[فـ عتيبه ـارس]

مراسله بين سعدان بن عابس الرشيدي



وشاعر هوازن عبدالرحمن العطاوي العتبي

قصيدة سعدان الرشيدي

ياوفيّ(ن) بالوفـا الشامـخ الوافـي وفيـت=وطيبك أكبر ياأبيض الوجه من وصّافتـه

سامي(ن) عن كل قاصر تساميـت وسميـت=وهو سلفك النابغه وأنت أخـذت خلافتـه

الادب يسكن بذاتـك ولـك بحمـاه بيـت=وأنت بالترتيـب الاول علـى عـرّ افتـه

اعتلى في كوكب العرف صيتك كل صيـت=مثل نجـم ٍ(ن) كـل عيـن(ن) سليمـه شافتـه

والكرم في ارتضى واعتبرتـه وارتضيـت=والكريم أهـل الكـرم تفتخـر بضيافتـه

أنت يامن فيك تـو ّي بديـت ولاانتهيـت=في ثنا شعـر(ن) لغيـرك حـرام عسافتـه

أن كتبت اسمك يذكّرنـي أجمـل ماقريـت=وفي دروب الوقت لاسمك مكـان ولافتـه

يالعطاوي ماأقصد الا أنت يوم إنّي بنيـت=صرح قول مود أبلشـك فـي مزهافتـه

كل يوم أطريك وإن جيب طاريك اهتنيـت=لين قالوا كنـز فكـرك حـرام إسرافتـه

انت نهر ٍ عذب لاأضميت من ماه ارتويت=ويش ابي فالجـب ومداحمـة غـر ّافتـه

امدحك وليـا مدحتـك بقولـي ماغديـت=رافـع ٍ صوتـي بقولـي ولانـي خافتـه

وانت تكلّم قاصر العرف قلـت ولادريـت=طق راسك بين سـاس الجـدار وحافتـه

كل ماأمـدح ذات عليـا بعليـاه اعتليـت=ماتنقّـص قيمتـي بالصحيـح نصافـتـه

أمدحـه ود وتفاخـر وصـدق بماعنيـت=وبنك فكري ماتعرف الغشش صـر ّافتـه

وكان يزعلك أبيض الصدق جعلك مارضيت=رح مثل من رامت الشوق يـوم وعافتـه

موجب أنّي ماتغنيـت خـوف ولارجيـت=غير من رب ّرجيتـه ونفسـي خافتـه

ودايم (ن) نفسي عزيزه إليـا حييـت جيـت=صوب راع الطيب والعفن رجلـي طافتـه

ولاتسمّعت لسخافات كيـت وقـوم كيـت=ولاجرف مبداي مـن تشتغـل جـرّ افتـه

واثق (ن) ربـي هدانـي بفضلـه واهتديـت=ومن غزاني راس مالـه طريـق إنكافتـه

وللحقيقه ماأخفي اللي بنفسـي ماحييـت=طيب ولا العيـب مانيـب مـن كشافتـه

وراعي المعروف لو هو نساني مانسيـت=كيف أبـا أنسـى ذاك والذاكـره ميلافتـه

والعطاوي كم عن أفضاله أوحيت ورأيـت=وكم عيـون (ن) لـه بـرد الوفـا متلافتـه

واجد اللي يفعل الطيب واللي بـه هقيـت=حيث غصن الطيب كلّ (ن) وحسـب قطافتـه

مير ضلع سواج ماهوب قد ٍ لـه كميـت=كـل ضلـع(ن) يعرفـون الرجـال نيافتـه

***

رد العطاوي على الرشيدي

فالعرب من بدعه إعجاز لو سمّي صميت=فالخزايـز مايعاشـى وذيـك عرافـتـه

يابن عابس يوم للي قتل خطلـه وديـت=المسالـف بالوفـا تربحـه سـلا ّفتـه

كم روى المجحف ولروايته قلنـا عليـت=وأجنف البـل مايـداو الطبيـب جنافتـه

ياهلا يامطيّب الشعر بأطيـب ماإنتشيـت=مثل مسك ٍ محكم الختـم شلـت غلافتـه

يوم نوجه فاج عن سالفة خلّـي سهيـت=وقمـت واقـف مبتهـر للبنـا وقيافتـه

نسج سعدان استلب لب عقلي واعتزيـت=يقطف العسلوج وأفضـل تريـك قحافتـه

غصت والمحّار عقبه مفلـل لـو فليـت=ماسقط سهو ٍ مـن الـدر غيـر قرافتـه

انطلق حبلي مع السيب ولحالـي جريـت=وجبت لول لصايغ (ن) مارضـى بصدافتـه

قدر والتقدير من مثلـه أغلـى ماقنيـت=والحميـم أروف بـه حشمـة(ن) لريافتـه

ايه ياسعدان مالـك لـدي وانتـه لديـت=ضلع أبان اللي ثبـت شامـخ ٍ بطنافتـه

والعلم سمّي علم وانت ياعالـم سديـت=نسج(ن) أنعم من سهيف السـدى بسهافتـه

فوق ورد(ن) للثنا يـوم قـد ّمتـه كسيـت=ثوب حمد(ن) فوق خلّـك كسعـت عطافتـه

ناسجه بأزهى المدايح وانا منهن زهيـت=وفي مشلّه زان سلـك الحريـر كفافتـه

وكان قالوا لك هل القيل في شعرك مريت=قل تعديت المـرا شـف نفـس إستافتـه

اما أنـا ماقـط نابانـي الخـل ونبيـت=ومن تشو ّف لي على الطور أحمد شوافته

ومن مشالي معتدل يالرشيدي له سعيـت=والاهيـدف كـل عـام(ن) تـزود هدافتـه

إن رضي وان مارضي أو تقززت وطنيت=من تعجرف ماتضـر العـرب عجرافتـه

وانت من منهاج الاخيار منهجك استقيت=بس بذر الطيب بأرض الصّبخ ياحسافتـه

ذا وعن لاتسهب الدلو يوم إنّـي لقيـت=والرشا فـوق المحالـه طويـل سلافتـه

معك أبا أندى في منادى البداوه لو بديـت=وإن تحضريت اكتفـوا رامعـي بكتافتـه

يلعن الله قبـر الاحيـا وللعنـات أبيـت=والحيـاه أعزهـا كـل جـال شرافـتـه

واشقر ٍ يدعيه قلبي ليـا منّـي دعيـت=لذ ّتي في برق الأرواش عجـل أوحافتـه

وذا ويامن عن مراتـع جوالتنـا قزيـت=اقطفـوا قفـر الفيافـي ولـذ ّ حيافتـه

واقبلوا شكري ولو ماعلى طيبك جزيـت=واعتلو طـور(ن) تهيـل الـردي مهيافتـه

الموضوع الأصلي: صوت الشاعر سعدان بن عابس الرشيدي .وصوت الشاعر عبدالرحمن العطاوي العتيبي | | الكاتب: فـ عتيبه ـارس | | المصدر: شبكة بني عبس

[مرآهيش]

صح آلسنتهم جميع

لآعدمنآكـ