[نوماس5]

الصمت له عندي معزّه ومقدار
في زحمة الافواه..يا مزين الصمت !!



لا صار بعض البوح عند البشر عار


لو يشتعل جوفي حشى ما تكلّمت



تعبت من قولة :
(علامك) و (شو صار)


وان طحت ما ألقى سوى كلمة ( سلمت )



واعذار اخلقها ولو مالي اعذار


مشّيتها مره..ومرات ما رمت !!



كذبة صباح الخير / يا صبح الانوار


عذري ليا عدّت ليالي ولا نمت



اسهر طوال الليل وضْيوفي افكار


واقول لاْصحابي : نعم توّني قمت



ما عاد فيني ألفت عْيون واْنظارُ


يكفي بأني من زماني تعلّمت



ان الصدر بيتن .. وسكّانه اسرار


نيام .. بس يصحون لامن تألّمت



وش عاد ينفع سترهم لو تكتّمت ؟


آقدّم اقدامي على درب الاصرار



امشي ولكن للأسف ما تقدّمت


( الغار قدامي .. ومن خلفي النار )



يا لين ذاك الحلم في لحظه انهار


وانا مع لحظة سقوطه تحطّمت



اجروحي اكثار..وتناهيدي اكثار


لكن على كثر المواجع .. تبسّمت




ثم أْلتزمت الصمت وعزومي اكبار


ولو يشتعل جوفي حشى ما تكلّمت

الموضوع الأصلي: الصمت له عندي معزّه ومقدار | | الكاتب: نوماس5 | | المصدر: شبكة بني عبس

[رسام الغروب]

صح السانك وسلمت يداك على النقل الرائع

[بندر الشويلع]

صح لسانك
والله يعطيك العافيه
ولاهنت

[نوماس5]

مــنورين لا عدمتكم