[وضاح اليمن]

احبائي بني رشيد عبس اعود اليكم بعد انقطاع دام شهر لضروف خاصه وقبل كل شي اقول كل عام وانتم بخير والعيد عليكم مبارك وشكر كل من سال عني طيلة غيابي ويلكم هذه القصيده ارجو ان تحوز على رضا الجميع

غبيت في ضرف والله يعلم الاحوال= الله اللي عليم بكل الاحوالي
كل مرتاح عادن الجداد سمال= لان صار الفواد من الصبر خالي
صابني من ضروف الوقت صكة جال= صكة ٍ من عناها زاد غربالي
ولايفسرغيابي في زعل وخبال= لاحشا ماحصل من ربعي اشكالي
غير شين حصل في دبرة الفعال=وحمد اللي يبدل حال لاحالي
ذا هو اللي حصل لاتعملون الجدال= زبدة الهرج هذا اول مع التالي
وشكر العمده اللي في رجوعي قال = رحبو بالصديق الصاحب الغالي
وشكر السبع ساعة غبت عني سال= حي ذا الوجه ياراع الخلا الخالي
وشكر معزب الضيفان سمح البال= وشكر القسوره ماهل همالي
وشكر البرمكي مابان نجم وزال= ولاسد وبن عبس وكل من سالي
منهم اللي عليه مرسل ٍ مرسال = ومنهم اللي يكلمني بجوالي
ومن نساني نسيته ماخطر بالبال= جيت في عز ماجيت العرب جالي
من بخل بالسؤال بدقة الجوال = كيف نشره عليه بشيل الاثقالي
وليت معيوف يدري وش حصل بالحال= عن هجوسن خفيه تشغل البالي
ولو سهل يعرف اللي صار عرب الخال= كان يفزع ولد نافع ولا يبالي
شي ضيق عليه ماهو قلت مال= ولاطوتني محبة لابس الشالي
ومن يواخذ ربوعه في خطا جهال= اوتسمع كلام القيل والقالي
راح ماله مع اهل المعرفه منزال= وصار في عزلة ٍ ماحوله الوالي
والنهايه عدد مارشرش الهمال= من مزونن بروقه تشعل اشعالي
التحيه لعبس اربوعي الابطال= نعم في عبس تاجي نسل الابطالي

الموضوع الأصلي: عدنا على خير | | الكاتب: وضاح اليمن | | المصدر: شبكة بني عبس

[قسورة الغاب]

ارحب ياوضاح اليمن

والحمد لله علي السلامتك منووور المنتدا من جديد وعودٌ احمدُ يالزيدي

وصح اللسانك وعيدك مبارك قبل الزحمه ^_^

[وضاح اليمن]

مشكور القسوره على المرور والوعد بعد العيد وانا اخو مزنه وجمع احزابك الثلاثيه ههههههههههه

[ناصر الرشيدي]

ارحب يا خو مزنه

ارحب يابو يمن

وانا سعيد بعودتك للمنتدى والكل كان يسأل عنك

واعجبني جداً جداً

ومن يواخذ ربوعه فـي خطـا جهـال
اوتسمـع كــلام القـيـل والقـالـي
راح ماله مع اهـل المعرفـه منـزال
وصار في عزلـة ٍ ماحولـه الوالـي

صح لسانك يالزيدي

ومن العايدين والفايزين وكل عام وانت بخير


.

[العميل السري]

صح السانك ملاييييييين

ارحب يا خو مزنه

ارحب يابو يمن اجازه سعيده وهلا وغلا

وانا سعيد بعودتك للمنتدى والكل كان يسأل عنك

وين اسمي يابو وزره

[شلاش]

مرحبا ومسهلا بوضاح اليمن . إجازه سعيده ,وكل عام وأنت بخير

[أبــو نــاصــر]

وضاح اليمن صح الله لساااااانك

[سيوف بني عبس]