[جمعان خلف]

أحبتي في شبكة بني عبس ( قلعة المجد والتاريخ )
السلام عليكم ورحمة الله وبركاته ,
وكل عام وأنتم بخير بمناسبة حلول عيد الاضحى المبارك أعادة الله علينا وعليكم بالخير والمسرات 00 إليكم هذه القافلــه 00

القلم والثلات وصفحة الكتاب = وفكرةٍ من صميم الراس بكتبها
في يميني حبيس مجوّد المقضاب = بين روس الثلاثه مايفوز ابها
هو ملاذ المشاعر لامطرت سحاب = ريشته من هواجيسي بخضبها
للهواجيس باب ولظروف اسباب = واختلاف الاوادم في مذاهبها
هاجسي بالمحاني شرّع الابواب = البعيده عن عيوني يقرّبها
يازمان المصالح مبعد الاقراب = النفوس العزيزه ليه تتعبها
اكثر الناس يشكي حرقة الاعصاب = من بعض ناس ماقامت بواجبها
وقتنا غيّر الاحباب والاصحاب = الموازين قام الوقت يقلبها
اشقر الريش وكره صار فيه اغراب = والذيابه تعشتها ثعالبها
والحياه اصبحت صعبه وفيها انشاب = عقدوها عبادٍ ضاع مدبها
مدعين المعرفه ناقصين أداب = ناسٍ اعمت بصايرها مكاسبها
والليالي تدور ولشهور احساب = والبشر فوقها الخالق يحاسبها
ومن عطته الليالي درس راسه شاب = الليالي تشيّب من يجربها
ومن بحث بالتراث وسيرة الاعراب = ينصف الناس وإلاّ لايقرّبها
الحقيقه مثل نارٍ على مرقاب = واضحه شمسها محدٍ يغيبها
وكلمة الكذب ثلجٍ فوق سطح تراب = الحقيقه تذوبها وتذهبها
مايحرّف رسومٍ ماضيه كتّاب = لو كتب قاصر اليمنى ورتبها
النقوش القديمه في زمانٍ غاب = باقيه بالصخر لو مات كاتبها
بصمة الحق تبقى لو حجبها حجاب = الرواسي شواهد يامكذبها
مالتفت للحقود ولاسمع الكذاب = القوافل تسير وخاب طالبها
الجبل مايهزه راعي المشعاب = والاوادم يموت اللي يراقبها
ولو فتحنا مجال السلب والايجاب = المحاكم تبي تكثر طلايبها
ولو قراء عنتره في دفتر الانساب = كان يلحق بني تغلب ويغلبها
عندي الرد ياللي تطلب الجواب = مزنة الفكر هماله سحايبها
من يبي يعرف الاخبار والاسباب = ياخذ السالفه من راس ناسبها
قاله اللي اليا منه فعل ماهاب = دون حقه ولو قامت حرايبها
يعطي الحق من نفسه بدون عتاب = والنفوس الخبيثه مايصاحبها
مطلبه بالحياه مشاهد الاحباب = والاحبه تجمّع مع حبايبها
كل عينٍ تمنى عودة الغيّاب = بشروا عين غايب شوف غايبها
كل مافاح من نفح البخور اطياب = ذكّر النفس نفح اطياب طيبها
كل ماشفت من جول الحما اسراب = قلت عنده رسائل خير جايبها
كل ماشفت ذات الظفر والمخلاب = قلت هاذي مرض نفسي سبايبها
كل ماقلت ابا افتح صفحة استجواب = بين نفسي وبين احداث مغضبها
قلت بعض المباني ساسها خراب = الخساره على ناسٍ تعيش ابها
وكل ماقلت وين الاجر والثواب = شفت عين الغضب من فوق حاجبها
بين حكم الحياه وبين داب الغاب = الحياه اصبحت محدٍ يواكبها
التناقض غريب وضاعوا الطلاب = في حقول التجارب يامدربها
من تدرب على علم المراجل طاب = اكرم اللحيه اللي طال شاربها
ومن تعوّد على درب الخيابه خاب = لايفرّح نفوس ولايغضّبها
والتوافيق عند الواحد الوهاب = لكن النفس تبغى من يحاسبها

جمعان خلف الرشيدي

الموضوع الأصلي: القـــوافــــل تسير ؟؟؟ | | الكاتب: جمعان خلف | | المصدر: شبكة بني عبس

[ابو محمد العريض]

اليونـــانية :افخريستو بولي
بالصـــــــــــــينية: راخ مت
بالاسبـــــــــــانية: جراتسي
بالايطــــــــــالية: جراثياس
بالحبشـــــــــية: اميسكانالو
بالانجليــــــــــــزية: ثانكس
بالفرنســـــــــــــــية:مغسي
بالألمانية : Danke دنكــه
بالتركية : تشك تشكر ادارم.
بلغــــه الام: شكــــــــــــــرا

[عبدالله المظهور]

جمعان خلف .. الشاعر العلم

مثل ماقال اخوي/ ابو محمد العريض
اشكرك بكل لغات العالم .
واكتب لك بكل اقلامهم على جميع دفاتهم لأعبر لك عن اعجابي بهذه الشامخه.

وكلمة الكذب ثلجٍ فوق سطح تراب .... الحقيـقـه تذوبـهـا وتذهـبـهـا .... <==== بيت راقي جداً .
والقصيده كلهاااااا على بعضها شاااامخه .

ابو خليفه .. شكرا لك .. ايها الشاعر الكبير .

تقبل تحياتي وفائق احترامي وتقديري .

[خاتم الرشيدي]

اقتباس من مشاركة جمعان خلف أحبتي في شبكة بني عبس ( قلعة المجد والتاريخ ) السلام عليكم ورحمة الله وبركاته , وكل عام وأنتم بخير بمناسبة حلول عيد الاضحى المبارك أعادة الله علينا وعليكم بالخير والمسرات 00 إليكم هذه القافلــه 00 القلم والثلات وصفحة الكتاب = وفكرةٍ من صميم الراس بكتبها في يميني حبيس مجوّد المقضاب = بين روس الثلاثه مايفوز ابها هو ملاذ المشاعر لامطرت سحاب = ريشته من هواجيسي بخضبها للهواجيس باب ولظروف اسباب = واختلاف الاوادم في مذاهبها هاجسي بالمحاني شرّع الابواب = البعيده عن عيوني يقرّبها يازمان المصالح مبعد الاقراب = النفوس العزيزه ليه تتعبها اكثر الناس يشكي حرقة الاعصاب = من بعض ناس ماقامت بواجبها وقتنا غيّر الاحباب والاصحاب = الموازين قام الوقت يقلبها اشقر الريش وكره صار فيه اغراب = والذيابه تعشتها ثعالبها والحياه اصبحت صعبه وفيها انشاب = عقدوها عبادٍ ضاع مدبها مدعين المعرفه ناقصين أداب = ناسٍ اعمت بصايرها مكاسبها والليالي تدور ولشهور احساب = والبشر فوقها الخالق يحاسبها ومن عطته الليالي درس راسه شاب = الليالي تشيّب من يجربها ومن بحث بالتراث وسيرة الاعراب = ينصف الناس وإلاّ لايقرّبها الحقيقه مثل نارٍ على مرقاب = واضحه شمسها محدٍ يغيبها وكلمة الكذب ثلجٍ فوق سطح تراب = الحقيقه تذوبها وتذهبها مايحرّف رسومٍ ماضيه كتّاب = لو كتب قاصر اليمنى ورتبها النقوش القديمه في زمانٍ غاب = باقيه بالصخر لو مات كاتبها بصمة الحق تبقى لو حجبها حجاب = الرواسي شواهد يامكذبها مالتفت للحقود ولاسمع الكذاب = القوافل تسير وخاب طالبها الجبل مايهزه راعي المشعاب = والاوادم يموت اللي يراقبها ولو فتحنا مجال السلب والايجاب = المحاكم تبي تكثر طلايبها ولو قراء عنتره في دفتر الانساب = كان يلحق بني تغلب ويغلبها عندي الرد ياللي تطلب الجواب = مزنة الفكر هماله سحايبها من يبي يعرف الاخبار والاسباب = ياخذ السالفه من راس ناسبها قاله اللي اليا منه فعل ماهاب = دون حقه ولو قامت حرايبها يعطي الحق من نفسه بدون عتاب = والنفوس الخبيثه مايصاحبها مطلبه بالحياه مشاهد الاحباب = والاحبه تجمّع مع حبايبها كل عينٍ تمنى عودة الغيّاب = بشروا عين غايب شوف غايبها كل مافاح من نفح البخور اطياب = ذكّر النفس نفح اطياب طيبها كل ماشفت من جول الحما اسراب = قلت عنده رسائل خير جايبها كل ماشفت ذات الظفر والمخلاب = قلت هاذي مرض نفسي سبايبها كل ماقلت ابا افتح صفحة استجواب = بين نفسي وبين احداث مغضبها قلت بعض المباني ساسها خراب = الخساره على ناسٍ تعيش ابها وكل ماقلت وين الاجر والثواب = شفت عين الغضب من فوق حاجبها بين حكم الحياه وبين داب الغاب = الحياه اصبحت محدٍ يواكبها التناقض غريب وضاعوا الطلاب = في حقول التجارب يامدربها من تدرب على علم المراجل طاب = اكرم اللحيه اللي طال شاربها ومن تعوّد على درب الخيابه خاب = لايفرّح نفوس ولايغضّبها والتوافيق عند الواحد الوهاب = لكن النفس تبغى من يحاسبها جمعان خلف الرشيدي

صح السانك وعلى شانك شامخه من راس شامخ بيض الله وجهك
وتقبل خالص الو وتقدير

[جمعان خلف]

الاخ أبو محمد العريض

اشكرك بلغة العرب والمسلمين على كرم المتابعة

وكل عام وأنت بألف خير ,

تقبل فائق الاحترام

[جمعان خلف]

عبدالله المظهور عبدالله المظهور عبدالله المظهور
وش ارد عليك أشكرك نعم أمدحك نعم أدعو لك بالتوفيق و رحمة الوالدين نعم
وأنت من العايدين نعم وكل عام وأنت بخير نعم , بماذا بعد ؟؟ احترت بسيل المشاعر الصادقة هناك جمل ومفردات ومشاعر ودي اترجمها ولكن كيف , ؟؟؟

بأختصار أخجلتني بماتكتب عني ولن أصل لكرمك وطيبك ولكن تقبل بعضا من ماكتبته عني ,
شكرا شكرا شكرا اخيك ومحبك الصغير ( جمعان )

[جمعان خلف]

الاخ العزيز خاتم الرشيدي

اسعد الله أوقاتك بالخير والمسرات وكل عام وأنت بخير

شكرا لك والف شكر على كرم المتابعة

تقبل تحياتي

[بنت النور]

صح لسانك يالشاعر قصيده رائعة
تقبل مرورى