[ابن شلال]

يا قلعة السـرب سجـي وأقلعـي سربـي

تـفـداك مــن مــا تـبـعّـد رمـــس راكـبـهـا

سجـي ليـا سـج بالـي وأسـتـوى دربــي

سـجـة قـطـاة ً تـبــي وردة مشـاربـهـا

أبا أبتعـد عـن بلـد مـن مـا بغـوا قربـي

لا عـاش مــن مــا تـبـي قـربـه يقربـهـا

ناس ٍ على حفرة الطيحه تباشر بي

تبـاشـر أهـــل الـتـجـارة فـــي مكاسـبـهـا

وناس ٍ تدور بي اللي ما يـدور بـي

أمــن الــردى والـزمـن خـيــب مطالـبـهـا

منهم علوم الخـزى بالصبـح تصدربـي

وتمسي سهـام ٍ مضيعتـن مضاربهـا

يغثـهـم يــوم عـلـم الطـيـب يـذكــر بـــي

ما يعجب الناس فيه ما هـو معجبهـا

والـيــا ذكـــر فـــي خـيــر شـــر تـذكـربـي

ومـن فــوق الاعــلان معلنـتـن تغلبـهـا

هــــذا لـقـانــي وخــلانــي وخــبـــر بـــــي

نـفـذ وكـبـر لــي الـحـفـرة وطـــاح ابـهــا

وهـذا بـوقـت الـوفـا جيـتـه وقـصـر بــي

والنـاس عنـي بلـد الشـوف لــف ابـهـا

وهــــذا يـعـكــس الــشـــوارع ويـتـعـذربــي

وهـــذا عـلـومــي لــيــا أخــذهــا يقـلـبـهـا

وهـذا خذانـي كـمـا العـلـم وتـطـور بــي

واصـبـح عيـالـه عـلـى عـلـمـه يـدربـهـا

وأخـرهـم الـلـي كـمـا لـفـة هــوا الـغـربـي

لف السفينه على الساحل وشال ابها

سايس هوا الريح لين الموج دحدربـي

وأمسـكـنـي الضـبـعـه الـنـمــرا بـغـاربـهـا

شديت مسكة يدي والمركب ابحر بـي

والنفس غنت ولا ادري ويش مطربهـا

مـدري علـى موتـهـا تبـغـى تسـيـر بــي

والا تبي صحبة ٍ مـا خـان صاحبهـا

يـالـلـي تــعــرف الـمـعـانـي لا تــدوربــي

مــا ينـقـض الـنـفـس والا مـــا يعيـبـهـا

انــا الــذي كــل نجـمـة لـيــل تسـهـربـي

احسـب نجـوم السمـاء وارجـع ورتبهـا

وان كان طلعت ناتج طرحـي وضربـي

نفس الشقا فـي شقاهـا وش محببهـا

ولولا طريق ٍ ضربته لين هستر بـي

روس الرجـاجـيـل قـلــي وش مشيـبـهـا

الموضوع الأصلي: ياقلعة السرب .لابن شلال | | الكاتب: ابن شلال | | المصدر: شبكة بني عبس

[شاعر الصعاليك]

يا قلعة السرب سجي وأقلعي سربي = تفداك من ما تبعّد رمس راكبها
سجي ليا سج بالي وأستوى دربي = سجة قطاة ً تبي وردة مشاربها
أبا أبتعد عن بلد من ما بغوا قربي = لا عاش من ما تبي قربه يقربها
ناس ٍ على حفرة الطيحه تباشر بي = تباشر أهل التجارة في مكاسبها
وناس ٍ تدور بي اللي ما يدور بي = أمن الردى والزمن خيب مطالبها
منهم علوم الخزى بالصبح تصدربي = وتمسي سهام ٍ مضيعتن مضاربها
يغثهم يوم علم الطيب يذكر بي = ما يعجب الناس فيه ما هو معجبها
واليا ذكر في خير شر تذكربي = ومن فوق الاعلان معلنتن تغلبها
هذا لقاني وخلاني وخبر بي = نفذ وكبر لي الحفرة وطاح ابها
وهذا بوقت الوفا جيته وقصر بي = والناس عني بلد الشوف لف ابها
وهذا يعكس الشوارع ويتعذربي = وهذا علومي ليا أخذها يقلبها
وهذا خذاني كما العلم وتطور بي = واصبح عياله على علمه يدربها
وأخرهم اللي كما لفة هوا الغربي = لف السفينه على الساحل وشال ابها
سايس هوا الريح لين الموج دحدربي = وأمسكني الضبعه النمرا بغاربها
شديت مسكة يدي والمركب ابحر بي = والنفس غنت ولا ادري ويش مطربها
مدري على موتها تبغى تسير بي = والا تبي صحبة ٍ ما خان صاحبها
ياللي تعرف المعاني لا تدوربي = ما ينقض النفس والا ما يعيبها
انا الذي كل نجمة ليل تسهربي = احسب نجوم السماء وارجع وارتبها
وان كان طلعت ناتج طرحي وضربي = نفس الشقا في شقاها وش محببها
ولولا طريق ٍ ضربته لين هستر بي = روس الرجاجيل قلي وش مشيبها

ابن شلال صح لسسانك ملايين
قصيدة محبوكه حبكة فنان ، ولله درك يا بطل

ووالله لو الي قدرة لا اطقها بختم واعلقها فووق
هههههه

سايس هوا الريح لين الموج دحدربي = وأمسكني الضبعه النمرا بغاربها
كلالالام خطييير هههههه

[بروفسور الشعر]

صح السانك قصيده جزله من شاعر جزل

[الـخشف]

الله..الله..الله..يا سلام ..يا سلام.. يا سلام عليك مبدع
صح السانك

[ابن شلال]

شاعر الصعاليك صح بدنك يالغالي وهذا من ذوقك
اجل بحط عليها الختم على مسؤليتك؟ وش رايك هههه
شكرا لك على تعليقك الرائع ومرورك

[ابن شلال]

اقتباس من مشاركة بروفسور الشعر صح السانك قصيده جزله من شاعر جزل

صح بدنك يابرفسور وشهادة اعتز فيها

[ابن شلال]

اقتباس من مشاركة الـخشف الله..الله..الله..يا سلام ..يا سلام.. يا سلام عليك مبدع صح السانك

صح بدنك وشكرآ لك على المرور

[شاعر الصعاليك]

اقتباس من مشاركة ابن شلال شاعر الصعاليك صح بدنك يالغالي وهذا من ذوقك اجل بحط عليها الختم على مسؤليتك؟ وش رايك هههه شكرا لك على تعليقك الرائع ومرورك

ووالله اني اقولها وانا صادق ، وأنا ما أجامل بالشعر ، وأبد على مسؤليتي ههههه
الظاهر اني بشتري لي ختم ههههه