ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
قصيدة نبطية جميله كلها حكم , للشاعر / راشد بن ناصر القحطاني
من زمرة الطاغوت حذراك حذراك لا تبتلي بجروح يصعب دواها وإلى مشيت اعرف دروبك وممشاك احرص على نفسك وخالف هواها أمّارةٍ بالسوء ما هي بتنهاك اقبض عليها لين يجلى صداها اقطع نواياها بدينك وتقواك هلّل وعند الله سريعٍ شفاها والعين لا تنظر بها من تعدّاك المحصنه لو تلتفت لك وراها اصبر على همّك وغمّك وبلواك عف وتعفف لا يغرّك حلاها واترك حرام القوت ما هو بيملاك كل البطون الجايعه ما ملاها رشفة حلال اتسد جوعك ومضماك تسوى مشاريب الحرام وغثاها النار في جوفك وتصلى حناياك نار الجحيم تزيد للي وطاها واحفظ لسانك لا يجرك ويبلاك اخذ الثمينه لو غلى مشتراها الهرج ميزانك ويكشف خفاياك كلمة تعيبك لا تبيّن نباها صون الكلام وصون نفسك ومبداك للنفس حشمة لا تفصّم عراها اصمت مدامك عارفٍ سير مجراك لا تنقل النّمة وتبحث خفاها يزول قدرك عند أقرب دناياك لو هو ولد عمّك حياتك جفاها واحلم تراه الحلم يرفع مزاياك هو سيّد الأخلاق هو مبتداها وصّى به المبعوث ما هو بيخفاك شفعينا يوم الملاقاة طه خل الجهل لا تجعل الغيظ ياطاك ترى الجهل سم القلوب وعماها وإلى ابتليت ارفع إلى الله شكواك لا بدّها الأيام تكشف غطاها اصبر يزين الحظ ويزين مرماك الله يفرجها ويدفع بلاها لا تمنع المحروم لا من تنصّاك الناس لأجل الناس وأحسن عطاها ابذل لوجه الله والله يجزاك مثل الغروس اتطيب للي سقاها لا ضاع معروفك ولا ضاع حسناك إن كانها لله تلقى جزاها جارك ولو هو جار تسقيه من ماك عليه لا ترفع يدينك عصاها أحسن جوار الجار لو كان يشناك ترى العرب تحشم كلاب اقصراها بكره يشد ويكتب الله فرقاك عساه يذكر جيرتك ما نساها الظلم شين ويجعل النار مثواك راع الظليمه عيشته ما هناها فوقك إله العرش عالم نواياك ينظر قلوب الناس وش محتواها يسمع بما تجهر وعارف خفاياك بأمره شروق الشمس ترسل ضياها هو عالمٍ غيبك وركّب خلاياك هو خالقٍ فيك العروق ورواها والضيف له حقٍ إلى حل بحماك قلّط ضيوف الله وأكرم لحاها لا تحقر الضيفان واتشح بغذاك من ما عطاك الله قلّط عشاها وعليك باللي حزة الضيق يفداك لا شانت الدنيا ودارت رحاها لا من زهمته لو على الموت لبّاك عيني لجل عينك وروحي فداها ترى الخوي نبراس روحك وملْجاك لا كلّحت بقعا وزادت غثاها حذراك من بعض المخاليق حذراك بعض العرب ما تفرقه من نساها تايه وضايع بين ذولا .. وذولاك فيه الجهالة واصلٍ منتهاها وسلامتكم الموضوع الأصلي: قصيدة نبطية جميله كلها حكم , للشاعر / راشد بن ناصر القحطاني | | الكاتب: سحايب | | المصدر: شبكة بني عبس
|
|
الهرج ميزانك ويكشف خفاياك=كلمة تعيبك لا تبيّن نباها الله يسعدك يادمعه اختيار موفقك
وصح لسان شاعرها .
|
|
|
حكم تضع اليد على الكثير من مصائب المجتمع
سلمتي ودمتي دمعه ذائقة حكيمه
|
|
|
صح اللسان شاعرها وصح اللسانج يادمعه وتسلمي يمينج على النقل
قصيده جزله ورائع واكثر من رائعه دمعه ذائقه ولاروع من حروف والقصايد تنقلينها بالحق قصايد قمه الابداع وذائقه شعريه رائعه ولاهنتي وللاتحرمونا من جديدكم واختار القصيده كامله |
|
|
|
صح السانك دمعه وتسلم يداك وعلى اختيارك
وإلى مشيت اعرف دروبك وممشاك احرص على نفسك وخالف هواها أمّارةٍ بالسوء ما هي بتنهاك اقبض عليها لين يجلى صداها اقطع نواياها بدينك وتقواك
هلّل وعند الله سريعٍ شفاها
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| الشاعر ناصر القحطاني قصيدة سوريا 2012 | بندرأبن طريف المظيبري | قسم القصائد الصوتية | 4 | 13-06-2012 05:11 AM |
| سوريا للشاعر ناصر القحطاني | سحايب | قسم القصائد الصوتية | 8 | 20-04-2012 10:14 PM |
| قصيدة تاريخية للشاعر راشد الخلاوي | ظاهر الشعبانى | منتدى الشـــعــــر | 6 | 26-04-2011 10:09 PM |
| الذاهبة للشاعر .. ناصر القحطاني | الاجهر | المنتدى الأدبــــــــــــي | 5 | 20-09-2007 08:54 AM |
الساعة الآن +4: 06:37 PM.
جميع الحقوق محفوظة شبكة بني عبس
