[رسام الغروب]

على وداع إمعانقة هاجسي ضقـت
.................... ضيقة حزن..منها على طول ضايق

انااحسب ان السالفه.. مسالة وقت
.................... وياشيب عيني يوم شفت الحقايــــق

حقيقةٍ صدقتها .. بعد .. ما ارهـــقت
.................... وماعاقني من دونها ايّــات عايــــق

ومن جورها..عن جور همي تدرقت
.................... واقول رايـــق.. لو مانــيب.. رايـــق

وانا.. على رمش الغلا.. قد تعلقـــت
.................... واذوق.. من سكرات موتي ..ذوايـق

اشتقت؟من صدقك تقولينها اشتقـت؟
.................... الا .. عليك عروق كبدي.. طرايــــق

ومثل اليتيم .. اللي تغلق..تغلقـــــــت
.................... وتقطعت .. فيني جميع العلايــــــــــق

من ساعة .. افراقك وانا ماتوفقـــت
.................... تقوول سايقني .. على الموت سايــق

واللحظه .. اللي لملمتني.. ولا عــقت
.................... على عقاربها .. تموت الـــدقايــــــــق

ياليتني .. من سكرة العشق .. مافـقت
.................... ولا.. لحقني .. من عناها لحايــــــــــق

انا احسب اني .. من حبالك .. توثقــت
.................... واثر الحبال .. بكف .. غيري ..وثايــق

ومع واقع اهمومي .. بكيت.. وتعانقت
.................... ضايق .. ومن دمع المشاريه .. ضايق


الشاعر عكاشه

الموضوع الأصلي: على وداع إمعانقة هاجسي ضقت | | الكاتب: رسام الغروب | | المصدر: شبكة بني عبس

[عطر الاوركيد]

صح لسسان شآعرها
وسلمت يمينك عالنقل الرآئع
..

[النمر1012]

صح لسسان شآعرها
وسلمت يمينك عالنقل الرآئع

[سحايب]

انااحسب ان السالفه.. مسالة وقت
.................... وياشيب عيني يوم شفت الحقايــــق

صح الســــــــــــــان شاعره
وسلمت يمناك على انتقائك الجميل
قصيده راقت لنا وستمتعنا بأبياتها
لاهنت لك ودي,,,

[رسام الغروب]

صح ابدانكم وحياكم الله وكل الشكر لكم ولمروركم الرائع

[(فارس الرشيدي)]

من ساعة .. افراقك وانا ماتوفقـــت
.................... تقوول سايقني .. على الموت سايــق
ذووق الله يعطيك العافيه

[رسام الغروب]

حياك الله فارس الرشيدي واسعدني تواجدك وكل الشكر لك ولمرورك