[عبيد دعيع القلادي]

اخواني واخواتي اعضاء وزوار

السلام عليكم ورحمة الله وبركاته

مصافحه اولا

ارجو ان تحوز على رضاكم

قالوا شجاع وقلت من نسل شجعان =وقت المعارك ما عرفنا المذله
شف الرشيدي لا عتلى صهوة حصان =رديهم ما يعرف الموت لله
وليا انتخى العبسي بزوغات الاذهان =وسود الملاثم بالفضاء زغرتله
يارد عليهم ورد هايم وعطشان =وسيف الشجاعه من جرابه يسله
كم راس قوم بالمعارك ليا بان =خلوه ربعي طايحن في محله
بني رشيد اللي لهم بالفخر شان =ياسعد منهو باللقاء عزوتله
وسامة الكفه عن الضيم مزبان =من ضاق يزبنهم ولاحد يذله
تلقالهم في عالي المجد مسكان =قبيله رؤس المعالي تحله
تلقى مجالسهم شباب وشيبان =وساع الصدور ويطلقون (الاهله )
تلقى الكرم في داخل البيت عنوان =سمن الشحم والعود الازرق ودله
والجار جار البيت معزز ولا يهان =نفنى ويفنى ما سمع ربع زله
خويهم ما دام معهم كحيلان =حلو النباء وقلوبهم مسكنله
خوة رشيدي موثقه بكل الأوطان =خوةرشيدي والخوي مانمله
مدحي لربعي ما ازعل فلان وفلان =ياغير من في داخل الكبد عله
يكفي قليل الهرج والعلم نيشان =لحصر المزايا ما تكفي مجله
وصلاة ربي عد همال الامزان =وعداد ما في الكون دقه وجله
على رسول الهاشمي نسل عدنان =ارسل بدين الحق والدين كله

(الاهله) رمزيه للأحجه (يطلقونها فرحاْ باالضيوف)

والسلام عليكم

بقلم : عبيد دعيع القلادي

الموضوع الأصلي: بني رشيد الي لهم باالفخر شان | | الكاتب: عبيد دعيع القلادي | | المصدر: شبكة بني عبس

[ابواثنين]

مدحي لربعي ما ازعل فلان وفـلان

ــــــــ ياغير من فـي داخـل الكبـد علـه

صح السانكـ اخوي عبيد

[برق الوسم]

‏عبيد دعيع القلادي
صح لسانك
قصيده جزله من جزل
تسلم على نقلها لنا
واسمح لي بنقلها للمكان المناسب
تقبل مروري وتقديري

[عبيد دعيع القلادي]

[quote=ابواثنين;1081221]

مدحي لربعي ما ازعل فلان وفـلان

ــــــــ ياغير من فـي داخـل الكبـد علـه

صح السانكـ اخوي عبيد
[/quote]

ابوا ثنين

صح بدنك

وتقبل تحياتي

[عويض بن شامان بن خلف]

صح للسانك ونعم

[نبيل العرعري]

صـــــ لسانك ـــــــــــــــــح

[منارة الذئاب]

صح السانك على القصيده الجزله تقبل تحياتي دمت بود ........

[مرشدالمظيبري]

صح السانك على القصيده الجزله تقبل تحياتي دمت بود ........