[الاجهر]

راكــب الـلـي مــا علـيـه مــن الـهـلاش = ولا يـدانــي رجــــل ســواقــه تــنــوش .
صـــوت مــاطــوره يـجـيــب الإنـتـعــاش = صافـي(ن) مـا فيـه مسمـار مغشـوش !
ولا تـحـس إلـيـا اشتـغـل فـيـه إرتـهـاش = غيـر صـوت (ن) كنـه ابـريـق يـغـوش !
زيـن شوفـه لاأعتـرض وسـط القـراش = في بوايك تاجـر(ن) فـي وسـط حـوش .
وزيــن شـوفـه والنـفـل مـثـل الـفــراش = يتمـشـى فــي الـخـلا مــع درب بــوش .
فـيـه خــط(ن) داخـلـه مـثــل الـرشــاش = أدهـم (ن) فـي حافـتـه مـثـل النـقـوش !
فـي الجـنـوب اثنـيـن واحـدهـن نـشـاش = كنـهـن سيـريـن مــن جـلــد الـوحــوش!
والـمـراتـب جـلـدهــن لــيــن الـقـمــاش = مــا تمـلّـه فــي المشـاويـر الـطـروش !
ربــع ملـيـون(ن) ثمـنـه الـيــوم كـــاش = وسمعتـه مـا كنهـا الا جــورج بــوش *
لا نـهـمـه دريـولــه مـــا قـــال مـــاش ! = ولا سحبن الجيب في الخشم الونوش !!
أبـيــض مــــا كــنــه الا لــــون شــــاش = لا تـنـهـض تــقــل شـغـمــوم يــهــوش !
ضــاري مــن طـيــب راســـه للهواش ! =عقب خبـل (ن) باغـي لخشمـه ينـوش !
وعقـب علـم(ن) طايـل(ن) فيـه النقـاش = أرتـبـع كـنّـه عــن الأرض مـخــروش !
قـال :عنـدك مثـل خشمـي مــا يـنـاش !! = مـــا تـجـونـه يـــا مـحــدرة الــفــروش !
ارتفـع لــه عــن عــزاز الأرض جــاش = أمتنـهـض والـعـكـوس تـــدور بـــوش .
أنطـلـق كـنّــه رصـاصــة مـــن كـــلاش = أطلقـوهـا داخــل الـحــرب الـجـيـوش !!
أنطـلـق فــي خـاطـري سـبـق الـرمــاش = هقوتـي أنـه يسبـق أرمـاش الرمـوش !
زيــن جَـلـده مـــع مسـاهـيـل الـدشــاش = كـن جَـلـده لا أنطـلـق وبــل الـرشـوش .
لــلــغـــواري حــــرّفــــه ولا بــــــــلاش = أبـو نـايـف راعــي الـوجـه البـشـوش .
والـجـنـاب الـلــي لضـيـفـانـه هــشــاش = الـوفـي ضـــداد روقـــي (ن) يـشــوش .
صايـبـه فــي المرجـلـة مـثـل الـدهــاش = وكــل طـيـب لا حـضـر طيـبـه يـطــوش .
ولا يـحـسّـب مـــع محـسّـبـة الـمـعــاش = ولا يـدسـس مــع مدسـسـة الـقــروش .
الـغـواري عـــاش والله عـــاش عـــاش = جـعــل يـفــدا هـامـتـه كـــل الــدفــوش !
اشـهـد انـــي مـــا مـدحــت الـيــوم لاش = امـــدح الــلــي دوم للـعـلـيـا يــحــوش .
ولا عـلاهــا مــــن تـمـالـيـل الـقـشــاش = صافـيـة وختـامـهـا العـنـبـر رشـــوش .

الشاعر الحبيل

الموضوع الأصلي: راكــب الـلـي مــا علـيـه مــن الـهـلاش | | الكاتب: الاجهر | | المصدر: شبكة بني عبس

[قف أمامك رشيديه]

،,

أخوي الاجهر

،,

صح لسان شآعرهآ ..

ويسلم ذوقك الرفيع في الإنتقـآء ..

أشكرك على ذآئقتك المترفه ..

لاهنت ..

،,

[مروض الصعب]

قصيدة رائعة بالجيب يستاهل الجيب وصح السان الحبيل لاهنت يالاجهر

[عبدالرحمن هليل]

قصيده رائعه وشكرآ لك يابوسعود

[فلاح الرشيدي]

مشكور على النقل الرائع يالغالي وصح لسان شاعرها
وتسلم يد ناقلها
لك ودي وتقديري

[مروان الرشيدي]

صح لسان شاعرها


ولا هنت ع النقل الرائع

:
:
:
تحياتي

[حب الغموض]

يديك الف عافيه

[الاجهر]

اقتباس من مشاركة حب الغموض يديك الف عافيه

اشكرك على المرور والمتابعه - لاهنت
----------------
اشكر الجميع تحياتي