[قسورة الغاب]

يازين صدقني بعد ذقت فرقاك = ماغاب طيفك عن عيوني شويه
دايم علي بالي خيالك ونجواك = واشفق علي نظراتك الشاعريه
ياشيب قلبي كلما حل طرياك = لاقمت ارحب فيك بارضن خليه
هلا بطيفك وانبلاجك وذكراك = هلا بمطراق الظلوع الحنيه
هلا فبعدك واقترابك ومرساك = وشلون احيي فيك يالله حيه
يازين لو بعدك عن العين نساك = انكان حالي منك ماهي شقيه
لا بعد واساني ولا الشوق عناك = والكل منا في فؤاده بليه
بعدك ظلم قلبي وعزم علي لقاك = جافا ظلوعي والعروق النديه
سري قبل عامين يازين ماجاك ؟؟؟ = ماشفت قلبي ياحبيبي هنيه
لاجاك قل حالي مالي فداياك = وخله معك لاترد قلبي عليه
يمكن تجي وتجيب هالقلب وياك = مادام باقن بي معاليق حيه
يازين شوقي ونشغالي لعيناك = والحب من عيني لعينك هديه
تستاهلين الحب والقلب كد جاك = وهذي تواقيع العشر من يديه
وان كان تذكرني انا مقدر انساك = عليك مني كل ليله تحيه

الموضوع الأصلي: قسورة الغاب يتغزل ^_^ | | الكاتب: قسورة الغاب | | المصدر: شبكة بني عبس

[أسايرها تعاندني]

تستاهلين الحب والقلب كد جـاك
وهذي تواقيع العشـر مـن يديـه
وان كان تذكرني انا مقدر انسـاك
عليـك منـي كـل ليلـه تحيـه
وهذي تواقيعي العشره إنك مبدع ولك مني تحية إعجاب وإحترام وتقدير

[(ابوعواض)]

لاحول ولاقوه الا بالله 60 سنه تغزل

قابل ربك الله يهديك هههههههههههه

تستاهلين الحب والقلب كـد جـاك=وهـذي تواقـيـع العـشـر مــن يـديـه
وان كان تذكرنـي انـا مقـدر انسـاك=عـلـيـك مـنــي كـــل لـيـلـه تـحـيـه

الله واكبر عليك

تحيآتي يآبطل ^_^

[كاتب الرشيدي]

صح لسانك

لا بعد واساني ولا الشوق عنـاك

والكـل منـا فـي فـؤاده بليـه

تحياتي

[ناصر محياء]

اقتباس من مشاركة قسورة الغاب يازين صدقني بعد ذقت فرقاك = ماغاب طيفك عن عيوني شويه دايم علي بالي خيالك ونجواك = واشفق علي نظراتك الشاعريه ياشيب قلبي كلما حل طرياك = لاقمت ارحب فيك بارضن خليه هلا بطيفك وانبلاجك وذكراك = هلا بمطراق الظلوع الحنيه هلا فبعدك واقترابك ومرساك = وشلون احيي فيك يالله حيه يازين لو بعدك عن العين نساك = انكان حالي منك ماهي شقيه لا بعد واساني ولا الشوق عناك = والكل منا في فؤاده بليه بعدك ظلم قلبي وعزم علي لقاك = جافا ظلوعي والعروق النديه سري قبل عامين يازين ماجاك ؟؟؟ = ماشفت قلبي ياحبيبي هنيه لاجاك قل حالي مالي فداياك = وخله معك لاترد قلبي عليه يمكن تجي وتجيب هالقلب وياك = مادام باقن بي معاليق حيه يازين شوقي ونشغالي لعيناك = والحب من عيني لعينك هديه تستاهلين الحب والقلب كد جاك = وهذي تواقيع العشر من يديه وان كان تذكرني انا مقدر انساك = عليك مني كل ليله تحيه

صح السانك على هذا القصيدة المتماسكه العذبة

لاجاك قل حالي و مالي فداياك = وخله معك لاترد قلبي عليه
اسمح لي بضافة حرف (و) وهو خطاء مطبعي


لا بعد واساني ولا الشوق عناك = والكل منا في فؤاده بليه

اعجبني هذا البيت وللمانه القصيدة كلها اعجبتني

تقبل مروري

[حمود البراهيم]

صح السانك يالقسوره وكل المرور الكككككككككككككك

بس ترى كاتب يقصد وش معنى بليه

على باله انه لاعب البرازيل هههههههههههههههههههه

[برق الوسم]

قسورةالغاب
صح لسانك..قصيده جميله
لاهنت...تقبل مروري

[ذيبان الرشيدي]

حي ذوقك .. وصح منطوقك

تُختَم
ولي عودهـــ

دُمتَ
بخيراً وعافية