[سعد الشقل]

عابد البراك

ياعلي جابك الله واول الليل راحـي=انت وين انت غايب من ليللن طويله
لاحلي من كلامك علم ياذيب لاحـي=ارعدي يارعـود وهللـي يامخيلـه

علي الهيفي

مرحبا فيك ياعابد ونا في مراحي=تعرف انت المكان وتدهله كل ليله
وش تهيا معك معنا ياطير الفلاحي=كل سيلن يشق القاع يذكر مسيله

عابد البراك

البقاء فيك جعلك دايمن مستراحي=نعرف الوضع ياراع الوفاء والجميله
يبرق البرق والبراق يبرق ولاحي=فوق ذيك الدياراللي عريضه طويله

علي الهيفي

ماتسلم سلامك فالبدايه يالاحي=تعرف الوضع وعينك يادليله دليله
يبرق البرق ويكشف ليلنا كالصباحي=قدحت فلاش والبراك راع الكحيله

عابد البراك

المعزب مايسلم ياكثير النياحـي=ياعميلن مع الايام خالف عميلـه
انت تبغا ملوح المي والا القراحي=اعلنوها وانا عندي سيوفن صقيله

علي الهيفي

القوافل تسير وخل عنها النباحي=والعلوم الرديه خير عنها الفضيله
لاتشاور ضيوفك كل شيٍ مباحي=مانحب اليدين اللي تسمى بخيله

عابد البراك

نحمد الله علمنا فالمواقـف ماطاحـي=عز الله مع طول الدهـر كـل ليلـه
نحسبنك من اهل الدار نبغاء السماحي=وضح اكثر يجيك العلم صاعن نكيلـه

علي الهيفي

عابد اليوم مكسب ملبسينه وشاحي=القضيه خسرهاا ومجهد الله حيله
هات ماعندك الليله ياراع المناحي=انت من حط هالمبدا وخط الوسيله

عابد البراك

مـدة الله ولا مـدة يدينـن شحاحـي=مانحب الهزيلـه مالنـا الا الجزيلـه
ياعلي انت من اي الناس زت الجراحي=قبل لاذوقـك فالمـر حمضـل ضليلـه

علي الهيفي

عابد اليوم كنه باصمن لي بنجاحي=بيض الله وجه يوم صافح قبيله
اتعب اشوي حتى انك تعيش بكفاحي=ماش مرن نشوفه منك ياعزتيله

عابد البراك

طافت الاولـه والثانيـه ياصلاحـي=ماتعرف الخيفيفه ماتعرف الثقيلـه
مانلومك تشوف الموت موتن ذحاحي=كل مانشده قام يلف في راس ذيلـه

الموضوع الأصلي: علي الهيفي وعابد البراك | | الكاتب: سعد الشقل | | المصدر: شبكة بني عبس

[رشيدي وكلي فخر]

تسلم يا سعد على التنسيق محاوره جيده

وعاشو الشباب

[علي الهيفي]

بيض الله وجهك ياسعد ماقصرت على التنسيق

[فهد المويسه]

محاوره رائعه بين شاعران متميزان

ومشكو ريا سعد على تنسيقها

وتقبل سلامي