[الكريمه]

المشكله لاجيت كلك من اقصاك
عشان شخص ٍ للأسف مادرا فيك

يصيبك الاحباط وتضيق دنياك
وتضيع لحظات الامل بين اياديك

شخص ٍ تحسبنه يبيك او تمناك
في عز لحظات الغلا مايحاكيك

تحتاجله في عز ضيقك ولاجاك
وهو بوقت الضيق دايم يلاقيك

تتعب معه ثم تكشف به تغاضاك
والمشكله ماقال ياشيخ مابيك

لو قالها يمكن تغير نواياك
او تختصر درب ٍ لشخصه يوديك

يغيب يرجع حالف ٍ ماتناساك
يقول بس اظروف لازم نخليك

تزعل ويرجعلك تحسبه تراضاك
وأثريه مثل ابليس وده يأذيك

ماهمه اللي صار بالود يبلاك
يبيك في دنياك تكثر بلاويك

مثل العذول اللي يضايقه ممشاك
يفرح ليامن شاف وقتك معنيك

يغيضه اسمك مع قصيدك ومبداك
وأثره مثل بعض البشر ماتد****

تغيير منك وأتمنى مزاياك
وهي تموت امن القهر ماتساويك

بعض البشر يضحك بوجهك ويشناك
وبعض البشر لاغبت بالخير يطريك

أحذر من اللي لاسلى عنك خلاك
تراه لا من غبت صعبه يحاتيك

واحرص علي اللي يسعده دوم لقياك
اللي ليامن شاف شخصك يحييك

هذاك وقت الضيق تلقاه يمناك
جازه بفعل الطيب دامه يجازيك

واللي على فعل النذاله تعاداك
اضحك بوجهه واحقره يبتلش فيك

بعض البشر يسمح ويدمح خطاياك
وبعض البشر صعبه يطوف ويبليك

من عادت الايام تنسى عطاياك
قليل بين الناس يذكر حس****

والحظ لامنه لفاك او تعداك
يضيق حالك وتعوكس لياليك

تحسب حسابك غير وتضيق وياك
ويصير هالهاجوس دايم يباريك

والوقت اكبر مشكله لاتحداك
يضيع منك تحسبنه يسليك

واكبر قهر لاجيت كلك من اقصاك
عشان شخص ٍ للأسف مادرا فيك

تقبلوا تحيات اختكم الكريمه

الموضوع الأصلي: اكبر قهر لاجيت كلك من اقصاك عشان شخص ٍ للأسف مادرا فيك | | الكاتب: الكريمه | | المصدر: شبكة بني عبس

[سعد محمد]

ابيات جميله تحاكي شخص يتجاهل كل ما يبذل له من حب وصدق

صح لسان قائله ولا هنت يا ناقلها .

يسلمووو على الذوووق الجميل ’ ’ ’

[ولد الشرقية]

قصيده في الصميم
تسلمين يالكريمه على النقل الراقي.

[الكريمه]

الله يعطيك العافيه على الرد الجميل

[الكريمه]

تسلم ولد الشرقيه على الرد الرائع

[شيخه بنت شيخ]

اختي الكريمه اختيار رائع ونقل مميز
ابيات في قمة الروعه و الجمال

[محمد العبسي]

شخص ٍ تحسبنه يبيك او تمناك في عز لحظات الغلا مايحاكيك تحتاجله في عز ضيقك ولاجاك وهو بوقت الضيق دايم يلاقيك تتعب معه ثم تكشف به تغاضاك والمشكله ماقال ياشيخ مابيك لو قالها يمكن تغير نواياك او تختصر درب ٍ لشخصه يوديك

صح لسان الشاعر

والله يعطيك العافية على النقل يالكريمة

[المجروحه]

فاح عبير ابداعك هنا

وتناثرت حروفك برقة لترسم اعذب الكلمات




طـرح رآئـع
وأحـسآس شآعري رآقـي
شـكـرآ لـكي