[سعد الشقل]

السبع الضاري

سلام ياعمدة سمطره وكابول=تحيةٍ تعطيك رحم المطني
السبع طبعه طبع ياكل يامأكول=أليا عوى وأشرف بريع المغني

العمده

يالسبع صحح نظرت اعيونك الحول=هوليه شوفك يابـو زيـد متدنـي
عمده على الموقع عسا عمرك يطول=اجـاوب اسبـاع ٍ وهـن جاوبنـي

السبع الضاري

لاتلومني من شوفك الزين يا حْول=أونست نابي والخطر وصل سني
الزول هذا زول والسر مجهول=جاوب وأنا سبع الفلا يالمسني

العمده

لاتدغم المعنا بمـرن ومعسـول=كثر التجـارب يالسبـع علمنـي
قايستها بالطول والعرض والطول=ولقيت ضنك مخلفـن دوم ظنـي

السبع الضاري

والله مدري ويش ياناصر أقول=لكان قلي وش تبا اليوم مني
قايستها مرجان قايستها لول=يخبرك ظني يا حمر العين عني

العمده

ابغا منك تسلم وترضخ لهذلـول=ولاشفتني عن ماتبـا تستكنـي
وفي وجهنا لسلمت لتصير مكفول=اسباع الخـلا لسبـع ماياكانـي

السبع الضاري

خله يجيني وأبشر أعطيه أبا الهول=أما أنت أبا أقهويك هيلي وبني
ألبس لايذبحك الحفا أبرجلك أنعول=وإذا عصيت أذلف عسى ماتثني

العمده

انجاك هلت عينك اليوم هملـول=لوانت صاحي تنقلب مستجنـي
نكرم عن اللي قلت ياحول ياحول=من قـل زاده لـرداء يستعنـي

السبع الضاري

العد جمه والرشا شعر مفتول=والحمل جاير والركايب تحني
كذا تجي وألا كذا بكيف مهبول=أنا على نيه وناصر يوني

العمده

هالحين صار العلم يالشيخ معقول=انشهدنك صرت سايـق وفنـي
الرد هذا صـح ماهـو بمشلـول=سج القدم وانا معـك ورجهنـي

السبع الضاري

أهب عمدة يعرف أيصول ويجول=أثرك من أول تحسبك ممتحني
ما تدري إني سبع ما أضوي على طول=وأليا ضويت إن الجعر ينبحني

العمده

كثر الهباء ماخاف ابو زند مفتول=ياخذعشله يوم جاه متعني
قدام لا تاتي على الكتف محمول=وحنا نصارع كل شيعي وسني

السبع الضاري

سريتلي قافين والدرب مقفول=الله يبيحك لو فعولك كوني
واضح عليك إنك رجل مانت مخيول=ياكثر ماتصارع من إنسي وجني

العمده

انته مسرن مثلهن دون مدلول=وترى المعاني ياقرن يعرفنـي
انكان مخك مع هذولاك مغسول=الله يشفيكـم ولا يمتحـنـي

الموضوع الأصلي: السبع الضاري والعمده | | الكاتب: سعد الشقل | | المصدر: شبكة بني عبس

[ناصر خنيفر]

لايسعني الا ان اشكر اخي المحبوب الذي دايم يتعب نفسه لراحتنا مشرفنا الغالي سعد الشقل على التنسيق

[سالم الزير]

لاتدغم المعنا بمـرن ومعسـول
كثر التجـارب يالسبـع علمنـي
قايستها بالطول والعرض والطول
ولقيت ضنك مخلفـن دوم ظنـي


=================

هالمقص ماله علاج يالعمدة ههههههههههههههههههه

تحليله يبيله وقت

المهلهل سالم الزير ابو ليلى

[عبدالباري عبدالعزيز]

صراحة محاورة قوية صح الله ألسنتكم شاعرين كبيرين

[فهد المويسه]

محاوره رائعه بين شاعران متميزان

ومشكو ريا سعد على تنسيقها

وتقبل سلامي