[سحايب]

. واصعب فراق مفارقين المواجيب.
اللي غدوا مابين لابس وحافي .


. الغربة .
. الله يصبرني على غربة الوقت
والوقت مايرحم ويأوي لروحي .
. تاخذبي احدود الجفا كل مارقت
وتنبّش آلام الخفا مع جروحي


اللسان: .
. اضبط لسانك لابديت وتكلمت
خل الحكي مثل الشهد منك حالي
لاتجرح الانسان لو كان بالصمت
قدّر من اجناس العرب كل غالي .

النوم: .
. النوم سلطان العيون النواعيس
الخالية من كل همن وهوجاس
تنعم تحت سقفن من الود تأسيس
متميزه في كل شيِ عن الناس .


الوطن..
. حبك ياوطن غالي وحبك يجري بدمي
ولا قلبي عشق غيرك من الاوطان واهتمي
ربيت بحضنك الدافي تذوقت الوفامنك
ملكني حبك الطاهر وصرت الاب والامي .

. الصّلح: .
. الصّلح خير وخير الاصلاح نافع
بين النفوس اللي نوت درب الافراق
ياكم دخل من بينهم قلب شافع
يسعى لدرب الخير من كل الاعماق .



. الصمت: .
. أصمت ولاتجادل من الناس مطفوق
تفتح على نفسك نوافذ عديده .
. صمتك عبارة نار في احساس محروق
يثور اكثر لاضحكت وتزيده


فرعون: .
. الطاغية فرعون كافر بغيه
يوم استباح اعناق دم المساكين
لم يتركه الخلاق رب البريه
انّزل عليه السخط عبرة وتدوين .

. العيون: .
. عمري فدى عيونِ تناظرني بود
ودا من الاخلاص فيه الركاده .
. الذوق ذوقه والخوافي لها سد
قدّم لي اشواق الهنا في سعاده .


غربة: .
. انا مالي بهالدنيا سوى دمعٍ سليل احزان
تمنيت الليالي بالرحيل أ تجهز اكفاني .
. انا غربة زمن وآلآم انا كتله من النسيان
انا لاقلت بلا عنوان فأنا بالهم غرقاني .
. انا انسانه ولكني من ظروف القدر تعبان
حملت هما ثقيلٍ عاجزٍفي حمله انساني .
. أنا دمعه شقية حظ سقت من سيلها وديان
أنا ياناشدٍ عني مزيج من الحزن لوني .


تعب: .
. تعبت اشيل الحمل وحدي وانا اسير
بين العذاب وبين صرخة خفوقي
يالله طلبتك في دجا الليل تصخير
انت الوحيد اللي لروحي شفوقي


العطاء .
. حب الغلا والشوق والود معطيك
وش عاد باقي من عطى ماعطيتك .
. افديك روحي ياغلا روح مغليك
كلي على بعضي مشاعر فديتك .








. الغربة .
. الله يصبرني على غربة الوقت
والوقت مايرحم ويأوي لروحي .
. تاخذبي احدود الجفا كل مارقت
وتنبّش آلام الخفا مع جروحي .




الضيق:
ياصدري اللي ممتلي ضيق واحزان
ماشفت من دنياك شيٍ يسرك
غريب والغربه فنظرات الاعيان
محدن درى باللي لجابك وضرك .



. نبض : الملتاعة .

راقت لي واتمنى ان تروق لذوائقكم..

الموضوع الأصلي: ابيـــــــــــات لم تـــــــكتمل... | | الكاتب: سحايب | | المصدر: شبكة بني عبس

[سند الداموك]

ابيات رووعه

وتسلمين دمعه على النقل

تحياتي

[البعيد الهادي]

احسنتِ الاختيااار
يعطيك العافيه

[بندر الشويلع]

الله يعطيك العافيه

[سحايب]

اقتباس من مشاركة سَنَدْ الدّامَوَكْــ ابيات رووعه وتسلمين دمعه على النقل تحياتي

يسلمك ربي سند مشكورلمرورك

[سحايب]

اقتباس من مشاركة البعيد الهادي احسنتِ الاختيااار يعطيك العافيه

يعاافيك ربي مشكورعلى المرور

[سحايب]

اقتباس من مشاركة بندر الشويلع الله يعطيك العافيه

يعافيك ربي لاهنت

[عايد2001]

اختيار موفق
لاهنتِ يادمعه