[صقر عبس]

ماتصير الأجابه قبل طرح السوال= للأجابه سوال وكل عقد محلول
لاتردد وأنا حلال عقد الحبال = لاتردد تكلم سم بالله وقول
قول مافيه صعبأ يارجل للرجال= الشغاميم عونك بالعدل والميول
والله إنا لون الحرب زاد اشتعال = نرخص اعمارنا يوم اللقاء يامهبول
والله إنا عيالأ من خيار العيال = والله إنا نقول ونحتمي مانقول
والله إن حشام وفالنا حى فال = كل منا علي كسب الجزيله عجول
ماتطيب خواطرنا ياغير الجزال = للجزيلات والطوله نصول ونجول
والله إنا هل الجزله اكرام السبال = من سلايل رشيد معربين الأصول
عزنا عز نفس وعزنا راس مال= للمهمات والصعبات حنا الزحول
عارفين الدروب وحاضرين المجال = عارفين الخروج وعارفين الدخول
شايلين الخفاف وشايلين الثقال = عارفين الطلوع وعارفين النزول
قايسين العراض وقايسين الطوال= متعبين الركاب ومتعبين الخيول
كاسبين السمان وتاركين الهزال= ولايحرك ثقال العقل طق الطبول
فعلنا مثل شمسأ فارقه عن هلال= كم كسرنا عنيد وكم كسبنا ذلول
ما سجدنا للغير الله راع الكمال = الله الرب ومحمد نبي ورسول

الشاعر / عبدالعزيز علي الرشيدي

الموضوع الأصلي: والله إانا نقول ونحتمي مانقول | | الكاتب: صقر عبس | | المصدر: شبكة بني عبس

[مسندالعويمري]

يشرفني .. ان اكون اول .. من صافح هذه الجزله ..

هنا في هذ القسم ..

صح السانك الشاعر / عبدالعزيز علي الرشيدي

ولاهنت صقر عبس على ا لنقل..

[سعد بن عادي]

بيض الله وجهك يا صقر عبس على النقل

وصح لسان الشاعر عبد العزيز الرشيدي

قصيده معبره ورائع

دمتم كما تحبون