[يوسف الاسود]

يالله بامرك يسهل الصعب ويهون
والسهل بامرك صعب مااقدر أطيقه



يالله منك المد والعفو والعون
يالله تفرج كل هم (ن) وضيقه



أصحابي اللي بالمواقيف يوفون
أهل النفوس الطيبـه والرقيقه



أصحابي اللي بالمواقيف يكفون
أرداهم اللي دوننا نشف ريقه



عز الله إني صوبهم حيـل مديون
وعجزت أحصل عن ديوني طريقه



يالله تجملني معاهم ويلقون
صدق المشاعر والوفاء والحقيقه



بس البلا اللي عنده السم مدفون
وسط العسل ويحب بوقة صديقه



طعنة قريب تحط في خاطري لون
وتشب في عوج الحنايا حريقه



البارحه ماهي بيعني ومضمون
البارحه شفت الحقيقه حقيقه


أصحابي اللي بالمواقيف يكفون

أهل النفوس الطيبـه والرقيقه


الشاعر يوسف الاسود

الموضوع الأصلي: مشاركتي في الموسم | | الكاتب: يوسف الاسود | | المصدر: شبكة بني عبس

[غــلا عــونــي]

[الشمالي404]

قصيده من اجمل ماقراءت

وافي يايوسف الاسود بيض الله وجهك

وصح لساااانك

[عنتر زمانه]

رائع ومبدع

وقصيده شامخه والحمدلله اللي لحقت على المسابقه

[كاتب الرشيدي]

لا وغلا بيوسف

من طووول الغيبات جاب الغنائم

مشاركتك محل اعتزازنا وسعدا بك
صج لسانك ونتمنى لك التوفيق

[موسى الصامل]

صح لسانك ابو الاسود
دائما تعودنا على الجزاله
من شاكر كبير بحجمك

[احمد سبيتان]

صح لسانك يايوسف وبيض الله وجهك

بالتوفيق ان شالله

[هيون]

صح الساااااانك