[نوماس5]

الالف
الفن اولف يا عرب شي خافي
من حر ما بي صرت اجيه با القوآفي
واعتب على اللي با الهواء رآح جآفي
اللي نسى عشره شهور وسنيني

والباء
برا حالي ودمعي يهلي
وادعي عضيم الشان في المسجد اللي
بها المطوع والخلايق اللي تصلي
انه يرد الدين صعب الجبيني


والتاء
تراني من هواء الزين محروم
من سبته في مرقدي صرت مسموم
والموت ما منه مصير ومحتوم
والزين ما يدري عن اللي يجيني


والثاء
ثلاث اسنين عآيش بدنياه
وفي حبهم مركب هوانا رسيناه
وفي وسط قلبي قصر حبه بينناه
واليوم ما بلقى عبيد وعويني


والجاء
جفاني وافترقنا بطريقين
وكنا قبل هذاء بهونا شركين
وبكرة سنه وبحبنا مستميتين
و يوما خلاني بوحدي حزيني


الحاء
حرآم أنه يعذب ضميري
ويتركني في درب المحبه كسيري
ما يدري أن بعاده عليه عسيري
والقلب بغيآبه يزيد الونيني


الخاء
خلاص العين ماتذرف ادموع
من قبل هذاء كنها سد مقطوع
والقلب صوته بين الاضلاع مسموع
والجار عند المحكمه مشتكيني


والداء
دواء قلبي من الزين نظره
طال أنتظاري وزاد شوقي بحسره
واليوم لا من رآح انا قلت بكره
وحنا على جمر الغضاء مشتويني


والذاء
ذكرت الزين مع طيف نسناس
امشي واجامل بس اخافي عن الناس
وانا اكتم العبآرت واقول لا بآس
يمكن يجيني وما يخيب ضنوني


والراء
ربيع العمر دبلت وروده
والصبر مني قد تعداء حدوده
ولا حصلي بوستنا من خدوده
بآكر يجيني الموت واصبح دفيني


والزاء
زماني ودي يرجع دقيقه
من شان اوري نور عيني الحقيقه
ولا أن ربي في غيآبي يفيقه
واصبرعلى اللي في غرآمه فتوني


والسين
سالت دمعتي فوق خدي
لا وحسآيف كنت اضنه يردي
وكنت احسبه الحبل وقتي يشدي
لكن ربي في حبهم مبتليني


والشين
شوفو حالتي من عذابه
الجسم مني مثل بيتنا خرآبه
خلاني عضما ما تبيه الكلابه
والناس عن اوطانهم ابعدوني



والصاد
صرت بينهم كني مجنون
توي شباب لا شك انا فيه مفتون
من كثر مبيه اهلى علي يبكون
وكل العرب في قصتي يعلموني


والضاء
ضلام الزين كنه مجيني
والنور في دنياي صار عديمي
يا ناس هذي حالتي من قديمي
حسبي على حال دونه ودوني


والطاء
طواني الهم واصبحت مرضان
ولوشفت الخلان صرت ولهان
وجلس طوال الليل لصبح سهرآن
ولو صحت با اعلاء الصوت ما جاوبوني


والعين
عيني عافت النوم با الليل
تشكي هموم لجنمه الصبح وسهيل
تسال تبي للوصل حلنا وتحليل
وكل من سمع شكوآي اصبح حزيني


والغين
غرت في سفينه هوآيه
في حبهم اصبحت انا في العنآيه
والبدر الساطع رحل من سمآيه
خلاص حنا من ما جراء مكتفيني


والفاء
فديت الزين في كل عمري
وارخصت له في كل شي ولا ادري
من شاف حالي كنه عود مبري
كنه من اهلى با الدنر مشتريني


والقاء
قلي وش تبي مني واعطيك
ما همني الغرض بس ودي ارضيك
با النفس والعينين والله افديك
يا ليت قلبك بعد هذاء يليني


والكاء
كانك ما تبي اشوفك
ولا تبي عيني تحلاء وصوفك
ولا تبي كفوفي تلمس كفوفك
تحت التراب خلني اصبح دفيني


والم
لقيت العناء والمصايب
وكثره همومي وشفت منه العجايب
وخلاء فوآدي وسط نار اللهايب
والناس في كل ما حصل يشهدوني


والميم
ما والله أحب غيره
حتى ولو صارت حياتي مريره
حتى ولو صار فديره وانا بدرة
مارضى بغيره حتى ولو خيروني


والنون
ناديت الحبيب ولا عاد
وارسلت له جمله مراسيل ولا فاد
وسلت عنه كل ربعه والاجواد
لكنهم با الصدق ما خبروني


والهاء
هويته وداخل القلب مغليه
ولو يباعد كل الاموال لشريه
واحب اللي يحبه واعادي اللي يعاديه
واقولها وكل الخلايق يسمعوني

والواو
وعودك يا حبيبي سرآبي
طال انتظاري ورآح عمري وشبابي
يا من يجيب لنور عيني جوآبي
تكفون شوفو حآلتي وارحموني


والياء
يا رب طالبك تستجبني
انا مريض با المحبه وصويبي
اريد من المعذب طبيبي
يا الله في قرب الحبآيب تستجيبي

الموضوع الأصلي: قصيدهـ ... من الالف الى اليآء | | الكاتب: نوماس5 | | المصدر: شبكة بني عبس

[نوماس5]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟