[بندر الشويلع]

السلام عليكم ورحمة الله وبركاته
القصة
واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من خويه هذا انه يخليها تنساه
القصيده مره حزينه واعجبتني لانها تحكي عن الحب الصادق
اقروها
القصيده والله تستاهل وراح تعرف معنى الحب الصادق


وصاتي لك من بعدي..... تموت فيها عشاني
ابيها تعيش و تحيا بك ........ واظل بالذاكـره مفقتـود

وصاتي لك تنسيها ............ ملامح وجهي و تنساني

وتعزفها قصيدة حب ... على عكس اللي عزفته بعود

وصاتي لك تبعدها ............ عن اشعاري وقيفـاني

تراها مغرمة بالحيل ........... ويشهد لي عـدد الردود

وصاتي لك تسايرها ........ تـرى فيهامن احـزاني

طلبتك لايضيق بالك .......... طلبتك والطـلب مردود

وصاتي لك تناديها .......... حياتي..عمري..ازماني

انا عودتها دايم .............. ادلـعها وانا موجود

وصاتي لك تعاملها ........ بطيبه قلب و احساني

تراها تذرف الدمعه .......... ودمعـتها بليٌا حـدود

وصاتي لك تحفظها ........ سـور وآيات قـرآني

وتخبرها عن الميت ........ رحل لايمكنه بيعـود

وصاتي لك ترسمها ........ على قبري وأكفاني

ابيها لوحة تبقى ............ على طول الزمن محدود

وصاتي لك تمازحها ...... وتشوف الضحكة بأسناني

سعيتك ياضحك هالكون .... طـلبتك لاتصير جلمود

وصاتي لك تقهويها ........... من دلالي و فنجالي

تراها تعشق السمرا ........... ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها .......... بلاد الشام و لبناني

ترى يحلالها تقطف ورده ...... وردة من بلد الورود

وصاتي لك تراقصها ........ على الحان رحباني

ترى فيهاعرق خالة ........ وفيها من جنون السود

وصاتي لك تحببها .......... فأبونورة بعد هاني

وتنسيها ندم غلـطة ........ انا فيهاترى المقصود

وصاتي لك تكرهها ........ في تاريخي و عنواني

أبيها تلعن اللحظة .......... وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بـدم أحـمر قـاني

وانا هالقاتل السفاح ........ مجرم من عصر نمرود

وصاتي لك تحلفها .......... تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........... ترى خالد....رحل مايعود

الموضوع الأصلي: وصاتي لك من بعدي........تموت فيها علشاني | | الكاتب: بندر الشويلع | | المصدر: شبكة بني عبس

[مساعد الشويلع]

مشكور يابندر على الاختيار الرائع يارائع لاهنت...............

[بندر الشويلع]

مشكور اخوي مساعد الشويلع على مرورك الطيب

[احساس الشمال]

مشكوراخوي لاهنت عالنقل

[احمد منيف]

لاهنت اخوي ع النـقل

[راسبه بالحب]

سلمت الايادي ..


لاهنت ع النقل ..

[كلي فخر لبوي]

لاهنت اخوي ع النـقل

[ادري خذوكـ مني]

الله الله
راقت لي ماراق لــك
تقبــــــــل مروري