[سامي ابن قعبوب]

هذي قصه حقيقة لطالب في احدى الجامعات في الرياض


والله العظيم

انني اعرفه شخصيا لم اره في حياتي متكدر

او متضايق او مزاجه عكر او مهموم

والله لايدخل عندنا القاعه الا وهو متبسم

ومبسوط ونفسيته والله العظيم لاتقارن بغيرها

والله ماهو ملتزم يعني ماهو مطوع ولاهو الي متشدد

ولد طبيعي زيه زي اي شاب من شباب الرياض

ولكن معروف عنه مايترك الصلاه ابدا يصليها بوقتها

ومع ذلك طبيعي يطلع يروح يجي

ههههههههه يموت في شي اسمه بالوت هو صديقي مقرب

اعرفه من 17 سنه مع اني اقرب المقربين له ماعلمني انه كافل

لكني اكتشفت لما ركبت معاه السياره ونزل هو يشتري من اسواق التميمي

فتحت الدرج حق سيارته بطلع شريط بتسمع لقيت ظرف وانا طبيعتي ملقوف

فكيت الظرف وهنا صراحه صعقت اكتشفت انه كافل ثلاث ايتام وحده عمرها 18

ووحده 8 سنين ووحده سنتين والله اني بكيت سبحان اللي يسرله هالعمل الصالح

والله يناس مو باين عليه ابدا يوم رجع وركب السياره طبعاً هو مرح جدا طلع

توكس وصقعه بخشتي قال خذ واستغرب شافيني ساكت قال شفيك قلت ولد انت كافل ايتام؟

هو برطم وسكت شوي وضحك قال امممممم ايه

قلت امانه وشو اللي خلاك تسوي عمل عظيم زي كذا

قال والله السبب واحد قريت حديث عن الرسول يقول

(( انا وكافل اليتيم في الجنه كهاتين ))

واشار بيده الرسول بالسبابه والوسطى وفرج بينهما قليلاً

وقال والله العظيم ان اموري كلها ميسره بشكل ملحوظ ووالله

ان ربي ساترني ورب الكعبه ان الفلوس ماتنقصني

وابوي وامي راضين علي واقسم بالله ماقد اصعبت علي حاجه

ونفسيتي مرتاحه وكل شي نفسي فيه عندي والله انتم ماتدرون عني اقسم بلله

اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني

مهما اوصف ماراح تحسون في اللي احس فيه

فقلت له ابي اكفل زيك قال خلاص ورحنا اليوم الثاني المكان اسمه

مؤسسة مكه المكرمه الخيريه

هم لهم كذا فرع بالرياض والسعوديه وفروعهم هي

مكه+المدينه+جده+الطائف+الخرج+الدلم+الافلاج+الدمام+ الاحساء+الخفجي+

حفر الباطن+حائل+الزلفي+القصيم
والكفاله للأيتام داخل السعوديه 200 ريال

والكفاله للأيتام خارج السعوديه 100 ريال







اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه والله ماتدرون لو انهم يحجبون عنا النار

واذا ماتبي تكفل اتمنى ان تساعدني في نشر القصه لاكبر شريحه ممكنه واسئل الله ان لايحرمنا الاجر



منقووووووووووووول للفائدة

الموضوع الأصلي: طالب جامعي شوفو وش كان يسوي بالمكافئة حقته | | الكاتب: سامي ابن قعبوب | | المصدر: شبكة بني عبس

[سيف المهيمزي]

سبحان الله العظيم
جزاه الله خير الجزاء
شي طيب هذا العمل الصالح
اخوي شكراً على نقل هذه القصه التي تحمل العبر

[مهاوش]

جزاك الله خـــــــــــــــــير

على الموضوع وجعله في ميزان حسناتك

اسأل الله لك التوفيق

[؟؟ الجازي ؟؟]

مــــــشــــــالله عـــــــــلـــيــــه انـــــشـــــالله فـــي مــــــيـــــزان حــــســـناتــــــه

تـــــــســـــلم عــــلــى الــــقــــصــــه

[ناصر الرشيدي]

الله يكثر امثاله

ويكتب لك الاجر

فعلا كفالة اليتيم امر عظيم

الله ييسره لنا وييسر لنا كل مافيه خير

.

[أنكسارحلم]

سبحان الله العظيم
جزاه الله خير الجزاء
شي طيب هذا العمل الصالح
اخوي شكراً على نقل هذه القصه التي تحمل العبر

[سامي ابن قعبوب]

اقتباس من مشاركة سيف المهيمزي سبحان الله العظيم جزاه الله خير الجزاء شي طيب هذا العمل الصالح اخوي شكراً على نقل هذه القصه التي تحمل العبر

العفو أخوي ولاهنت عالمرور

[سامي ابن قعبوب]

اقتباس من مشاركة مهاوش جزاك الله خـــــــــــــــــير على الموضوع وجعله في ميزان حسناتك اسأل الله لك التوفيق

وياك ان شاء الله ولاهنت عالمرور