[عبدالهادي بن صبح]

السلام عليكم ورحمة الله

قصيدة جديدة وأتمنى أن تنال على أعجابكم

ياوليفي خلني بعطيك للذكرى قصيده=مايتل الروح غير الشوق ياظبي البراحي
ماعشقت ألا الغرام ولاكرهت ألا المكيده=والله أن قلبي على شان المحبة مستباحي
أنت ماغيرك سكن قلبي وينبض في وريده=أرحم اللي في غرامك طاح مكسور الجناحي
الله اللي ميزك بالزين عن باقي عبيده=والشرف والستر ثوبك في زمنا الأنفتاحي
العيون الناعسة والماس زاهي فوق جيده=ولاأنكشف صافي جبينه بان وضاح الصباحي
أنقض المجدول وأنا أقول فيك أحلى نشيده=وأبتسم بالمبسم الذباح ياسيد الملاحي
الدلع سحر الموده وأنت ياخلي تجيده=كل ماأسمع صوتك المعسول والهرج القراحي
ياشبيه الريم سيرني على دربٍ تريده=منك غير الموت لوحاولت مايطلق سراحي
عشت قبلك في عذاب وعشت في دنيا نكيده=يجري الدم بعروقي كنه السم الذحاحي
وأختلف طبع الزمان وعشت في دنيا جديده=وبدل الله دمعة عيوني بفرحه وأنشراحي
يابعد حالي ترى حالي على النار الوقيده=خايفٍ تبعد وتبعد سلوتي والأنشراحي
الفراق أشد وأمر المقادير الشديده=يهدم ظنوني ويحيي مانسيت من الجراحي
لاتخليني وأنا أحبك وأصير أكبر فقيده=تفرح أعداي وتشمتبي على كل النواحي
يانحيل العود سيرني على دربٍ تريده=منك غير الموت لوحاولت مايطلق سراحي

الموضوع الأصلي: ياوليفي خلني بعطيك للذكرى قصيدة | | الكاتب: عبدالهادي بن صبح | | المصدر: شبكة بني عبس

[أمـــير بـكلمتي]

قصيده جميله ..صح لسانكـ

لاهنت

[عبدالله معزي]

صح لسانك
قصيدة حميلة

[احمد منيف]

الـفــراق أشـــد وأمــــر الـمـقـاديـر الـشـديــده, , يهدم ظنوني ويحيـي مانسيـت مـن الجراحـي

صح الله لسانك اخوي ماقصرت

[عبدالهادي بن صبح]

اقتباس من مشاركة أمـــير بـكلمتي قصيده جميله ..صح لسانكـ لاهنت

صح بدنك أخوي أشكرك على المرور

تحياتي لك

[عبدالهادي بن صبح]

اقتباس من مشاركة عبدالله معزي صح لسانك قصيدة حميلة

صح بدنك يعطيك العافيه مرورك شرفني

تحياتي لك

[عبدالهادي بن صبح]

اقتباس من مشاركة احمد منيف الرشيدي صح الله لسانك اخوي ماقصرت

أحمد صح بدنك وتشرفت بمرورك يعطيك العافيه


تحياتي لك

[ميلاس]

‎
صح لسسآنك ~.. واعتلآ شآنك .
‏ ‏