[النمر1012]

ياسوايا القيظ والصمان والنفس الشقيه
وش حصل للي على وسق الذلول وويش سوّى
راح بيضوي من الصمان ليلى العامرية
وغير همّ وضيقةٍ تفري ضلوعه ماتضوّى
وأسعفه ربه وانا عودت وكفوفي خليه
عقب ماهو يشتكي من ظلم وقته ويتزوى
احسب ان عندي على جور الليالي مقدريه
ومرهي اني من سنام الوقت بطبخ واتشوَى
لا؟ واقول ان ماضوت حوَى سلم راس المطيَه
مادريت انَه لحق راس المطَه راس حوَى
ليلة البارح هواها صلف مابه قابليه
واوجود اللي تمر وفي صدارتها تبوَى
واللة انها اشد واقسى ليلةٍ مرت علية
لوبدى فيها البدر نصف الشهر ماكان ضوى
صفقها فالصدر وضلوعه مثل صفق بردية
تقبل وتدوي مثل صوت الرعد لقبل ودوى
والزمان اللي كل الراعي وقفاه الرعيه
عاده اجويع وضمان ولا شبع ولا تروى
والسهر سلم علي باسمي ورديت التحيه
واعتبر نفسه من البارح خويٍ لي وخوى
وانت ياللي ميسمك تحت الجمر والنار حيه
مابقى ضلعٍ من ضلوعي بناره ماتكوى
والله اني كنت اقول انك من الخالق هدية
عندي ان ابليس لو يغويك مرة ماتغوى
وش حصل في ذمتي ماني بداري لك وليه
ودي انسى ماحصل واطويه كانه بيتطوى
غير امانة كانك مقفي مقفي لد فيه
خل قلبك يستمع لي دامه معزم ونوى
يالخوي اللي مايشكي من قسا الدنيا خويه
لاتخليني من الضيقات والهم اتلوى
لو اقول اني على احسن حال وعزومي قويه
والله اني مونسٍ حر الجمر غير اتقوى



حمد بن صالح

الموضوع الأصلي: يالخوي اللي مايشكي من قسا الدنيا خويه لاتخليني من الضيقات والهم اتلوى | | الكاتب: النمر1012 | | المصدر: شبكة بني عبس