[نوماس5]

حبيبي ما بُقى عِندي صَبرْ .. يتْحَمَّـلْ التأخير
رَحَلتْ .. وعِقبكْ الدنيا غلاها طاح مِنْ عيني

على طاريكْ كِلْ لحظه ..ولا أحتاج للتذكير
حَريصْ القلب ما ينسَى عيونِكْ , لا توصيني


تصدق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِيً غِيابكْ وشْ عَمَلْ فيني


أجَاوبْ اللِّي يسْألني عَنْ أخْبَاري وأقولْ بخير
وأنا لا خِير بغيابكْ .. ولا حَاجَه .. تهنيني


مَحَدْ يِقْدَر يعَوِّضْنِي لأنِّكْ ..في عيُوني غير
ومَهْمَا شِفتْ أنا الفرحَه ..بدونِكْ ما تسليني


وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني


مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني


مِثلْ طيرٍ كِسَرْ بُعْدِكْ جَناحَه وما قِدَرتْ اطير
أحَاولْ أبْتِسِمْ وأنْسَى ولكنْ وشْ ينسيني..؟!


أناديكْ في صباحي إنتْ مَعْنَى يا صباح الخير
وأشُوفِكْ في مَسَائي حِلْم وردي ..لا تصحيني




تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني



أنامْ شلونْ ومشكلتي عِجزتْ ألقى لَهَا تدبير
طِلَبتْ النُومْ ..لحظاته وعيَّا النُوم يعطيني


تغيَّر وجْهَي ..مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفيني



يا أغلى مِنْ رَحَل عنِّي يا كِلْ الحُبْ والتقدير
تعَاااااالْ إنْ كان لِي عِندِكْ مَعَزَّه وكان تغليني


تعَالْ: إنْ كِنتْ تعشقني وإذا فِعلاً تبي لي خير
تعَالْ: ومِدْ لِي ..كَفْ الوَصِلْ .. وآمِدْ كَفيني



أنا ما أقولْ اللِّي صَار فِيني ما هقيته يصير
لأنِّي كِنتْ مِتأكِدْ ..... بأنْ البُعد {ينهيييني}


إذا كانْ الجِفا واجِبْ فأناما مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليييني}

الموضوع الأصلي: في غِيــــــــــابـــــــــــــكْ مانـــي بخيـــر | | الكاتب: نوماس5 | | المصدر: شبكة بني عبس

[عازف الاحزان]

توماس ابدعت في نقللك للقصيدة
لله درك على الابداع
ومشكوررروالله يعطيك العافية

[ندى الصمت]

نوماس ابدعت في الاختيار

[نوماس5]

اقتباس من مشاركة عازف الاحزان توماس ابدعت في نقللك للقصيدة لله درك على الابداع ومشكوررروالله يعطيك العافية

العفوو
منوور

[نوماس5]

اقتباس من مشاركة ندى الصمت نوماس ابدعت في الاختيار

يسلمووو منوره

[لايطول غيابك]

صح لسسسسآن شــآعرهــآ
و
سلمممممت يمنــــآك ع الاختيــــآر ,,

[غـــلاءنـــجـد]

الله يعطيك العافيه
وسلمت يداك على النقل

[عبدالله العايد]

يعطيك الف
عاافيه