[فضي البراك]

رد على أخي الرائع عبدالله معزي

طبعا رد متواضع بعد رد استاذي مسند العويمري

ألا يابحر والموج من جال يصفق جال=محيطك محيط وعن محيطك على حفه
جبل حد جاله كل ماجاه موجٍ جال=هداياه طيات من الحيد ملتفه
يبرهن مدى ثقله وتبقى الثقال ثقال=ينوه على أعماق البحر قبل ما يشفه
أبدخل معه وأعرف خروجي من المدخال=واريح قصيدٍ قال لي هاجسي عفه
مدام أن مامن حمل يحمل على الجمال=كفوفي تبي تسكب الما على خفه
من الدرهمه للمشي للمشي للزرفال=مع الخب جتني كل الأرياح منظَفه
أبلبس لثوب الشعر من عينته تفصال=وأخلي ردون الثوب تلفح على رفه
ماهو واجد اللي قلت دام النظال نظال=شعوب العرب ماهي على رأي مصطفه
تبي تتعب الرحله وتكشف خفى الرحال=وتبين الوجيه اللي عن السير منكفه
تمهل ولو بعض التمهل من الأهمال=ترى الحوت في بطنه من الرمل له سِفه
دخلت بمجال تختنق حوله الأحوال=ونحيل العظام ليا وقف صابته خفه
أحد مهتدي ويظل بالمهتدين الظال=وأحد لو يظل يحب عقب الهدى كفه
تظل النخيل الأوله بالنخيل طوال=ياحي النخيل اللي هوى الغربي يهفه
أدور من أمثال العرب ويش لك ينقال=ولا جايزلي غير الأطرش مع الزفه هههههههه
عمى بالعيون بفقد الالوان والاشكال=من اللي يبي يقود العمى وان زعل دفه
لكن المصيبه قصة الأعور الدجال=تشوف اكثر اللي يكمل الدين من صفه
كذا الفرق من مثقال حبه على مثقال=وأنا ماأنقص المكيال عندي ولا طفه

الموضوع الأصلي: رد على الشاعر عبدالله معزي ،،، | | الكاتب: فضي البراك | | المصدر: شبكة بني عبس

[سيف المهيمزي]

ابو فيصل صح الله لسانك على هذه القصيده الجزله

[عبدالله معزي]

وااااااااافي يابو فيصل

[بن هادي الرشيدي]

صح لسانك يابن براك وصح لسان الشاعر العظيم عبدالله معزي

[الضرغام]

احياناً تكون المجاراه من أجل لحضور وحيا ناً آخرى كما هذه القصيده وليست مستغربه من شخص تكون اداواته الشعريه كامله

الاخ فضي استشفيت من هذه القصيده روح تنادى إلي الإبداع الشعرى بعيداً عن ارهصات التحدى رغم أن العيون حدقت النظر ..
أسقطات شعريه جميله ومفردات واسعه الافق بمفهوم التدوير وتحوير وهذي خاصية الشاعر المثقف ..
استمر ومر ومكانك هناك

[بنساك]

ارتويناا شعر من ابياتك

الف شكر ابو فيصل ع الطرح الرائع


تقبل مرووري البسيط