[عبيد الله دعيع]

يالله أنك تنصر إلأسلام يارب العباد=يالله أنك تنصرإلأسلام في كل البلاد
طالبينك بأسمك الأعظم عليك الأعتماد=ياعظيم الشان يارب(ن)على العالم رقيب
ياقبائل مملكتنا في جميع الأتجاه=النصيحه للجميع وشدو الها الأنتباه
من ظلم مسلم ترى بكره يبى يلقا جزاه=خافو من الله ومن دعوة على الظالم تصيب
الطغا والفسق وايضا الكبر عند الله وخيم=أستعيذو بالله من إبليس شيطان(ن)رجيم
الشجاع اللي بحزات الغضب يبقى حليم=وينكم عن دينكم وأنتم أهل نخوة وطيب
أنتم أخوة بالعروبة بالقرار وبالمصير=مسلمين الدم واحد ربكم واحد بصير
التفرق والتباغض بينكم ذا مايصير=الشتم والسب مايرضاه رب الكون عيب
كلكم من صلب آدم وأمكم حوى جميع=دينكم دين الله إلأسلام والمولى رفيع
والنبي واحد محمد ابن عبدالله شفيع=لاذكرنا أسمه نصلي مع سلام على الحبيب
سكرو على العدى في كل ريع وكل باب=كل واحد ميت(ن)بكره وياتيه الحساب
الجهل خلوه عنكم والتناحر والسباب=يالله أنك لاترديلي لاحظ ولانصيب
كل شاعر سب مسلم في قصيده قال فيه=سجلت في لوح حسناته وسيئاته تجيه
وش يسوي بالجوارح كان جت تشهد عليه=موفق(ن)تشخص به الأبصارباليوم الرهيب
حط ميزان(ن)ولابه غيرسيئات كثار=فيه شتم وفيه سب وقذف وذنوب(ن)كبار
أنحرم من جنة الفردوس يحذفله بنار=طش فيها تلتهب لو صاح مايلقا مجيب
خاسر(ن)دنياه وآخرته وهذا اللي جناه=ماعمل من سؤ في دنياه هذا اليوم جاه
الجزا مذكور من جنس العمل في مستواه=موقف(ن)يرتاع منه الطفل لا والله يشيب
والختم من تاب من ذنبه يتوب الله عليه=كل مسلم تائب(ن)لله يرفع له يديه
قبل وقت الغرغرة وإلا المنيه تقتفيه=جعل ربي يغفر أذنوب العباد ويستجيب

هذه القصيدة (النصيحة) للشاعر/عبيدالله دعيع القلادي**** أرجو من الله عزوجل أن تنول أعجابكم وأن الله يهدينا إلى سواء السبيل أنه سميع(ن) مجيب

الموضوع الأصلي: أنــتبـاه للـجـمـيـع | | الكاتب: عبيد الله دعيع | | المصدر: شبكة بني عبس

[%القناص%]

الله يعطيك العافية

[عبيد الله دعيع]

الله يعافيك أخي العضو المتألق(القناص) أسعدني مرورك لك خالص تقديري وأحترامي

[الرويسان]

قصيدة رررررررررررررووووووووعععه قصيدة من اروع القصايد فيها عبر كثيرة وبارك الله فيك اخي يالخيال وجعلك الله خيال الاسلام تطا بخيلك على ديار الكفر امين وبارك الله في الشاعر تقبل مروري اخيك الرويسان

[سعد الشقل]

كل شاعر سب مسلم في قصيده قـال فيـه
سجلت في لوح حسناتـه وسيئاتـه تجيـه
وش يسوي بالجوارح كان جت تشهد عليه
موفق(ن)تشخص به الأبصارباليوم الرهيب


صح اللسانه مليون على هالقصيده الرائعه والمعبره

ولاهنت على النقل المميز يالخيال

[عبيد الله دعيع]

يامرحبا بضيف الجميع الغالى/الرويسان أسعدني مرورك ومتابعتك وكلامك الطيب ودعواتك المباركة جزاك الله كل خير*** أخي العزيز هذا واجب على كل شاعر يجب أن ينصح أخوانه المسلمين** أسعدك الله دنياء وآخرة تقبل مني خالص التحية
ووافر الأحترام

[عبيد الله دعيع]

أستاذي الفاضل الشاعرالأديب بشعره وأخلاقه مشرف منتدى الشعر الشعبي/راشد رباح أسعدني مرورك كثيراً ومتابعتك كثر الله من أمثالك وحفظك من كل سؤ والبسك
ثوب الصحة والعافية وغفرالله لنا ولك وجميع المسلمين آمين يارب العالمين
عزيزي الغالي أشكرك جزيل الشكر على تثبيت القصيدة جزاءك الله كل خير**** تقبل خالص التقدير ووافر الأحترام **أخوك الخيال**

[عبيد الله دعيع]

الأستاذ الفاضل مشرف منتدي المحاورة/ سعد الشقل صح بدنك* مشكور أخي على المرور الرائع أسعدني تواجدك ومتابعتك بارك الله فيك لك مني كل تقدير وأحترام أخوك* الخيال*