[الدكتوور]

السلام عليكم ورحمة الله وبركاته


انقل لكم قصيدة الشاعر سالم سلمان بن معاود بن حمد الجلادى الرشيدى اللى اطلق عليه لقب شاعر رابطة عبس العالمية والتى القاها فى حفل قبيلة الجلادان من بنى رشيد على شرف رابطة عبس العالمية الذى اقيم فى المملكه العربية السعودية فى مدينة الحليفه فى شهر 3 - 2010 بحضور شيوخ ووجهاء وابناء قبيلة الرشايدة ورئيس رابطة عبس العالمية المهندس مبارك فهد الدويله وأمين رابطة عبس الدكتور عبدالله سعد العويمرى

وهو الحفل اللى اقامه شاعر المحاوره والنبط الاديب الشيخ رشيد بن معدى بن حمد الجلادى فى شهر 4 - 2010 فى مدينة الحليفه

وشاعرنا من الشعرااء الشباب وموهبة شعرية صاعدة بثقة وقوه وقد اعترفوا بشاعريتة من فحول الشعر فى القبيلة فى شعر المحاوره والنبط كالشاعر رشيد بن معدى الجلادى (0 ابو معدى )) وعمه الشاعر سليمان بن معاود الجلادى (( اخو سلمى )) وشاعر عبس عيد بن مربح الجلادى (( ابو غريب )) وقد جاء ذكرهم بالقصيدة وكذلك اثنى عليه الشاعر المبدع جمعان خلف المظيبرى الرشيدى (( ابو خليفه )) فى احدى قصائده

فنقول للشاعر سالم سلمان ما شاء الله عليك على الشاعرية والالقاء الجيد والحضور المميز فى الاحتفالات وهذى القصيدة انقلها لكم وانتظر ردودكم عليها ورايكم وان وجدت اليوتوب نقلته لكم


يا خاطري لا هنـت ساعدنـي تفضـل وأنسجـم
عليـك نحـت القافيـه وأنـا أعتمـد موالـهـا

وأبنصحك لو ماني اكبـر منـك سـن ولاعلـم
أكسب رضا ربعـي وشاركهـا بكـل أحوالهـا

وأعرف ترى الهدات والفرصة مهـي كـرة قـدم
أن جـاءت بالمرمى وإذا ما جاتبـه يثنالـهـا

ويا خاطري لا تحسب إن المعرفـة سرحـة غنـم
أمـا تجـي مـن خلفـهـا والا بـعـد تبرالـهـا

ابعد عـن دروب الملامـه وابتعـد ميـة قـدم
والحفلـه اللـي ما تشـرف عبـس لا تسعالـهـا

ويالله علـى حـظ يوصلنـي ليـا رأس الـهـرم
والا ذلـول الشعـر مبطـي ما ثنيـت أعقالـهـا

وخليتهـا طلـق القيـاد وكـل ممشاهـا سلـم
وحملتهـا حملـة قصيـدي أخفافهـا وثقالـهـا

ورشيد رشحنـي وعمـي قـال سلـم وأستلـم
وأبو غريـب أرخالـي الخزنـة وفـك أقفالهـا

اخذت درع الحرب والخـوذه وسيـف المعتصـم
واصبحت جندي في مضارب عبس ومـن ابطالهـا

وكفً مسكت إبها القمرواخرى مسكت أبها النجم
والارض لا حليـت فيهـا أسترسلـت زلزالـهـا

وبسم الله أبدا واعتصـم وأبليـس مكسورالعلـم
وأبعتزي بشيوخ عبـس اللـي أفتخـر بفعالهـا

وفجرت في عدوان عبس ألـف وثمانميـة لغـم
ودون القبيلـه كـل شاعـر حيلتـه يحتالـهـا

واخواني الشعار كـل لـه مـن العليـا قسـم
لكن هـذي الحملـه اللـي لازم أنـي أشتالهـا

والليلـه مكلـف بشغلـه واتـشـرف وألـتـزم
وكـل الجـلادان ألزمتنـي كبارهـا وأشبالـهـا

كلً يقول أوقف على المنبر وقـل يأهـل الكـرم
الله يحييـكـم تحـيـه عـالـيـه منـزالـهـا

الله يحيـي كـل رجـالً يحضـر أليـا عـزم
حيـاكـم الله يا وجـيـهً ما كرهـنـا أقبـالـهـا

يا مرحبـا الترحيبـه اللـي فوقهـا حبـة خشـم
ترحيبـة(ن) بأسـم الجـلادان الـجـلادي قالـهـا

قال الرسـول أليا دعيتم فأستجيبـوا مـن فهـم
سبحـان ربً يجـزي الحسنـة بعشـر أمثالهـا

قمنـا نتبـادل هالزيـارة مـع كبيريـن الهمـم
أعيـال عـم أن ما وصلـت لديارنـا رحنالـهـا

وهذا بفضل الله مهي خطـه ومرسومـه رسـم
ثـمً بفضـل الرابطـه واللـي قـدر يعنالـهـا

رحنـا ثمـان أوفـود ما فينـا حنـادي ولارخـم
احـرارً تسبـق الصيـده عـلـى مقيالـهـا

بقيـادة الدكتـور عبـدالله سعـد وميـه نـعـم
دجنـا علـى دار البشيـر سهولهـا وجبالـهـا

وأستاذن الجمع الغفير أبخص لـي وفـد شهـم
وشيوخ عبس الحاضره محـدً نقـص مكيالهـا

بحضورهم كل القصايـد مـن خفوقـي تنصـرم
ماهو لـزوم أنـي أتفطنهـا تجـي مـن حالهـا

شيوخ عبـس أجبـال شمـخ راسيـه ماتنهـدم
وحنـا بخدمتهـم ليـا دار الـرشـا محالـهـا

وأيا رشيدي موقعـه موقـع عقالـي ومحتـرم
لكـن أبا احـيـي ضـيـوفً مبـعـدً منوالـهـا

الله يحيي من حضـر واصحابنـا واهـل العـزم
وربع(ن) من البارح مـع الطرقـه تشـد أرحالهـا

والله يحيـي عيـال مظبـر وما نخـص الانعـم
وكـل الضيـوف أحشـام والدلـه درج فجالهـا

وحييت يا وفـد الكويـت ولا تعـبـت ولا نــدم
رجـلا ليا جتـه العزيمـة مـن طرفنـا جالهـا

أهـلا هـلا بـك يا الدويلـه والقصايـد تلتحـم
وعلاقتـي مـع كـل طيـب ما تقـص احبالهـا

أنهض على عظامك وخلك ذيـب يمـال الشحـم
وأخذ التحيـه مـن يمين ما تخـون أشمالهـا

أنتـه مبـارك بالفعـل وأنتـه مبـارك بالاسـم
الله مخيـر بالاسامـي وأنـت أخـذت أجلالهـا

حييت ياللي أهديتني بشتـك فخـر مـدري دعـم
نزلتهـا مـن متنـك السامـي ومتنـي شالهـا

حييت ياللي لا نخيتـك كـن فـي رأسـك نسـم
مهبـول طيـب وكـل حملـه كايـده تقوالـهـا

والله يجملني وربعي أهـدي لهـم حبـة خشـم
والحفله اللي ما تشرف عبـس عيـب اسعالهـا





ودمتم بالف خير


الدكتـور

الموضوع الأصلي: شاعر رابطة عبس العالمية سالم سلمان الجلادى الرشيدى | | الكاتب: الدكتوور | | المصدر: شبكة بني عبس

[سعد بن عادي]

سالم من الشعراء الشباب الذي اثبت وجوده في فترة وجيزه جدا .

شاعر متمكن بكل ما تعنيه الكلمه من معنى وشهادتي في صديقي مجروحه .
وسيكون معنا في الشبكه قريبا في اللقاء مفتوح مع جمهوره ومحبي الشعر

الف شكرا لك يا ابو شايم على نقلك والشاعر والقصيده تستحق من ينقله انا اشهد .

ودمتم كما تحبون

[كشاف]

صح السان الاخ سالم شاعر وصاحب كلمة

[فضي البراك]

أنتـه مبـارك بالفعـل وأنتـه مبـارك بالاسـم
الله مخيـر بالاسامـي وأنـت أخـذت أجلالهـا

حييت ياللي أهديتني بشتـك فخـر مـدري دعـم
نزلتهـا مـن متنـك السامـي ومتنـي شالهـا



كفو .. كفو ..

شاعر جزل ..

[اللهب]

ماشاالله
صح السان الشاعر سالم
شاعرعلم عسا الله يوفقه
والشكر الك يادكتور على النقل