[الاجهر]

حبيب العازمي

سلام الله سلام فيه تمريـره وضربـت راس يمر الباب الاول ويتمركـز داخـل الثانـي

انا اشوف الثبيتي قام يضرب بي جموع الناس على جرة جمـوع النـاس عنيتـه وعنانـي

مطلق الثبيتي

هلا يامرحبا ترحيب مثل الكهربه والماس ليا مني شبكت سلوكها طـاح العريبانـي

ترجالك سعد لكن من دونه قوي البـاس ولاتنفع عصى موسى ولا خاتم سليماني

حبيب العازمي

ليا راحت علومـك كلهـا حبـر علـى قرطـاس على راسك يبى يجذب عواهـا الذيـب سرحانـي

مضى وقت مضى واهل القضى بين الرجى والياس وصحـه وحـده تقتـل لهـا تسعيـن نصرانـي

مطلق الثبيتي

انا ماهمني ضحكة جحا وهروج ابو نواس اعرضها على صفق الهوا حتـى تعدانـي

لو ان الرجل يستاهل صناديق الذهب لاباس لكنه واحد جاهل واعـده مثـل ورعانـي

حبيب العازمي

يهمك مايهمك ليش يامطلـق طبخـت الفـاس وانا خابرك تعرف منزلة غامـد وزهرانـي

انا الشاعر وانا الماهر وانا السابح وانا الغطاس وانا اللي لـو تدرهـم يالثبيتـي مـا تعدانـي

مطلق الثبيتي

انا ما اكره تدوس الجمر لو الجمر ما ينداس وصدر لانشوفك بين اهل رابغ وعسفانـي

تنوش مسجد الهادي ودور مسجد العبـاس مدام انك سواتي مكتسـي منتـه بعريانـي

حبيب العازمي

انا ما ابغاك تلبس للعلوم المخطيات الباس وحنا ما نفتش في بضاعة كـل دكانـي

بنينا البيت يامطلق وجودنا جويد الساس ولن رحنا ولن جينا على عز وسلطانـي

مطلق الثبيتي

تفتش في الشجاري والغصون عروقها يباس ليا جاها المطر دور لها خـوخ ورمانـي

انا ابشر فريق مايسلي مايشـوف الكـاسوكنه ياطويل العمـر ماجيتـه ولا جانـي

حبيب العازمي

انا ماني بطامع في مطرها وانته العسـاس لو انك شارب الما تجي وتقـول ضميانـي

صدور الناس ما تسلم من الوسواس والخناس عسى ربي من الوسواس والخناس يحمانـي

مطلق الثبيتي

ليا عمست علينا ياحبيب جعلهـا تنحـاسوانا مابكي على شانك ولا تبكي على شاني

ولا يازينها من يوم حرق البن في المحماس ليا شبيت نار الحرب من زندي وصوانـي

حبيب العازمي

تصرف في قروشك كلها واعلـن الافـلاس ولا تقعد سوات ابليس بيـن فـلان وفلانـي

ولا يلي تبل الـراس دل الـراس للامـواس هذا الموس الحديد اللي يقص الروس من داني

مطلق الثبيتي

انا عندي ذهب صافي وعندي فضـة ونحـاس لكنـك ياحبيـب ماتحصـل نـص ديـوانـي

بعد حطيت بعض الروس بين الناب والاضراسابقضمها واجر الصوت بكـره بيـن عمانـي

الموضوع الأصلي: انا الشاعر و انا الماهر و انا السابح و انا الغطاس | | الكاتب: الاجهر | | المصدر: شبكة بني عبس

[فلاح الرشيدي]

مشكور على النقل الرائع شعراء كبار ومن أروع
محاوراتهم مبدع ياخال

ولك مني أجمل تحيه

[ناصر خنيفر]

مشكور على النقل يالاجهر

[خاتم الرشيدي]

نقل رائع لاهنت يابو سعود

[(ابوعواض)]

مشكور على النقل الرائع شعراء كبار ومن أروع
محاوراتهم مبدع ياابوعبدالمجيد

دمت بخير

[خطاف الشعار]

محاورة تشبه لمحاورتي مع ابن جوهر هههههههه

مشكور يابو سعود

[ابو ريان الرشيدي]

تسلم على النقل

[عازف]

ياولد حبيب كارثه من قديم الزمان مسوي سواه بالثبيتي
الله يرحم ملطق ويبقي حبيب