[فضي البراك]

مما أعجبني ..

ما علموك بغيبتـك وش جرالـي؟=حتى ( الخبل ) لا شافني قال عـزاه

مافيه شـيٍ موحـشٍ مـا طرالـي=ولا فيه ضيـق الا تعانقـت ويـاه

هذا مداه وضاق صـدر الشمالـي=تقولليّ وش جاه؟ واقول وش جاه؟!

عزيـز قـوم وبهذلَتْـه الليـالـي=كبا .. به حصانه وخانت به خطـاه

شف حالتي والصبر ما سـرّ حالـي=بين اصدق الاحساس واللأ مبـالاه

تعبت اقول ان ( الامل ) راس مالي=واشوف ثوب الصبر ينشق وارفـاه

(الياس) حِمله فاق كـل احتمالـي=نوب اتعثر بـه ونـوب اتخطـراه

يرسم على وجهي ملامـح ظلالـي=واحاول ارسـم بسمتـي واتحـداه

ضميان والعـد القـراح الزلالـي=كبدي تبي قربه ونفسـي تحاشـاه

طاح الدلو . والسانيـه . والحبالـي=وانا على جاله ولاذقت مـن مـاه

والحاجه اللي في نفـوس الرجالـي=اكثر حراها تخلف الرجـل مبـداه

كلمه تقـال وكلمـةِ مـا تقالـي=ما كل ما فالصدر للنـاس تقـراه

لو شلت ما شالت ظهور الجمالـي=لاطحت . ماقالوا عسى الله ياقـاه

يا علّ مـا لمنقّـل الهـرج وآلـي=وابليس ياويلـه مـن الله ويـلاه

لكن بعد ما صار ما زلـت غالـي=(مثل السقيم اللي حمـل داه بـرداه)

ان جيت يبقـى منزلـك بالعوالـي=عرشك على حطت يدك ماحدِ جاه

وان رحت .. امي جايبتنـي لحالـي=الحب عايش بـه وعايـش بليـاه

الموضوع الأصلي: نوب اتعثر بـه.. ونـوب اتخطـراه | | الكاتب: فضي البراك | | المصدر: شبكة بني عبس

[ميلاس]

صح لسان قايلها .. وتسلم يمينك ع النقل ..

[أمـ الشوق ـير]

أبيات رائعه كروعة ناقله

صح لسآن شاعرها


الف شكرا يا ابو فيصل على نقلك .

[لايطول غيابك]

صح لسسسآنك &واعتلاشآنك
تقبل مروري

[وريثة المجد]

كلمآت قمة بالرووعـة..

لاهنت على الطرح

[محمد الراشد]

هذه الرائعه من القصايد الموجوده على سطح المكتب والاجمل باليوتيب بصوت عبدالله العازمي تقريبا

فضي كل عام وانت رائع

[روز]

ذائقه شعريه رآآآآآآقيه
الله يعافيك

[سالم الرشيدي]

صح السـأن شآعرها وتسلم يمين ناقلها