[محمد بن فـايد]

السلام عليكم ورحمة الله وبركاته


مساكم الله بالخير الجميع ...


هذي مشاركه متواضعه وارجو ان تنال على رضاكم جميعا ً

وخصيصا ً المعزب ..

ويقول .. هالله هالله

بعد مازان طرق الشعر والطرقى على المطلوب=أحبك البيت والمعنى .. على المليان وفييته
وأغنيها على لحن الحدى والا .. على المسحوب=ليا منه طرق بالي جزيل الطرق.. غنيته
قصيدن كنه الحسنا.. من الخفرات .. والرعبوب=طويلة عنق..والاهداب سودٍ عكش .. وميّيته
ألبسها جلال العف...وطرقّها بزين سلوب=وعرضّها ... على الحشمه... وراق الطيب من صيته
وعلى كبد الفهيم أتصب مثل السلسبيل ودوب=على كبد الحقود الاّ... كما المره وحلتيته
وعلى سلك الغرام الي عليه القلب .. خطر يذوب=الاوشلون ماترحم عزيز القوم .. ذليته
ضلوعه حدب تحطبها ..وتصلي قلبه المشهوب=وتنطحّها على صفق الهبوب إيلين .. مشويته
أبي غروٍ مع البدوان .. به من لمحت المرعوب=على شانه ندم نابي... على النيبان صكيته
وبعير الشوق من شانه على رجوى الامل مشعوب=واذب الريع ياحظ ٍ ورى الريعان .. ذبيته
وألا ياحظي الغابر .. وألا ياحظي المنكوب=عاسك أتقوم وتجيبه مثل مانمت ... وأغديته
وعلى صرح ٍ شمخ فالمنتدى عان الشعر مكتوب=ندبتك حظ ٍ أغبر يوم قاف ٍ فيك سويته
وختام السالفه... يامعزب الشعّار .. فالمرغوب=هذي حفنه من الابيات وزين القاف هذيته

الموضوع الأصلي: المعزب والمرغوب مشاركه شاعر الموسم2 | | الكاتب: محمد بن فـايد | | المصدر: شبكة بني عبس

[كاتب الرشيدي]

صح لسانك ياسطح ومبروووك اللقب تستاهل

وسعدنا بمشاركتك معنا

وفالك طيّب

[أمـــير بـكلمتي]

صح لسآآآآآنـكـ......

بالتوفيق

[abu eessa]

صح لسآآآآآنـكـ......

بالتوفيق

[احمد سبيتان]

صح لسانك وفالك التوفيق

[كنترول القاف]

الله الله


جزله يا مسطح


وفالك الموسم ههههه

[الضرغام]

صح السانك

قصيده حلوه .. والله يعين المعزب ..

[قسورة الغاب]

الله الله

صح اللسانك واتعلا شانك يامسطح

قصيده جزله من راس جزل

اتمني لك التوفيق