[احساس الشمال]

كنـا نقول للضيف ..حياكـ اللـه أقلـط
صرنـا نقـول..اتصل قبل ما تجي


كنا نطمـح نتخرج..ونصبح أطباء ومهندسـين
صرنانرضى بأي شغلة تأكل تعيش.


كنا نقول..الأقارب عـزوة
صرنا نقول..الأقارب عقارب!!


كنا نقول..مسلم وكافـر
صرنا نقول..سني وشيعي!!!


كنا نجتمع يوميا..ونسأل عن الغايب
صرنا نجتمع..للتهنئـة أو التعزية فقـط!!


كنانرسل بدون مانستقبل. صرنا ما نرسل إلا للي يرسل.



من جد والله تغيــرت الدنيا}

أكيد قريتو البدايه وفهمتو محور حديثنا وهو انو ودي نتناقش عن هالأشيا اللي كانت بس انها للأسف زالت
فمثلآ الضيف زمان كانو اهلنا واجدادنا يستبشرو بالضيف ويستانسو والشي اللي يمكن تغير ان الناس مومثل اول فالواحد يعتذرأحيانآ باسهل الطرق للضيف
انا بالعكس ما اعارض فكرة ان الواحد لمايبي يزور أحد يرفع سماعة التليفون ويخبرهم بموعد الزياره لأن كل بيت له اسراره وضروفه ومثل مايقولو ورا كل باب حكايه فلمايخبرهم راح يستعدو يضبطوامورهم بس يمكن فيه ناس يضايقو لمامثلا يقول انابمركم بهالأيام وتقوله اتصل قبل ماتجي صح انو موعيب انه يخبرهم بس انا اشوف انه لويقول حياك وقت ماجيت ومرحبا الف يكون أحسن


والشي الثاني انو لما اجيال زمان كانت طموحاتهم عاليه وتفكيرهم ارتقاء وعلو بالعلم والوصول الى درجه مرموقه ليش جيل اليوم صار يرضا بأقل شي ياترى سبب هالشي الضروف القاسيه والعيشه الصعبه او أن طموحنا صارمحدود وصرنا نفكر بس شلون نحصل الشي اللي يضمن لنا لقمة العيش



والشي الثالث لما كانو زمان الأقارب عزوه وسند وقت الشدايد والواحد ينتخي بقريبه وقت حاجته ليش بوقتنا صار الواحد يشوف قريبه عدو ولدرجة انه لمايسيرله ضروف يفضل يحكي للبعيدعن قريبه وانا في حواري ما اتكلم عن كل الناس بس اقول هالشي موجود وموعيب ان نحنا نناقش اخطائنا ونحاول نتعلم ونستفيدمن بعض


أما بالنسبه لكافر وشيعي فأنا اقول بدون تعليق واكتفي بردودكم الراقيه


والشي اللي يمكن اكثرشي يقلقني ويزعجني انه ليش ناسين بعض طول الوقت واذ جات المناسبه نتذكربعض ليش مانسأل عن بعض ع الأقل بالشهر مره والأصعب من كل هالشي انو الواحديمكن مايتذكرك بفرحك ولمايسمع عندك عزاء يجي طيب ليش ماسأل وقت الناس بفرح وخيروالايعنني انكسرخاطري عليك لاتقولو هالشي مايصيروالله انه منتشربشكل فضيع واذ انه مايصيرعندكم فأعترف انا احساس الشمال انه يصيرعندنا كثير كثير وترا مو حرام نعترف بعيوبنا بالعكس يمكن غيرنا يتعلم من خطانا


والشي اللي متأكده انه مرعليكم كلكم انو الواحد مايرسل لقريبه اوزميل اوخويه الا اذا رسل له طيب يابن الحلال هو راح ينتظرك ترسل وانت راح تنتظره ومين اللي راح يبدأ فأنا أقول ليش ماتكون افضل منه وتتعوذ من ابليس وتخلي عنك الوسوسه وترسله ترا الدنيا بخير

اتمنى نوصل للهدف من خلال ردودكم الراقيه
انتظرتفاعلكم

الموضوع الأصلي: كنانقول وصرنا نقول صدق دنياغريبه | | الكاتب: احساس الشمال | | المصدر: شبكة بني عبس

[احساس الشمال]

انتظر تفاعلكم وردودكم الراقيه
تحياتي للجميع

[راسبه بالحب]

يعطيك العافييه


موضوع مميز لتميز روحك


والله انك صادقه ياخي الناس تغيرو ماعادو زي زمان

>>بالنسبه للاقارب والله انهم عقارب صدق

صار مافيهم حميا ولا نخووه يقرصووونك بسم القرابه


بالنسبه للطموح >> تكاليف الحياه اجبرت الكثير انهم يتخلون عن شهاداتهم بسبب لقمة العيش

والدليل البطاله وشبابنا وبناتنا الي مبروزين صورهم بنجنب شهاداتهم الجامعيه



صار الواحد مايفكر وش الوظيفه اهم شي فيه راتب شهري .


بالنسبه للرسائل والمكالمات الواحد يمل >>لما ترسلين على انسان مره مرتين ثلاث ومافي رد والله تطفشين زين اذا مامسحتي رقمه

تحسين انه مايبيك وماهمه التواصل معاك >>غير لما ترسلين وتلقين رد ناس حيه

يقولك ...

من عافنا عفناه لو كان غالي


تقبلي مروري

لاهنتي على الطرح المميز

[احساس الشمال]

نورتي متصفحي لاعدمتش اختي

[الصقر الشرقي]

سلمت الايادي موضوع مميز (ومازلنا نقول كنا وكنا) وهكذا الدنيا نزول وارتحال.... النهار يمرنا باطراف ليل

[بندرأبن طريف المظيبري]

شكرلك احساس الشمال طرح جيد
تقلبو مروري
تحياتي لك

[احساس الشمال]

نورتو متصفحي أحبتي شكرآ لكم