[شلاش]

ياسلامي سلاما" عد وبل المخيله
برقها برقها يبرق ويرعد رعدها
من بقى اللعب يلعب والحموله ثقيله
يحسب أحسابها قدام يحسب عددها

الموضوع الأصلي: أقرب شاعر مخضرم | | الكاتب: شلاش | | المصدر: شبكة بني عبس

[ابو حمد ابن عايضه]

اسمع ياشاعر

مرحبا مثلها بضبط عدله وميله

ومن يواعد بها ياشيخ يوفي وعدها

الخوي نعرفه بالطرقه الى طويله

وكان عندك دلايلها تحضر سندها

[شلاش]

صباح الخير ياللي هنا
اللي له خاطر يلعب ترى مانطق أحد الدعوى محاوره
اللي أطلعو على الموضوع 8 اشخاص
ولا واحد رد أعوذ بالله
أنا والله ودي بوضاح اليماني ولا العراقي البرمكي هذا كنهم جايزيلي مدري ليه .
على العموم بنتظر شوي أذن الله يجيب مطر وأن ماجاء مطر يجيب الله المطر .
نجلس لهم بكره على ركبه وأنا شلاااااااااشششش
طبعا الموضوع يبقى ألى بكره أذ ماأحد رد الليله

تحيـــــــــــــــــاتـــــــــــــــــــي لـــــــــكــــــــــــــم

[ابو حمد ابن عايضه]

صباح الخير ياشاعر

[شلاش]

المعذره كتبت الرد قبل اطلع على ردك

استلم وأناشلاش

البقى يالمرحب وأنت راعي جميله
مير خل المعاني سرها في بلدها
ابتدينا عسى بدرب نلقى دليله
يالله أنك توصلها بتالي جهدها

[ابو حمد ابن عايضه]

كيف أبسبقك يارع العلوم الجز يله

والحقيقه حقيقه ماندور بعدها

كل شيء على الله كثرها والقليله

ومن يشوف الحقيقة يا بشر ما جحدها

[شلاش]

أن لقيت الخبر قلي وتلقى مثيله
أثر بعض الخلايق نعمته ماحمدها
ذب يالعايضي من فوق ظهر الاصيله
المعارك طاحنه وأمك ترضع ولدها

[ابو حمد ابن عايضه]

ماندور وأركم ولاظربن المسيله.

ولانمد اليدين ولانبي مد يدها

ياشلاش انت صح الشلاش ولاخليله

نام يا جعل عينك تهتني في رقدها