[((أصعب انسانه))]

تدري وش اللي يجرح القلب جرحين
..................ويمد حبـل الحـزن فيـك ويشـدة

انك تناظر طفل مـن غيـر ابويـن
.................يمشي ودمعـة سايـل فـوق خـدة

منظر صعيب ويقسم القلـب قسميـن
................لا قـام يمسـح دمعـة بكـف يـدة

يمش ولا يدري طريقة علـى ويـن
...............لين التعب من كثـر مـا تـاه هـدة

اثقل حـروف يشيلهـا فيـة حرفيـن
...............لا أب يـدريـبـة ولا أم تـــردة

في خطوته رحلـة ودمعـة وسكيـن
................وحـظ توسـد بالمراسـي مـخـدة

جيت اسألـة بالله قللـي ولـد ميـن
...............وبغي يجاوب وختنـق صـوت ردة

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـدة

وطعم الطفولة ما عرفته لهـا لحيـن
.............وثوب السعادة صـرت مانيـب قـدة

ابكي إلى من شفت غيـري سعيديـن
................ليـن البكـا فينـي يوصـل لحـدة

واقفي ورحت امسح دموعي من العين
...............وعيني تناظـر دمعتـه فـوق خـدة

وهذا اللي يجـرح القلـب جرحيـن
..............ويمد حبل الحـزن غصـب ويشـدة

تحياتي لكم.

الموضوع الأصلي: تدري وش اللي يجرح!!!! | | الكاتب: ((أصعب انسانه)) | | المصدر: شبكة بني عبس

[بنساك]

اصعب انسانه ابيات في قمة الروووعه
ابيااات تحكي معااناة جزء لا يتجزء من المجتمع
احساس راقي وابيااات معبرره
تقبلي مروووووري

[نبض الامس]

.
.



واقفى ورحت امسح دموعي من العين .. وعيني تناظر دمعته فوق خـده

قصيدة رائعة ودمت سعادة بلا حزن
أصعب انسانة مذهل الحرف معك

[عيد الداموك]

الله عليم بخلقه وهو رزاق عباده

قصيده من جد حـــــــــــــــــــزينه

[مسافر بلاعنوان]

بما انها من اختيار اصعب انسانه


فانا اقول صح لسان شاعرهاً اولاً وسلمت بنان ناقلتها لنا


فهي بالفعل قصيدة عصما فيها من الزخم الشعري ما أن لن نوفيه حقه


مسافر بلاعنوان

[كاتب الرشيدي]

الصعب انسانه

شكراً لك على النقل

وللمعلومية القصائد المنقوله مكانها ( منتدى عيون الشعر )

تنقل لمكانها

[سعيد عيد الرشيدي]

أصعب انسانه
نقل موفق
شكراً لكِ

[((أصعب انسانه))]

يعطيكم الف الف عافيه الله لايحرمني طلتكم وذوقكم بما اختار تقبلوا مني خالص الود