[عاشق الريم]

بسم الله الرحمن الرحيم

الشاعر فائق عبد الجليل من افضل لاشعراء الخليجيين واعذبهم كلاما
اختفى في السجون العراقيه ايام الغزو
وله روائع جميله
وقد جمعت له عده قصائد اتمنا ان تعجبكم


(( فائق عبدالجليل ))
منهو جابلك طارى
منهو وصّل اخبارى
نسيتيني
مثل ماتنسى الامطار الصحارى
نسيتينى..

دمعه فىّ فى عز الظهارى
وعيونى معلقه عيونى
على رمش انتظارى
حزين الشوق
وكلامى هاجر لسانى
وقلبى قلب
قلبى دفتر احزانى
من مينا الى مينا
موانى الدنيا عنوانى
هارب من كتاباتى وتواريخى
أدوّر سيف نسيانى
وين مااروح
حبك قمره وانا الليل
وين مااروح
القمره القمره تلقانى
اركض وانت كل الارض
اغرق وانت ماى الحظ
ياحظى اللى بكانى

============================== ============================== ===




فينا واحد بيلعب لفائق عبد الجليل

فينا واحد بيلعب .. فينا واحد يعاني

اعتقد فينا واحد .. ما يستاهل الثاني

فينا واحد تمنى .. يكون ظل لخليله

فينا واحد تجنى .. الف ليله و ليله

و اعتقد فينا واحد .. ما يستاهل الثاني

فينا واحد تصبر .. و عطر الدنيا طيبه

فينا واحد تنكر .. للمحبه و حبيبه

و اعتقد فينا واحد .. ما يستاهل الثاني

فينا واحد تغرب .. عن حياته و مكانه

فينا واحد تمادى .. حتى خان الأمانه

و اعتقد فينا واحد .. ما يستاهل الثاني

بعد كل ماجرالي .. منك و من زماني

حس و شعر بحالي .. صير انت بمكاني

شوف منهو اللي فينا .. ما يستاهل الثاني

============================== ===================






فائق عبد الجليل

زلزليني . . زلزليني
واتركيني فوق بعضي
اغرس الغربه
ما بيني وبين نبضي
زلزلي
بغربة الساعة احبك
دمعة الغيمه احبك
بهزة رموشك
احبك
بكل حواس الحب احبك
لما شفتك يا حبيبي
اعترف ان الهوى فعلا قدر
مانفعني كل غروري والحذر
قلبي ضيعني
وحاصرني الخطر
كنت ادور في عيونك
درب حق شوق وممر
ارتبكت وانسرقت
صرت موجه في بحر
صرت في صيفي مطر
صرنا نضحك
صرنا نبكي
صرنا في حالة خدر
زلزليني . . زلزليني









ايضا لفائق عبد الجليل

مثل ما ياخذك .. النسيان ..
أنا مثلك ..
أنا انسان .. هم .. انسان ..
أنا وقت التعب ..
مثل السفن لي شافت المرسى ..
يا مخدوع في فرحي ..
انا في ضحكتي .. جرحي ..
وامامك ..
امامك .. كلمتي خرسى ..
ناديتك بصوتي المتعب .. الولهان ..
ناديتك .. وانتظرت سنين ..
ناديتك صوتي .. والصدى .. للآن ..
ناديتك ماحسيت .. ولا رديت ..
صوتي .. والصدى للآن ..
غيابك وصّل افراحي .. الى الأحزان ..
اشوفك راحتي .. منّك أنا تعبان ..
يا مخدوع في فرحي ..
انا في ضحكتي جرحي ..
وامامك كلمتي خرسى ..
آن .. آن الآوان ..
آن .. آن الآوان ..
انا برتاح .. من يأسي ..
من خوفي .. أنا بحاجه لأمان ..
وداع .. يا شوق .. ياذكرى ..
وداع .. يا زمان .. كان ..
وكل اللي أقوله الآن ..
ابارك لك .. بالنسيان ..
يا مخدوع في فرحي ..
انا في ضحكتي جرحي ..
وامامك كلمتي خرسى ..


فائق عبد الجليل
وزعيني في تضاريس الثواني
في محطات .. ومواني
اهدمي مجدي اللي ضمنّته
ملايين المعاني
احرقي خيمة حناني
شرديني
شردي طيور الأماني
اجبري ايامي ترحل عن زماني
غيري طعم القصايد في لساني
شرديني
اتبعيني
أنا بيتي هناك في اللاشي مكاني


فائق عبد الجليل

يا اللي حبك قطع أنفاسي قصايد
يا اللي ذنبك لوع حروف الجرايد
انت وأنا اثنين ..
والثالث هوانا
والهوى مسكين ..
ليته ما لقانا
صدفه وحنا صغار .. صدفه
الهوى لبسنا عطفه
والهوى مسكين ليته ما لقانا
والأمل (مقرود) يبكي في قفانا
والحزن مرتاح كل حزنه هدانا
وحنا بس اثنين ..
والثالث .. هوانا
والهوى مسكين
ليته ما لقانا
انت أقوى منّي .. وأنا اعترف
أنا خطوة نار .. خلتني أجف
بس مصير النار
يقولون الرماد
وانت نارك
غير نيران العباد
في وسط عيني أشوف انك تخون
واسدل جفوني على طول العيون
يا اللي حبك صبغ الدنيا ذنوب
وبدل شموسي المنيره في الغروب
من طفولتنا .. أتوب ... وما أتوب

فائق عبد الجليل

خلنا اخوان
...هوانا كان
ساعه من شهر نيسان
سفينه والبحر سكران
لوحه والمطر الوان
قصه كانت ومعنى
وهذا اليوم فوق الرف
لا معنى و لا عنوان

مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
..خلنا اخوان
..خلنا اخوان

(2)
احبك ..اعبدك..اهواك
كلام كنا نقوله سنين
انا وياك
هوانا مغبّر ومجهول
هوانا ذايب ومسلول
انا ماكنت احبه يزول
انت وحدك المسئول
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
..خلنا اخوان
..خلنا اخوان

(3)
ياجرح الطفوله
..يافرح حيران
ياكلمه بريئه مالمسها لسان
احبك..اعبدك..اهواك
واموت ودمعتى تبكى
على ذكراك
يامصلوب على حدودى
احبك وانت معبودى
بس فات اللى فات ..راح
ولا يمكن بعد نرتاح
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
..خلنا اخوان
..خلنا اخوان

(4)
جيت الحين متأخر
الورق الاخضر على الاشجار
صار اصفر
انتظارى طال
مااقدر بعد اسهر
الثمن عندك بعض كلمات
تكتبها على دفتر
والثمن عندى عذاب وموت
واحيانا يكون اكثر
شوف الفرق
لما انا احس الفرق أتحسر
اش تبى منى بعد اكثر
انا فى وسط واقع..
وانت فى السما تحلم
كفايه ارجوك ..لا تسأل
اخاف اجرح شعورك..لما اتكلم
مااقدر اوضح لك
مااقدر اقول اكثر
فى لسانى الكلام يموت
وفى عينى الهوى تابوت
..خلنا اخوان
..خلنا اخوان
(5)
انت ملوّع ومسكين
...مثلى تايه ومسكين
لاتزعل...
..حنانك اروع واجمل
وهواك من الهوى اطول
انا اقدر
انكر كل شى فى الكون واتكبر
الا انت معاك..
يابو جبين اسمر
ما اقدر ولا اقدر
اكذب لو اقول انساك مااقدر
حتى لو تمر الكلمه فوق لسانى تتكسر
مااقدر اوضح لك
مااقدر اقول اكثر
وفى لسانى الكلام يموت
وفى عيونى الهوى تابوت
..خلنا اخوان
..خلنا اخوان

(6)
عن اذنك
بروح البيت
طفلى هناك...
ابوه غدار تزوجته غصب
وضاعت الحيله
وحيده اسهر
مع طفلى الوحيد
مع الليل
ومواويله
شوف شصار
كنا صغار
وكبرنا وذبنا فى الدنيا
انت تلون الصفحات فى الاشعار
وانا احضن الذكرى
واموت بنار
مااقدر اوضح لك
مااقدر اقول اكثر
فى لسانى الكلام يموت
وفى عيونى الهوى تابوت
..خلنا اخوان
..خلنا اخوان







============================== ===================

فائق عبد الجليل

فينا واحد بيلعب .. فينا واحد يعاني

اعتقد فينا واحد .. ما يستاهل الثاني

فينا واحد تمنى .. يكون ظل لخليله

فينا واحد تجنى .. الف ليله و ليله

و اعتقد فينا واحد .. ما يستاهل الثاني

فينا واحد تصبر .. و عطر الدنيا طيبه

فينا واحد تنكر .. للمحبه و حبيبه

و اعتقد فينا واحد .. ما يستاهل الثاني

فينا واحد تغرب .. عن حياته و مكانه

فينا واحد تمادى .. حتى خان الأمانه

و اعتقد فينا واحد .. ما يستاهل الثاني

بعد كل ماجرالي .. منك و من زماني

حس و شعر بحالي .. صير انت بمكاني

شوف منهو اللي فينا .. ما يستاهل الثاني

============================== ===============
فايق عبدالجليل
طــيـــب

طيب و صدقت الحكي
غلطان غرتني العيون
مادري ان الناس في لحظة تحب
و الناس في لحظة تخون
الناس آه يالناس
حتى في المحبه يكذبون
كنت اتصور حبي في عيونك كبير
همزة وصل تبدى و لا تعرف اخير
كنت اتصور كل شي ممكن يصير
نشوف الكثير ... نعاني الكثير
نروح نتفارق
الا اللي شفته .. ماهقيت انه يصير
شي خطير
الناس آه يالناس
حتى في المحبه يكذبون
اجرح مشاعر حبتك .. اكذب علي
اكذب و صدق كذبتك .. اكذب علي
الطيب أنا عادتي .. و الظلم يمكن عادتك
مسامحك روح .. رغم الجروح
نشوف الكثير ... نعاني الكثير
نروح نتفارق
الا اللي شفته .. ماهقيت انه يصير
شي خطير


============================== ===============


اتحداك
إذا تقدر تخاصمني
اتحداك
ما تقدر تخاصمني
ولا أقدر أنا انساك
اتحداك
في عيونك
أشوف أشواق تكلمني
تقول لا يمكن
أنت في يوم تخاصمني
وسطورك لما تبعثها
بحنين وحب
تذوّب كل شيء بيننا
يصد الحب
وتتحدى الزمن بالشوق
مثل ما انا اتحداك
تقول انساك
وانت اللي قضيت جنبي
ليالي ما عرفها الحب
من قبلك ومن قبلي
تقول انساك
وانت اللي تعيش الحب
في عيوني ومن اجلي
ماتقدر تخاصمني
ولا اقدر انا انساك
اتحداك

============================== =====

بيني وبينك.فائق عبد الجليل

بينى وبينك اعترف...انك قدرتى
واعترف انك عزفتى
واعترف انك كسرتى
سور صمتى
كان قبلك عمرى ساكت
بيتى ساكت
نبضى ساكت
كان لون الشمس...
فى ايامى باهت
جيتى مثل الغيمه فى صدرك مطر
جيتى اكبر معجزه..
واحلى قدر
جيتى داهمتى جفافى بالمطر
جيتى طرشتى عناوينى الجديده للقمر
جيتى خليتينى انقل
لغة الماى..
وطيور الماى
من قبل الغرق
جيتى رجعتى السما للصيف
رجعتى الربيع اللى انسرق
جيتى جمعتى رماد اشعار
ديوان احترق

لذه الاصرار فائق عبد الجليل

حبيبى اختار
لاتنهار اعصابك
لاتنهار
اعترف بالسر..قول للناس
من حقنا نحب ونعيش
رغم الكون والاقدار
انت النبض فى شوقى
انت الدم فى عروقى
انت انسان خلق عمرى
وخلا لحظتى اعمار
وانا من غير حبك
ريشه فى تيار
ومعاك انته
يموت الفرق...
بين الشوك والازهار
وينبت فى حزن قلبى
فرح واشعار
انا وانت يمكن يوم
نروح عند القمر زوار
ونكتب فوق اشجاره سوالفنا
ونزرع سطحه وضلوعه
هوى واسرار
اوقف ارحم اعصابك
ارحمنى من الافكار
لاتتركنى دمعة حب
على ساحل هواك احتار
تعال نعلنها ثورة حب
تعال نذوق مره
لذة الاصرار

الموضوع الأصلي: الشاعر فائق عبد الجليل | | الكاتب: عاشق الريم | | المصدر: شبكة بني عبس

[بندر الشويلع]

صح لسان شاعرها
والله يعطيك العافيه
اخوي
مبارك
على النقل
ولاهنت

[رسام الغروب]

صح السانك وعلى أختيارك مبارك مبدع تقبل مروري