[عويض بن شامان بن خلف]

عيد بن مريح × ورجالله الحربي




عيـد
يامرحبا بضيوفنا اللـي شرفونـا بالوقـوف
والناس عادتها ياطرقـي ماتخلـي اسلومهـا
عيني تطالع يارجالله مير مدري وش تشـوف
وان عدتها والله لازودكـم واغلـق سومهـا
رجالله
تسلم وتبقى ياولد مربح معازيـب الضيـوف
وانا ليا جيت العـرب عيبـن علـي ألومهـا
انا خويك في طريق الخير وأحـدود السيـوف
والا العلوم الثانيـه غابـت علـي انجومهـا
عيـد
تعرف ظروف الملعبه مابين خاطف وأمخطوف
وأضيوفنا الليله عليْـه وارمـات أخشومهـا
فريتها بسنونهـا وألينهـا حـول النصـوف
يارب لاتحرم قلوب أهـل الهـدف مقسومهـا
رجالله
تاريخك اللي من قديم الوقت ياعيد امعـروف
والناس لو خلتك في كيفك نهبـت اقسومهـا
تبغى تربع بالشـداد وزيـد حطـك بالـردوف
ومن الزعل تشمت ضيوف البيت قبل اعلومها
عيـد
تاريخنا غصبن على الحساد ياعيون الكسوف
يوم أن بعض الناس ضيقتها تزيـد اهمومهـا
قبله يبين الكيف وأنت أتمز من شين القطوف
ويوم المغازي كل قـوم امفسريـن احلومهـا
رجالله
ياعيد فيك الخير لاكنك من الخيـر أمخفـوف
وام الكباير مـن مصيبتهـا تشـق اهدومهـا
أليا خرب موترك وقف به وركب لـه بلـوف
وان خرطمت لك رز مشعابك على خرطومهـا
عيـد
حذفني الحـذاف لاكنـه يحـوذف وأمحـذوف
وانا الجنايز من فضل ربي ماحـب ألحومهـا
يقول لك راعي المثل يتفاهمون أهل الشفـوف
ترى القراده نوخـت سـوم القـراده سومهـا
رجالله
ياصاحبي مشلحك فيها خيط قطن وخيط صوف
والقوم ناشبتـن طعامتهـا علـى حلقومهـا
انا على المقفين لوحسفـت مابيلـه حسـوف
الورد يحصد ورد وأهل الثوم تحصـد ثومهـا
عيـد
السالفه طافتك ياشاطـر ولاحسبهـا تطـوف
وانا الصقور اعرف مواريها بخلـق أزقومهـا
وش هو مصيرك يارجالله كان صفقت الصفوف
يارب تستر عورت الاجواد وسـط أهدومهـا
رجالله
ماطافني علمك لاكن انت ماتقـرى الحـروف
حتى عراويكـم ليـا مـرت قريـت أرقومهـا
ان كان بتعمر ومن ضيقتك صفقـت الكفـوف
أسجد لوجه الله وصوم اربع ليالـي صومهـا
عيـد
ياصحابنا ياللي تحطون الرسايـل بالـزروف
مالي ومال الدوله اللـي مانجـح مرسومهـا
أنت تبيها يـارجالله ميـر حدتـك الضـروف
كون ادمي معك ادمي وأحفظ برمي أسهومهـا

الموضوع الأصلي: عيد بن مريح × ورجالله الحربي | | الكاتب: عويض بن شامان بن خلف | | المصدر: شبكة بني عبس

[فضي البراك]

مدرستين ..

عيد ورجا الله

عويض لا هنت ..

[عويض بن شامان بن خلف]

اقتباس من مشاركة فضي البراك مدرستين .. عيد ورجا الله عويض لا هنت ..

مرحباابوفيصل
العفوطال عمرك

[منصور العجوني]

مشكووور عويض بن شامان على النقل لمحاورة رائعه بين شاعرين غنيين عن التعريف

عيد بن مربح ورجالله الحربي

[ناصر الخياري]

فتل ونقض على الطراز القديم .
الدفن على اصوله ,,
تسلم يابن شامان ..

[الجدي1]

فتلونقض علي مستو ى

[بقاياانسان]

صح السان
الشاعرعيدورجالله