدنه
يبي مبلغ(ن)مدفوعله لوحصل يغنيه=.حاديه الفقر والدين وفلوسه أغرنه
وتعرضله اللي قبل لايطوف بلغ فيه=قبل الايطوف الحد جيبين لحقنه
لو أنه شجاع وسايقآ موتره يزويه=على سرعته مع حنيت الخط ردنه
هذا ينطحه مناك واللي ورا يرميه=ورصاص المدافع يوم يرمون صابنه
وقع وقعتآ معاد من دونها يمديه=مقادير وطماعه لهدرب ودنه
عقب ماهو حر وكل دربآ يبي يمشيه=فعوله وهقواته على السجن طشنه
طريح وصويب وبالكبشه ربط بيديه=وقعد من ندامت نفسه يجره ونه
وعليه أنبدل همه وقام القهر يطويه=وعلى مابه أطماعه من الهم زادنه
وأنا الشعر ماني قايلني وحيدن فيه=لكن التفنن فيه وزيد في فنه
عليه أتكلف لجل من يسمعه يرضيه=مثل من تكلف في محله على بنه
وجامل وساير وقتي اللي ماني باغيه=وعند الله الارزاق والنار والجنه
وسولف لو أن القلب أبه هاجسآ يكويه=وهمومآ لمن الناس ناموا يسرنه
وتجيني علوم وماهرج في قفاي أوحيه=ولكنه هرج عندي والأذان سمعنه
ومن يتكل بالله لو قيل فيه وفيه=من الله سواليف الخزا مايضرنه
يعيش النصيح بعز ماعاشبه شانيه=لو أن والمكاسب بالدراهم يطغنه
من الموت ماله لا قبل الموت ماينجيه=وسليم النوايا هروج الانذال مشقنه
وخاوي خوين ماتندم من يخاويه=خوين مايلحق فرعته لا فزع منه

الموضوع الأصلي: وخاوي خوين ماتندم من يخاويه | | الكاتب: خليف الوهيداني | | المصدر: شبكة بني عبس

[مسندالعويمري]

خليف الوهيداني

صح السانك وشكرا لحضورك المميز

حضور شعري بهذي القصيده وماتعني وماتطرقت ليه

[عبس404]

صح لسانك و قصيده رائعه

[مرزوق العجوني]

صح لساااانك ياخليف ولا هنت على الرائعه وتقبل مروري