[عبيد الله دعيع]

أهدي هذه القصيدة للجميع أرجو من الله أن تنال على أعجابكم وإستحسانكم

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]راكب اللي لامشا وأفتر ويله=يعجب السواق لو أنه الحاله
موتر(ن)توه جديد(ن)في مديله=طلعه راعيه بغبار الوكاله
المزايا جت على مطلب وكيله=كامل(ن)وصفه ولله الكماله
العلامه فوق كبوته جميله=زينت خشمه وزادت في جماله
جيب تأيوته ولا دور بديله=طيب(ن)يستاهله راع الشكاله
منوة اللي وده بشوفت خليله=ياصله بجبال وإلافي رماله
الخطوط المستحيله تستويله=لأستلمها كن مافيها إستحاله
يسحب بعيد المسافات الطويله=سحبت أسيور المكينه بالمحاله
مثل حر(ن)شافله صيده جزيله=أنطلق من عالي الجو بعجاله
سايقه مع كل درب(ن)هودليله=كل درب(ن)يعرفه مابه جهاله[/POEM]

الموضوع الأصلي: جيب تايوته | | الكاتب: عبيد الله دعيع | | المصدر: شبكة بني عبس

[مسندالعويمري]

صح السانك ياالخيال على القصيده الوافيه من رجل وافي

وبيض الله وجهك

[عبيد الله دعيع]

صح بدنك أخي مسند العويمري أسعدني مرورك* حفظك الله من كل مكروه تمنياتي لك بالتوفيق ياغالي*

[أبو فايز العويمري]

مثل حر(ن)شافله صيده جزيله
أنطلق من عالي الجو بعجاله
صح السانك يالخيال الله يعطيك العافيه على كل ماتقدمه لهذا المنتدا والحقيقه قصيده رائعه وأتمنا لك التوفيق ولاتحرمنا من جديدك ولك أجمل تحياتي وتقديري;) ;) ;)

[سعد البويدي]

صح السانك ياالخيال

على القصيده الوافيه من رجل وافي

وبيض الله وجهك

[عبيد الله دعيع]

أخي الفاضل أبو فايز العويمري صح بدنك أسعدني مرورك يالغالي وأنا أسف جدا جدا على التأخير عن الرد أقبل أعتذاري يالطيب تحياتي

[عبيد الله دعيع]

صح بدنك أخي الفاضل سعد البويدي أسعدني مرورك جداجدا بارك الله فيك وأنا آسف على التاخير عن الرد أشكرك جزيل الشكر على كلامك الطيب يالطيب