[عبدالله المظهور]

لكل زمان دولة ورجال !!!
و سليمان معاود (( اخو سلمى )) دولة في زمان الشعر
ظهر في هذا الزمن حتى اصبح سيد من سادات الشعر .. وأحد رموزه.
حضرت حفلة زواجه .. فقلت له .. وللشعر .. مايلي :

للشعر توقيت .. والليله من اوقاته = وانا اتشرف اليامني .. هنا .. قلته !!


جتني قوافيه تنخاني على ابياته = تقول : جاك الشعر واحسن معاملته


ورحبت به .. وابرك الساعات جياته = وحطيت حمله على المتنين .. واشتلته


ياهاجس الشعر مافي جعبتك هاته = مكنوز الاشعار عطني من محصلته


الليله الشعر يصدح عند ساداته = الي عن النقص حافلته .. وكافلته


وابن معادو .. مناره من مناراته = اليا استنجد الشعر فيه يحل مشكلته


دارت قريحة قصيده في مداراته = بيت(ن) انقضته .. وبيت(ن) جته وافتلته


والناس كل(ن) .. يااخو سلمى .. وغاياته = ناس(ن) اعدلته .. وناس اخرى مميلته


اما انت .. شعرك قوي(ن) من بداياته = مثلت لك جيل .. وانعم يوم مثلته


انت اول الشعر .. وانت اعز قاداته = وانت النتيجه اليا طرحت معادلته


وانت امتداد الشعر .. وانت اختصاراته = وانت الجواب المسكت لااكثر اسئلته


وطيت روس الحيايا في ممراته = وكم ذيب(ن) امعط نواك بـ سو .. واغتلته


وكم(ن) شنب قام يفتل في شنباته = يهدف الـ .. درب الردى .. وحطيت منزلته


العاقل المتزن .. تعشق مجاراته = والجاهل المندفع .. تكره مجادلته


وتاريخ الاشعار سجلك بسجلاته = والناس تحفظ قصيدك .. ومتداولته


والك اعتبارك .. وللشعر اعتباراته = مالك .. ومال الامور الي تخللته


حميت وجهه .. وحققت انتصاراته = يوم ان بعض البشر جت له وغربلته


وجميع شاعر تعلى في منصاته = والنعم في كل من بالشعر زاملته


اخص بالذكر من سار بمساراته = الي بذل كل جهده في مواصلته


وكلن يجي مكسبه حسب اجتهاداته = والرجل يحسب حسابه قد مرجلته


واقبل تواضع قصيدي مع تحياته = مقامك اعظم قدر مما تخيلته


وذي عادة الشعر يصغر عند ساداته = الي عن النقص حافلته .. وكافلته !!!

وسلااااااااااااااااااااااااامتكم

الموضوع الأصلي: سليمان معاود .. وسيادة الشعر !!! | | الكاتب: عبدالله المظهور | | المصدر: شبكة بني عبس

[سهم عبس]

وانت سالم
صح لسانك

[هيون]

صح الساااااااااااااااااااانك
ولا هنت وااااااافي
تقبل مروري
بنتظار جديدك

[عيد الداموك]

وانت سالم
صح لسانك

[عبيد دعيع القلادي]

عبد الله المظهور القصيده الجزله ماهي غريبه منك

مجرد اسمك يعطي القصيده ضمان للجوده

صح السانك يابو محمد

وانت امتداد الشعر .. وانـت اختصاراتـه

وانت الجواب المسكـت لااكثـر اسئلتـه

وطيـت روس الحيايـا فــي ممـراتـه

وكم ذيب(ن) امعط نواك بـسو .. واغتلته

وكم(ن) شنب قـام يفتـل فـي شنباتـه

يهدف الـ.. درب الردى .. وحطيت منزلته

يستاهل ابو عبدالله كان فارساً شجاعاً يذود عن القبيله كا غيره من فرسان القبيله

وكلن يجـي مكسبـه حسـب اجتهاداتـه

والرجـل يحسـب حسابـه قـد مرجلتـه

واقبـل تواضـع قصيـدي مـع تحياتـه

مقامـك اعظـم قـدر مـمـا تخيلـتـه

وذي عادة الشعـر يصغـر عنـد ساداتـه

الي عن النقص حافلتـه .. وكافلتـه !!!

عبارات حكمه ودلالات على غزارت الشعر لدى الشاعر نفسه

تقبل تحياتي وتقديري

[الضرغام]

وانت سالم

صح السانك

[احمد سبيتان]

صح لسانك عزالله انك شاعر وبيض الله وجهك

[مرآهيش]

مدخل

،
،

قصيد(ن) يخاويني مادامي مع الحيين = واليا مت مات .. او .. كان به خير يبقى لي
يصيبه عطش .. وارويه من صافي العدين = على ابوي عد .. وعد(ن) اخر على خالي
ولااستخدمه للسب .. ولا الكلام الشين= مااحب الحرام ايصير ملكي .. ومن مالي
وخير القصيد الي يعزز بذكر الدين = وذكر الرجال الي لهم منزل(ن) عالي

،

،

،لكل زمان دولة ورجال !!!

و سليمان معاود دولة في زمان الشعر

وآنآ آقول للشعر ملوك آحدهم عبدالله المظهور بلآ منآزع

،
،

اما انت .. شعرك قوي(ن) من بداياته = مثلت لك جيل .. وانعم يوم مثلته
انت اول الشعر .. وانت اعز قاداته = وانت النتيجه اليا طرحت معادلته
وانت امتداد الشعر .. وانت اختصاراته = وانت الجواب المسكت لااكثر اسئلته
وطيت روس الحيايا في ممراته = وكم ذيب(ن) امعط نواك بـ سو .. واغتلته
وكم(ن) شنب قام يفتل في شنباته = يهدف الـ .. درب الردى .. وحطيت منزلته
العاقل المتزن .. تعشق مجاراته = والجاهل المندفع .. تكره مجادلته
وتاريخ الاشعار سجلك بسجلاته = والناس تحفظ قصيدك .. ومتداولته

،
،
يستآهل المدح آخو (سلمى)
،
،
مخرج

،
،

وعسى الله يثبتنا .. اليا يبست الارياق = على ديننا .. اليا التفت الساق بالساقي
ويدور الفلك .. والامر في حكمة الخلاق = وتزول الخلايق كلها والله الباقي

،
،

آبو محمد

،
،
صح لسآنك ودعوآتكـ لنآ