[بوتفليقه]

بعد مامَسّيت بالخير للحلم الكبير!
ـــــــــــــــــ إستوى عندي قديم الليالي والجداد

باقي احلامي! عصافير ماعادت تطير
ـــــــــــــــــ تنكسر جنحانها عندهقوات البعاد

آه ياقصر الليالي وياطول المسير
ـــــــــــــــــ وياكثر زرع الايادي وياقلّ الحصاد

كنت مُدرك في زماني وغاوي عَن كثير
ـــــــــــــــــ مع تمام المعرفه بالبياض وبالسواد

كنت افكّر في جهنّم واناجي زمهرير
ـــــــــــــــــ عين تسهر من عناها والاخرى في سُهاد

كنت الاعب ريحة التبغ عَن شَمّ العَبير!
ـــــــــــــــــ والجهل لازدت في العمر! طاوعني وزاد

كنت اهاوي كل عذرا تلَبَّس للحرير
ـــــــــــــــــ وتختفي ليلى من البال لابانت سُعاد

كنت انا في كُل وادي لعشّاقي سَمير
ـــــــــــــــــ وابدي اسراري مع اهل الهوى في كل واد

كنت فعلاً داهية عشق,, واسلوبي خَطير
ـــــــــــــــــ وكان قلبي! مَسرح الكذب.. لاوالله مَزاد

كنت جاهل مثل ماقلت مجهول المصير
ـــــــــــــــــ وكم عَنيد ٍ في زمانه من اللوعات عاد

بعد عقّبت الثلاثين! حاورت الضمير
ـــــــــــــــــ ياجهاد النفس يالييييل يانفس الجهاد

وإكتشفت إني لنفسي ولَـذّاتي أسير
ـــــــــــــــــ صِـدْق(منهو طاوع النفس في دنياه)! غاد

واعترف: لازلت..للقلب وإحساسي شوير
ـــــــــــــــــ إن بدى بالنور! ولاّ بقى تحت الرماد


ياللْه إني طالبَـك ياعليم وياخبير
ـــــــــــــــــ انته اللي تعطي الخير و اِتحل القياد


إجعل افكاري وقلبي على هَديك تسير
ـــــــــــــــــ وإصقل النفس الذليله وبلّغها المُـراد


وصِدْق لاصبّحت بالخير للحلم الكبير!
ـــــــــــــــــ يستوي عندي قديم الليالي والجداد


وباقي احلامي عصافير..حتى لو تطير!
ـــــــــــــــــ تنكسر جنحانها عند هقوات البعاد‬

الموضوع الأصلي: كنت فعلا" داهيه عشق واسلوبي خطير | | الكاتب: بوتفليقه | | المصدر: شبكة بني عبس

[طنطاوي]

قصيده راقيه وموضوعها ارقى تسلم تسلم

[كبريآ"رشيديه]

الله يعطيك العافيه كلمات روووعه
تقبل مروري .

[رسام الغروب]

صح السانك وعلى اختيارك الرائع مشكوووووور والله يعطيك الف عافيه

[احمد منيف]

باقي احلامي! عصافير ماعادت تطير ـــــــــــــــــ تنكسر جنحانها عندهقوات البعاد

صح الله لسانج ولســــان قايلها تستاهلي الخمس نجوم
بقمة الابداع

[أحاسيس]

رووووووووووووووووووووووعه

[وريثة المجد]

صــح لسـآآن شاعرها
وتسلم يمـينك ع الـنـقل ،
لآ هـنت ،

[راسبه بالحب]

سلمت الايادي