[يوسف الصامل]

حبيب

سلام الله عليكم يا هل العوجاء هل التوحيد

سلاطين الرجال الللي تشرفهـا مواقفهـا

ابن ريفه فرد سجادته يبا يصلـي العيـد

وقبل ان الامام يكمـل الخطبـه تلحفهـا









القرقاح

هل العوجاء ولاهم معتقد ومشاهدتهـم فيـد

هلا يا مرحبا ترحيبة مـا احـد يوصفهـا

تبا تعرف هدف صاحبك ابن قرقاح بالتحديد

رضا ال سعود ولا شوفة الشعـار عايفهـا










حبيب

ترا ماكل قناص قنص يقدر يصيد الصيد

ياراعي الصيده اللي روحت وانته تلاقفها

يارجال اذكر الله ثم هات العلم بالتاكيـد

وروحك بعد هاذي بالمشاكـل لاتكلفهـا










القرقاح

بعير عن لزومه مايجوده الرسن والقيـد

وبعير لو يورا ديرته ماهـوب شايفهـا

مادام انك معافى لاتصك الحيد فوق الحيد

تقويهـا نقويهـا تضعفهـا نضعفـهـا










حبيب

لو ان الامر مثل اللي تقوله ماتصير وحيد

ولكـن المجنـن ماتريـح لـو تكتفـهـا

ولا يازيد علم عمر ولاياعمر علـم زيـد

مطاوعت الزمن هذا خطرها في مصاحفها









القرقاح

انا قربت عند الوجه الابيض وانت رحت بعيد

ياليتك جيت في تاج الجنوب احلا مصايفهـا

تبا تقـرا كتـاب الله لازم تـدرس التجويـد

ولا تنقد يكون اهل التطـرف فـي تطرفهـا









حبيب

انا لو جتني الدعوى وصلته لو في مدريد

لكن انته يابن ريفه على الريحه تخطفها

بغيت تشدد العتبان والمطران بالتهديـد

واثرها كلمتن دايم على لسانك مطرفهـا









القرقاح

تقوله والعرب يدرون وش ملهيك ويش تريد

ثلاث شهور واللي يلحـق الخلفـه يعطفهـا

انا احارب على وضح النقا ماني بعرف الكيد

ولي عزوه مواقفهـا الشريفـه مـا تسلفهـا









حبيب

تحسب المشترا بالكاش مثل البيع بالتقصيد

ولو عندك طماعه لو بالغصب انتناصفها

صحيح العمر يفنى يالعبيدي والثياب تبيد

ورجلـن مايجينـا بالحقيقـه لايولفـهـا









القرقاح

طماعتنا رضى اللي يكسبون المجد والتمجيد

لك الله ماتصـرف ياحبيـب لـو تصرفهـا

عسى ربي يعز اللي على زود الظروف يزيد

للاه اهل المواهب ماتحصل مـن يوضفهـا









حبيب

على الله يا نصيبن تجمع الفاسق مع العربيد

مايبقى الا الرموش اللي على عيوني تنتفها

ياكثر الخير مير النفس ماتقنع بشي زهيـد

وهذا من شقاهـا لاتحسـب انـه يسعفهـا









القرقاح

ياكبر الكلمه اللي حرها يلحق رضيع الديد

امين المكتبه لو شاب راسـه مايصنفهـا

ترا اللي ميده فعله ماهو محتـاج للتاييـد

وعند الله كل الخلق منشـوره صحايفهـا

الموضوع الأصلي: حبيب العازمي وفلاح القرقاح | | الكاتب: يوسف الصامل | | المصدر: شبكة بني عبس

[اخو عبده]

شكرا على نقل هذا الطاروق الي اكثر من رايع
بين
حبيب العازمي % فلاح القرقاح

[ناصر الخياري]

تسلم يايوسف ..
صح لسان الشعاار ..

[لحظة هدوء]

يعطيك الف الف الف عافيه يالغلا

على المجهود الطيب اللي تبذله في هذا القسسم


لاعدمناك