[رسام الغروب]

إنتثر دمـع المحاجرشـوق لوماهـو بـودَي
واحتفابه جفني اللي ما نوى يطلـق سراحـه

الشقا خاوى ضلوعي والليالـي مـا تهـدي
والهوا يجري بما لا تشتهـي سفنـي رياااحـه

طاري الفرقا يلوع ويعمـي القلـب المقـدي
(وأنت مانت بمثل غيرك يا شقا القلب وفلاحـه)

والله انك لا نويت البعد ضعت وباح سـدي
والله إن غيرك يجي ويروح ماشحنـي مراحـه

ولا انا مهما نزحت ورحت لعيونـك مـردي
مثل طيرٍ مرجعه عشـه ولـو غـرَه جناحـه

ليت لك قلبٍ مثـل قلبـي ليامـن راح ردي
وليت لي قلبٍ مثل قلبك يشوف البعد راحـه !!

وليت لك عينٍ مثل عينـي لغيـرك ماتلـدي
وفالنوى تذرف هماج الدمع لا وقف قراحـه

بين جزر أمواااج وصلك يا شقا حالي ومـدي
ماعرفت ألا الظلام اللي غشا عينـي وشاحـه

إن بغيتك مالقيتك وإن طلبتـك مـا تنـدي
وإن حصل مني خطاً مابحت خفاقـي براحـه

وانت لاضاقت عليك أركيت لك زندي ويدي
وشلت همٍ فوق همي وزحت عن قلبك جراحه

طال صبري والليالي والقدر والوقت ضـدي
وانت عذرك عاذلٍ ترجي السلامه من رماحـه

ولا انا كم قلتلك ياهيه في مزحـي وجـدي
القوافل سايـره والكلـب ماسـرَه نباحـه

عذرك أقبح من ذنوب البعد وآهات التعـدي
ومايبيحك من مشاريه الحشا لأقبلـت ناحـه

والخفوق اللي جروحه مالها حصر( ن) وعدي
ماتشرَه لين حلل خنجـر طعونـك وباحـه

والله إن مالي عن دروبك خيااار ولا مصـدي
لو مشاويرك عذاب وخطوة الرجعـه مباحـه

ماعرفت إن الغراام انقـاض ليـلٍ مستبـدي
لين عشتك في ضلوعي ليل مايظهـر صباحـه

وما نثر جفني دمع عيـنٍ تـوذَا منـه خـدي
لين شفت احلام عيني في عيونـك مستباحـه

وماذخر قلبي هزيل خطاه بـدروب التحـدي
لين ملَ الكذبـه البيضـا وهدتـه الصراحـه

ويش اخلي من تناهيد الفراق وويـش أبـدي؟؟
والحزن ماله بقلبي كـم وحـدود ومساحـه!!

00 منقول 00

الموضوع الأصلي: طاري الفرقا | | الكاتب: رسام الغروب | | المصدر: شبكة بني عبس

[غريبه بين اهاليها]

صح لسسسسسسانك
وشكرا على الانتقاء

[الفـداااوي]

صـح لسآنك

ولآ هنت ..

[سحايب]

الله الله رائع هي الحروف عندما
تتزاحم بين السطور محمله بعبق
الابداع والجمال
صح الســان شاعرها
وسلت يمناك على النقل
لك خالص شكري,,,

[احمد منيف]

صح لسسسانك ومشكوره ع النقـــل

[رسام الغروب]

صح ابدانكم وشاكرلكم على مروركم بارك الله فيكم ولمشاركتم لموضوعي

[راسبه بالحب]

سلمت الايادي

كلمات رائعه


لاهنت

[رسام الغروب]

يسلمك ربي راسبه وشاكرلك على مرورك