[عواض بن بهلان]

بسم الله الرحمن الرحيم
السلام عليكم ورحمة الله وبركاته

اقدم لكم هذه القصيده

وأمل ان تحوز على رضاكم

هبت هبوب الشعر وهتزت معاليقي قصيد=واسرجت مهره ما عشقت غيري وانا خيالها
ضربتها فجوج الأدب ركاتها في كل بيد=ضربت حوافرها شواهد والعذوبها فالها
خاضت معاركها طرب من ذوقها لان العنيد=داست على سود النويا واعتلى منزالها
بعيونها ميلاد عز بصدرها مجدن تليد=بقفايها تمشي فخر لن الفخر منوالها
وهبه صخرها لي رب الكون رزاق العبيد=ياالله عسى الخير لا سجيتها مدهالها
الله من ليل العنا يا مهرتي يمطر جليد=والوقت صيف ولا حسبنا لليال وحالها
سود الليالي مدرسة شطار ودرس بليد=دروسها ما تختلف عند النساء و رجالها
ترعد وتبرق جرح بعيون البليد ولا تفيد=سالت حسبها صيف ما يحسب مدى غربالها
يجيبها عوجا رقبه ما تضرب الا جال حيد=عوجا يمشيها قهر والضيم سم عيالها
فرق التجارب بالعقل فرق القريب من البعيد=تثبت لك عقول الرجال النادره لا قالها
النادره حبكة فكر سبكة ذهب معنى فريد=تخضع سموع الذوق والأفكار تطرب بالها
هي شف قلب لحتمت ضخاتها عبر الوريد=يعيش فكري جوها وفنونها واثقالها
وتعيش نار الجرح مع صمتي على حلمن سعيد=الحلم ما غيرها تبقى معي وابقالها
عاهدتها من الليال السود لازم استفيد=من حلوها من مرها وافراحها واهوالها
وان الدروس الطيبه واعلومها اكبر رصيد=تعلم الشاطر خروجه لا نوى مدخالها
بإذن الله الرحمن جرح الليل يصبح يوم عيد=والطيبه تلفي وفاء وان ما لفت رحنالها

الموضوع الأصلي: النادره | | الكاتب: عواض بن بهلان | | المصدر: شبكة بني عبس

[ميلاس]

صح لسآنك .. واعتلآ شآنك

تسلم يمنآإك ع الطررح ..

في إنتظآإر جديدك .

[عظيم الشوق]

صح للسانك مشكوووووور

[برق الوسم]

قصيده رائعه ...
صح لسااانك ياابن بهلان ..

[البعيد الهادي]

صح الساانك يابو فيصل
تحل علينا دائماً باالمفرادات النادره والجزله
جديدك نادر وقصيدك جزل
ودمت بحفظ الله يااناادر

[ابوعابد]

صح لسانك قصيدة رائعة وابداعك دائما
في قمة الرواعة ونتظر جديدك تحياتي
لك يابوفيصل

[ناصر الرشيدي]

النادره حبكة فكر سبكة ذهـب معنـى فريـد

صح لسانك يابو فيصل


.

[كاتب الرشيدي]

ارحب ياشاعرنا بن بهلان

قصيدة رائعة

بعيونها ميلاد عـز بصدرهـا مجـدن تليـد

بقفايها تمشـي فخـر لـن الفخـر منوالهـا