[بدر نوران]

[frame="2 80"]
.
.

السلام عليكم ورحمة الله وبركاته

(عــالــم الــعــز )




[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ناس ٍِ تجيب الهم وناس ٍ تزوله=وناس ٍ لها من دقة الباب مقصود
وناس ٍ تبي شي ٍ وهي ما تطوله=وناس ٍ تحصد الزرع والزرع محصود
وناس ٍ تبي تصبح نجوم البطوله=والعرف فيهم خابرينه ومعهود
وناس ٍ تراها بالمواقف صموله=عز الخوي والمدح فيهم ترى يزود
والحر يبقى عند هرجه وقوله=دايم على درب الوفا يمشي سنود
وان ماعنى للناس جوه وعنوله=كنه على كسب الفخر صار محدود
ومسكة رسن خيله أصيله جفوله=يبيلهاا خيال يسرد لها سرود
قد قادها جده بحرب الحموله=وخاله وأبوه والعلم ثابت ومشهود
وما كل من ينوي يثبت وصوله=بعض البشر الصبر عنده له حدود
وأنا أخذت بعالم العز جوله=وقادتي خالي وأبويه والاجدود
أبوي قال : أبعد عن اللي فعوله=فيها الردى والذل لا تصير مصدود
ومن يفعل الشينه حذيرك تعوله=دربه ترى دايم ردي ٍ ومسدود
وخالي يقول : أختار بنت ٍ جفوله=مردده من نسل معروف معدود
توفي ولو غيابكم صك حوله=ولا شفتها راغت كما ظبي مطرود
بنت الحمايل وافيه وخجوله=وذكر اهلها من نبا العيب مجرود
وختامها مني نصيحه بقوله=خلك عزيز النفس وافي بالعهود[/POEM]



وسلامتكم

أخيكم الوافي
بدر نوران الرشيدي


.[/frame]

الموضوع الأصلي: (( عــــالـــم الـــعـــز )) | | الكاتب: بدر نوران | | المصدر: شبكة بني عبس

[ابواثنين]

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وناس ٍ تبي شي ٍ وهي مـا تطولـه=وناس ٍ تحصد الزرع والزرع محصود[/POEM]
صح اللسانك اخوي بدر نوران
قصيده جميله بمعانيها ومفرداتها

[غازي البراك]

صح السانك يابو نوران الابداع وصوغ جزل المعاني وتصوير الحكم ماهو غريب على شاعر في مستواك

سجل اعجابي

[راعي البلها]

والحر يبقـى عنـد هرجـه وقولـه
دايم على درب الوفا يمشـي سنـود
وان ماعنى للنـاس جـوه وعنولـه
كنه على كسب الفخر صـار محـدود

صح لسانك يابن نوران ولاهنت على هذه القصيده الرائعه

[بدر نوران]

اقتباس من مشاركة ابواثنين [POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وناس ٍ تبي شي ٍ وهي مـا تطولـه=وناس ٍ تحصد الزرع والزرع محصود[/POEM] صح اللسانك اخوي بدر نوران قصيده جميله بمعانيها ومفرداتها

ابو اثنين


صح بدنك ولاهنت على المرور



وشهادتكـ وسام علي صدري



تحيتي لكـ

[صالح سعود]

وناس ٍ تبي شي ٍ وهي مـا تطولـه
وناس ٍ تحصد الزرع والزرع محصود



الغالي - بدر نوران


الوافي

وافي ايها الغالي الكريم

صح لسانك ..
ووسلم بنانك

[عبدالعزيز الخياري]

أبوي قال : أبعد عـن اللـي فعولـه
فيها الردى والذل لا تصير مصـدود
ومن يفعل الشينـه حذيـرك تعولـه
دربـه تـرى دايـم ردي ٍ ومسـدود


صح لسانك يابــــدر مبدع أبـــيات قويه فيها من النصائح الثمينه

لله درك سجل أعجابي بهذه الرائعه

اتمنى لك التوفيق

[الاجهر]

ما يحتاج 100 %
مشكور الاخ / بدر
صح السانك