[النمر1012]

يا من ذبحت المحاني من غلاك الجموح
مرابطك في خفوقي ليه .. خليتها !!
نسيت مفلاك في ضلع الغلا والسفوح
اللي على طارف اضلاعي تخطريتها
فوحت دلة غلاتك .. والمشاعر تفوح
وبن الهوى يحيي الاذهان ويميتها !!
وصبيت لك من بهار الطيب ( فنجال روح )
ونثرت صبة يميني .. يوم مديتها !!
اوجعتني وانت ما تدري .. لو انها مزوح
وفهمت وش مقصدك منها .. وقاسيتها
يا ليت جرح الهوى لحظات عقبه يروح
ما كان نفسي على فرقاك .. حديتها !!
عواصف الحزن هدت من جفاك الطموح
في كلمة (ن) لا وصلت إلها .. تعديتها !!
أسكت الحزن فّي .. وتنطق العين بوح
حسبي على دمعة لرضاك هليتها !!
خلاص باح العزا لو كان قلبي سموح
يا أول وآخر أماني قد .. تمنيتها !!
الحب ماهو بغصبا !! تبغي تروح روح
ذبلت ورود المشاعر وأنت ما اسقيتها
قد قلت لك .. والقسى في عين صدك يلوح
حدك معك بالجفا .. وما كنك اوحيتها !!
مبدا المحبه غرام ومنتهاها جروح !!
هي هكذا .. تجربتها .. يوم عانيتها !!
ما كنك اللي عرفته !! يا الغزال الذبوح
حيرتني باربع اشياء .. ما تهقويتها
( حبك / وداعي غلاك / وغيرتك / والوضوح
ماتت من الحزن ولا وين وديتها !! )
ان رحت عنك تجي .. وان جيت يمك تروح
يا تنهي المسأله ولا ترى انهيتها !!
كرامتي مالها .. إلا استاذنك بالنزوح
فإجمع خطايا الغرام .. وشب كبريتها
ماراق اللي من قصيد اتمنى ان تحيز على الرضاكم

الموضوع الأصلي: وصبيت لك من بهار الطيب ( فنجال روح ) ونثرت صبة يميني .. يوم مديتها !! | | الكاتب: النمر1012 | | المصدر: شبكة بني عبس

[سحايب]

صح الســــــــــــــــــان شاعرها
وسلمت يمن ناقلها
يعطيك العافيه على هالذائقه

[النمر1012]

صح بدنكم والله يسلمكم وعافيكم وكل ذوق ومشكوره على المرورررررررررر

[نوماس5]

هالله هالله
صح لسأأأأأأأأنكــ بيض الله وجهك على النقل المميز

[النمر1012]

صح بدنك والله يسلمكم وعافيكم ومشكورين علي المرورررررررررررررر