[مرزوق العجوني]

يوم هبّ الوقت وأعماني عجاجه
الفرج عيّا .. وأنا بالصبر راهي


ويوم مال وطال ميله وأعوجاجه
رحت أدوّر شي ٍ يشد إنتباهي


وشفت زولك مقبل ٍ مثل إنفراجه
كنّه اللي جايبٍ عزّي و جاهي



ياه ياضيقات صدري وإبتهاجه
تذكر آخر مرة ٍ شفتك ..متى هي !!


صاحبك من يومها زاد إحتياجه
وأمتطى ظهر المصايب والدواهي



سولف الليله على قلبي و ناجه
من بقى لي غيرك أفخر به وأباهي



يابعد من كدّر غيابي مزاجه
ويابعد من مرّت حروفه شفاهي



رغم حيرة قلبك ورغم إنزعاجه
الزمن .. ماغيّر احساسه تجاهي



ورغم وحشة بعدك وقسوة سياجه
كل حاجه فيك ظلّت مثل ماهي



الخجل في وجهك أول مـ نتواجه
والبراءه في عيونك وأنت ساهي



وبسمتك لامن بغيت تقول حاجه
وغيرتك لاشفت كنّي عنك لاهي



قبل أشوفك .. والزمن عاقد حجاجه
أسأله : وش فيك ؟! وألقى العذر واهي



ويوم شفتك قلت للوقت وعجاجه :
هيه ياللي في طعونك كنت راهي



أنت لو غيّرت فينا ألف حاجه
القلوب البيض تبقى مثل ماهي

لفهد المساعد

الموضوع الأصلي: أحتياج~` | | الكاتب: مرزوق العجوني | | المصدر: شبكة بني عبس

[فهيد الشويلعي]

يابعد من كدّر غيابي مزاجه
ويابعد من مرّت حروفه شفاهي



صح السانك

[رشيديه و أفتخر*]

صح الساان شاعرها
ولاهنت على النقل .

[رعبوبة]

لآآآهنــت........
روووووعـهـ يآمال العآآآفية يآآمرزووووووق

[أمـ الشوق ـير]

صح لسان شآعرها
تسسسسسسلم مرزوق

[مرزوق العجوني]

صحت ابدانكم ووكل الشكر على مروركم العذب ولا هنتوا

[الوافي المهيمزي]

يعطيـــــــــك العافيه {..فهد المسااعد.

.آبدآآع ماشاء الله عليه..ويسلموا على الاختيار الاروووع.........

آخُوُكٌ..{..آلوآفٌيٌ آلمٌهيمُزيٌ...

[مرزوق العجوني]

كل الشكر على مروركم الرائع