[العريض]

ياعين مـن حطيـت عينـي بعينـه ..
وابطيت واقف في بحرعينهـا مـوج
ابحـرت فـي عينـه بليـا سفينـه ..
سجيت فيها ليـن ضيعنـي المـوج
حاولت الـد الشـوف عمـا يهينـه ..
ولا إنتبهـت الا وانـا فيـه ملبـوج
شفت الفتـن فـي ملتقـى حاجبينـه ..
والسحر في عينه مع الزين مدمـوج
اسـود سـواده لابستـه السكيـنـه ..
وابيض بياضه طايش اللون مرجوج
زاويـه طـرف ٍ حاجـز ٍ دمعتينـه ..
لولاه كان الخـد بالكحـل ممـزوج
كاسيـه رمـش ٍ زاد ملحـه وزينـه ..
من فوق متكحل ومن تحت مدعـوج
بين الرموش السود شفـت الغبينـه ..
واللي رماه الرمش ماعاد لـه بـوج
مرت ثوانـي مـن حياتـي ثمينـه ..
وأنا اتهـادى بيـن الاشـواق وأدوج
مرت وأنا قابـض علـى راحتينـه ..
واقف مقابل لـه وساهـي ومدلـوج
مدري وش اللي صار بينـي وبينـه ..
والقلب ماردنـه ضلوعـي العـوج
ولا إنتبهـت الا بسحـبـة يديـنـه ..
قال انت تبغى الناس تلحقني بهروج
قلت اعذر اللـي شافـك الله يعينـه ..
يبطي ودمعه بعـد فرقـاك مزعـوج
عينـك بنظـرات الغـلا مستهينـه ..
قال الغلا في داخل القلـب منسـوج
قلت الوعد قال ايـه كلـش بحينـه ..
الله يفتح لك مـن الضيقـه فجـوج
قلت آآه .. طيب شف لي الدرب وينه ..
قال انتبه باقـي علـى شفتـك روج
قلت لهـا أدري بـس لا تمسحينـه ..
أبقهـر بلونـه مطافيـق وعـلـوج


مما راق لي

الموضوع الأصلي: مرت ثوانـي مـن حياتـي ثمينـه | | الكاتب: العريض | | المصدر: شبكة بني عبس

[سحايب]

صح السان الشاعر
مشكورعلى طرحك

[ميلاس]

‎
تسلم ع النقل الرآئع
‏ ‏

[الاجهر]

الله يفتح لك مـن الضيقـه فجـوج
------------
كتبت فابدعت واقلام واذواق ما نعدمها - مع اجمل تحيه

[مذكر الرشيدي]

مشكوووووور والله يعطيك الف عافيه على النقل الرائع وصح لسان قائلها

[رسام الغروب]

صح السانك وعتلا شانك

[العريض]

اقتباس من مشاركة دمعه صح السان الشاعر مشكورعلى طرحك

صح وجدانك شكرا ع الحضورك

[العريض]

اقتباس من مشاركة ميلاس ‎ تسلم ع النقل الرآئع ‏ ‏

تسلم ع المرور العذب