[أبــو نــاصــر]

بسم الله الرحمن الرحيم



السلام عليكم ورحمة الله وبركاته


الـعـذر لله ثـم لـكـم اعضاء وزوار هذا المنتدى الــقــيم .

كما تعلمون بعد عودتى من المانيا بسبب العلاج كـنت

لا افـكر بالدخول الى اى منتدى بسبب ظروف خاصه .

ولاكـن بـعـد ان الـح على الاخ العزيز المشرف اـلذى

كان يراسلنى بالهاتف فى رحلة العلاج حتى عودتى

الى البلاد وهو سعد الشقل واستسمحكم بانى لا ادخل

الا فى يوم الخميس بسبب الظروف واليكم قصـيدتى

التى كتبتها اثنا سفري .

أمس العصر ياحمود في راس ملموم=ضلع (ن) كبير وفيه ثلج وبرادي
عديت في راسه من الوقت مهموم=أن قلت خف الهم ياحمود زادي
لاتلومني ياحمود مبلي و مكتوم=والعين عيت تهتني بالرقادي
وأنا براس الضلع تطريلي علوم=علوم ربع(ن) حبهم في فوأدي
من زود شوقي صرة ضايق ومحموم=في ديرت(ن) فيها الخمر شي عادي
ربع(ن) لهم عادات وافعال وسلوم=بني رشيد أهل الوفاء والرشادي
ياحمود أنا في ديرة الغرب منجوم=بس االصبر ضد الجروح الجدادي
من ضيقتي صار الأمل دايم الدوم=يرثي شغف رمضا الفرح والسهادي
وإن نام رمش اليل في مركز اللوم=في داخلي صبر الحليم المهادي
أسرج مهار الحزن خمسة عشر يوم=واعزف على دمع الكريم العنادي
ياحمود ماعندي تماثيل وعلوم=إلا دموع الهم والابتعادي
دمعة رجا دمعة الم دمعة غموم=تسقي خدودي كل صبح وهجادي
والقلب متخوف وراجي ومثلوم=والعين تطفح بالدموع النكادي
ماهي دموع اطفال وهبال ورخوم=دموع صبر(ن) من حسين المبادي
وجه القمر من دونه غيوم وغيوم=والشمس باهت ضوها بالبوادي
تغير المفهوم والحق مفهوم=والزيف حول ارقابنا له قيادي
وشلون ابين كل ماكان معلوم=من كيل وافي يذهل أهل التمادي
وأنا من اللي صار بالحيل مكضوم=لاكن على الله قوتي وعتمادي

الموضوع الأصلي: عودتي الى المنتدى بسبب سعد الشقل | | الكاتب: أبــو نــاصــر | | المصدر: شبكة بني عبس

[سبع الغداري]

عودة حميدة
وش رايك بسبع الغداري يحوفك بطاروق

[أبــو نــاصــر]

اقتباس من مشاركة سبع الغداري عودة حميدة وش رايك بسبع الغداري يحوفك بطاروق

ردك على الموضوع زاده توهج وشكرا لك واذا ودك بطاروق ياولدى افتح صفحه جديده وابشر بالرد

[سبع الغداري]

طيب طيب انتظر

[ابو ريان الرشيدي]

الحمدلله على السلامه

يا ابو ناصر وخطاك السوء

وصح لسانك واعتلاء شانك

وتقبل مروري

[المعزب]

اقتباس من مشاركة أبــو نــاصــر بسم الله الرحمن الرحيم السلام عليكم ورحمة الله وبركاته الـعـذر لله ثـم لـكـم اعضاء وزوار هذا المنتدى الــقــيم . كما تعلمون بعد عودتى من المانيا بسبب العلاج كـنت لا افـكر بالدخول الى اى منتدى بسبب ظروف خاصه . ولاكـن بـعـد ان الـح على الاخ العزيز المشرف اـلذى كان يراسلنى بالهاتف فى رحلة العلاج حتى عودتى الى البلاد وهو سعد الشقل واستسمحكم بانى لا ادخل الا فى يوم الخميس بسبب الظروف واليكم قصـيدتى التى كتبتها اثنا سفري . أمس العصر ياحمود في راس ملموم=ضلع (ن) كبير وفيه ثلج وبرادي عديت في راسه من الوقت مهموم=أن قلت خف الهم ياحمود زادي لاتلومني ياحمود مبلي و مكتوم=والعين عيت تهتني بالرقادي وأنا براس الضلع تطريلي علوم=علوم ربع(ن) حبهم في فوأدي من زود شوقي صرة ضايق ومحموم=في ديرت(ن) فيها الخمر شي عادي ربع(ن) لهم عادات وافعال وسلوم=بني رشيد أهل الوفاء والرشادي ياحمود أنا في ديرة الغرب منجوم=بس االصبر ضد الجروح الجدادي من ضيقتي صار الأمل دايم الدوم=يرثي شغف رمضا الفرح والسهادي وإن نام رمش اليل في مركز اللوم=في داخلي صبر الحليم المهادي أسرج مهار الحزن خمسة عشر يوم=واعزف على دمع الكريم العنادي ياحمود ماعندي تماثيل وعلوم=إلا دموع الهم والابتعادي دمعة رجا دمعة الم دمعة غموم=تسقي خدودي كل صبح وهجادي والقلب متخوف وراجي ومثلوم=والعين تطفح بالدموع النكادي ماهي دموع اطفال وهبال ورخوم=دموع صبر(ن) من حسين المبادي وجه القمر من دونه غيوم وغيوم=والشمس باهت ضوها بالبوا تغير المفهوم والحق مفهوم=والزيف حول ارقابنا له قيادي وشلون ابين كل ماكان معلوم=من كيل وافي يذهل أهل التمادي وأنا من اللي صار بالحيل مكضوم=لاكن على الله قوتي وعتمادي

لكن على الله قوتي وعتمادي ..ياسلام عليك يابو ناصر هذا البيت يدل على قوة ايمان الشاعر ابو ناصر

اسأل اله العلي العضيم في هذه الليله المباركه ليلة الجمعة ان يكتبلك الشفا العاجل انه سميع مجيب الدعاء
تقبل تحيات اخوك المعزب

[عبدالهادي بن صبح]

الحمد لله على السلامه يابوناصر
عودن حميدا
عاش مشرفنا الغالي سعد الشقل اللي بعد الله رجعك لنا

[راعي الشلفا]

الحمد الله على السلاامه يااابو نااصر

وحنا ترى مانستغني عنك وعن ابداااعك بالمنتدي

وانا اشكر مشرفنا العزيز سعد الشقل على جهوده الطيبه وهذي ماهي غريبه عليه

صح لسااانك يا ابو نااصر على هذه القصيده

الجزله اللتي أتت من راس وافي وجزل ولاهنت

والحمدالله على السلاامه مرة ثانيه