[ثاري الشنيني]

السلام عليكم ورحمة الله وبركاته

قصيده اعجبتني وقمت بنقلها لكم

ثنتين لاكن ياحمد ويـش ثنتيـن = فيهن مـن الله ياحمـد جاذبيـه
برقع صقر لا والله الا شياهيـن = تكسر قلوب الناس والنار حيـه
فيهن دلع فيهن غلا فيهن الزين= فيهن حلا فيهن بعـد فوضويـه
فيهن ثقل يكسر قلوب السلاطين = وفيهن غنج يلعن جدود البريـه
الزين والله بين ذوليـك نصيـن = نـص لاهاذيـك ونـص لذيـه
قطعت مسباحي علشان ثنتيـن =ماهن بصوبي لعنبوا العنجهيـه
يعني افزعولي يا رجال المسمين = لا تتركوني بين شمـس وفيـه
الله عطاهن زين يكفي ملاييـن = والله عطاهن كشخـة عالميـه
يبي لهن مرسدس كشخه ولونين = 2007 مـا يجـي منـه زيـه
اليا نطحته حر ارخى الجناحيـن = واليـا قفيتـه قنبلـه نـوويـه
واليا عطيته قال يا ليل ياعيـن = قـدام متعـود علـى الاوليـه
واليا وقف ملك ملك يقضي الدين = له حشمة الفنجـال والشاذليـه
عز الرجال ابن الرجال الكريمين = ولا الردي دايم علومـه رديـه
ولا همر يهمهرقلوب المساكين = يقدرونه يا لعنبـوا حـي حيـه
ماهوب ددسن ثلاثـه وتسعيـن = مصدمـه وبلوحتيـن قطـريـه

الموضوع الأصلي: ثنتين | | الكاتب: ثاري الشنيني | | المصدر: شبكة بني عبس

[سعد الفلاح]

الله لايهينك أخوي ثاري وصح اللسان شاعرها ولاهنت يلغالي

[مسندالعويمري]

فيهن دلع فيهن غلا فيهن الزين

فيهن حلا فيهن بعد فوضويه


اشكرك على النقل المميز

[رويبح رباح العويمري]

الاخ ثاري صح لسان شاعرها وسلمت يدناقلها
@@ ملاحظه @@
من صاحب القصيده
وشكرا

[عابد الرشيدي]

الله لايهينك أخوي ثاري وصح اللسان شاعرها ولاهنت يلغالي

[ثاري الشنيني]

الاخ/ولدابوه
الاخ/عابد الرشيدي

اشكركم على المرور
ولكن لا ادري لمن تكون هذه القصيده
مع العلم بانني قد حفظتها في ذاكرتي

ولكم كل التحيا

اخوكم / ثاري الشنيني

[نــواف العويمري]

اتمنى لك التوفيق والى الامام
تسلم ياالشنيني


تحياتي