[يوسف الصامل]

معتق العياضي ::
يامرحبا ترحيب وافي من عزيزيـن الجنـاب // أقولهـا وأعيدهـا باسـم المدينـة كلهـا
امنولٍ ناويك ياحبيب بسوطٍ مـن عـذاب // وشلون مرت قدم عينك وأنت ماتفطنلهـا

حبيب العازمي ::
دام البقاء لك والمدينة مالنا فيهـا اغتـراب // هذي مدينـة سيـد الأمـه محـد يحتلهـا
بدري عليك اللي تقوله وانتبه يابو الشبـاب // أنا عطيت الأولـه ماقلـت معتـق خلهـا

معتق العياضي ::
أنته تقوله مير حنا اللي بها عصـر الركـاب // تـرى العتيبـي مـن قبـل والله ماينزلهـا
ياصاحبي وشلون جمعت النمورة والذيـاب // وتقول من عنده سيـوف يالعيـال يسلهـا

حبيب العازمي ::
أقرب إلي من الثرى وأبعد عليك من السحاب // كم ديـرة وصلتهـا والنـاس ماتاصلهـا
ترى القوافل ماشيه ماهمها نبـح الكـلاب // مالك ومال أهل الفتن أنته صلاتـك صلهـا

معتق العياضي ::
حنا نزلنا وسط طيبة يوم خلـق الله تهـاب // والترك حنا اللي طردها مير ربعـك قلهـا
أنته تقوله ياحبيب ميـر فـات الاكتتـاب // ترى القوافل لو توقـف بالطريـق أحسلهـا

حبيب العازمي ::
ماتعلم إن جدي أنا بالسيف مصقول النصاب // الترك في هضبـة وعيـرة دونكـم قابلهـا
خلاص قفل بنك الانماء مابقى الا بنك ساب // واللي فلوسه دوبها المصـروف وش يعملهـا

معتق العياضي ::

قابلهم جدك لكنه مـدرق سـد الهضـاب // يومين ثم روح وكبـده باقيـه فـي غلهـا
خلاص مانبغاه جعله للتشتـت والذهـاب // الأولـه راحـت وباقيـة الدفاتـر فلهـا

الموضوع الأصلي: هذه المحاورة بين الشاعر الكبير حبيب العازمي | | الكاتب: يوسف الصامل | | المصدر: شبكة بني عبس

[كاتب الرشيدي]

شكراً للنقل الراقي

يايوسف

[ناصر الخياري]

لاهنت يابو نايف ...
تسلم طارووق رائع ....

[فهيد الشويلعي]

صح السانتهم الشاعر
لاهنت ع النقل

[مشعل الخياري]

لا هنت علي الــــــنـــقل

[ماهر]

طاروق جميل اعقتد ان المعنى عن قناة المرقاب
العياضي من الشعراء الشباب المميزن
لاهنت يايوسف مواضيعك رووعه