[(الفارس)]

تكفون يابني رشيد ابي القصيدة اللي منها هذا البيت

هذي مرابط خيلهم كنها اليوم .... حجل اليدين ملاعبات اللجامي
كامله ... ومن قايل هذا القصيدة

الموضوع الأصلي: تكفون يابني رشيد | | الكاتب: (الفارس) | | المصدر: شبكة بني عبس

[(الفارس)]

اخواني انا طرحت الموضوع ولم اجد رد منكم

وحبيت اذكركم بان قايل هذا القصيدة احد قبايل بني رشيد عندما نزحو للسودان

[سلووم]

اهلين وسهلين فيك
يحبيب مالك غير تروح الشيبان
خاصه من هو شاعر او يحفظ شاعر
الانه بصرحه قديمه مراءه
والو تسال الرشايدة السودان يكون
احسن الكــــــــــــ

[ذيب الزبون]

تكفون يابني رشيد وفي النهايه تنخانا على معرفه قصيده

انخنا على شي كبير ماهو على قصيده

تفضل هذي القيصده

امس الضحا عديت في راس مزموم
تومي بي الارياح شرق وشامي
ماكر حرار مايكور به البوم
كود العقاب الصيرمي والقطامي
ابكي هلي ياناي مانيب مليوم
وظن من يبكي هله ما يلامي
ماهو على غرو من الدق ماشوم
على الشيوخ متيهين الجهامي
من طاوع الثنتين يصبر على الوم
يصبر على فرقى الاهل والعمامي
هاذي مرابط خيلهم دايم الدوم
حقب العيون مروبعات الهوامي
يركب عليهن باللقا كل شغموم
من ربعي اللي ماوطوا بالملامي
علمي بهم شدوا من الوادي ابو دوم
مستجنبين مطيرات العسامي
وخلاف ذا ياراكب فوق منسوم
يقطع قراريص الرسن والخطامي
ملفاك عمي ناقل الغيظ والزوم
زيزوم قوم كالجراد التهامي
ودوا سلامي عدا مافات من يوم
بكتاب مني يالوجيه الكرامي
بسجله صفحة من الحبر مرشوم
لم العمام انهيت غاية كلامي
لكم اشتكي من ضيم الايام وهموم
ومثلك لعين اللي شكا له يحامي

قصيدة مسعود عبد مشعان

ملاحظه توجد الكثير من القصايد على نفس بحر وقافيه هذه القصيده وممكن تكون قصيده الرشيدي غير هذه القيصده

[(الفارس)]

ذيب الزبون بيض الله وجهك
والقصيدة ماهي نفس القصيدة التي طلب
و بالنسبة لي القصيدة هذا تسوى الشي الكثر عندي ... والله يعطيـك العاااافيه على مجهودك تحـــياتي لكـ

[(الفارس)]

اقتباس من مشاركة ولد شويلع اهلين وسهلين فيك يحبيب مالك غير تروح الشيبان خاصه من هو شاعر او يحفظ شاعر الانه بصرحه قديمه مراءه والو تسال الرشايدة السودان يكون احسن الكــــــــــــ

ولد شويلع الله يعطيك العاااااافيه

[النمر1012]

اخوي الفارس الله يعطيك العافيه للي عندي صح اللسان شاعرها وقصيده قديمه والله ياخوي اتعبت الشايب القوقل والشيبان اللي عندي واللقيتها من تشره بكل منتديات بني الرشيد البيت ولم لقاء له تكمل وبس عاد لون الجواز معي مسموح السفر كان سفرت السودان والجبتلك خبر
وعذر والسموحه ياخوي والبعث الجاري بمعاجم وكتب عسى نلقاء الشي

[(الفارس)]

اخوي نمر1012 بيض الله وجهك ولا قصرت
وانا زيك بحث في قوقل عن القصيدة واستفسرت من بعض الشيبان ولا يعرفونها
والمشكله ان الشخص اللي يعرف القصيد ويحفظه من ربعنا توفى قبل سنه الله يرحمه والبقية على ماقيل طقها والحقها ههههههههههه

يعطيك العااااااااافيه اخوي نمر 1012 تحياتي لكـ